1 Pedro 1:12 - Quiché Bible

¹² Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Xqꞌalajisax chkiwach chi man aꞌreꞌ taj tajin kakipatanij kibꞌ, xane are tajin kixkipatanij ix. Xkitzijoj ri utz laj tzij ri katzijox chiꞌwe kamik rukꞌ ri ukwinem ri Uxlabꞌixel ri xtaq loq pa ri kaj. Ri angelibꞌ sibꞌalaj kakirayij rilik we jastaq riꞌ.

K'iche'

¹² Xk'alajisax c'u chquiwäch rumal ri Dios chi ri tajin cäquiya u bixic man are tä chque ri e are', xane chke uj cämic. Are c'u wa' ri tzijom chiwe ix cumal ri winak ri xquitzijoj ri Utzalaj Tzij re ri Evangelio ruc' ru chuk'ab ri Lok'alaj Espíritu ri takom lok chicaj. Are sibalaj cäcaj ta na ri ángeles cäquetamaj ronojel wa'.

K'iche' (New Orthography)

¹² Xq'alajisax k'u chkiwäch rumal ri Dios chi ri tajin käkiya u b'ixik man are tä chke ri e are', xane chqe uj kämik. Are k'u wa' ri tzijom chiwe ix kumal ri winaq ri xkitzijoj ri Utzalaj Tzij re ri Evangelio ruk' ru chuq'ab' ri Loq'alaj Espíritu ri taqom loq chikaj. Are sib'alaj käkaj ta na ri ángeles käketamaj ronojel wa'.

1 Pedro 1:12 Referans Kwoze

Ri Xuan 15:26

Aretak c'u cäpe ri cucu'bisaj c'uxaj, ri quintak na ulok chiwe, ri aj nu Tat, ri Uxlabaxel aj kastzij ri quel ulok ruc' ri nu Tat, are' ri' cuk'alajisaj na chwij.

Efesios 3:10

Xbantaj wa' rech camic ri c'o qui takanic xukuje' ri c'o qui cuinem pa ri caj cäquetamaj rumal ri comon cojonelab ri q'ui u wäch tak u no'j ri Dios.

1 Corintios 2:10

Ri Dios xebuc'ut wa' chkawäch uj rumal ri Ruxlabal. Are c'u ri Uxlabaxel cunic'oj ronojel, xukuje' ne ri jastak re ri Dios ri man quech'obtaj taj.

Hebreos 4:2

Ri uj xukuje' ka tom ri tzij re colobal ib junam jas ri e are'. Ri e are' c'ut man c'o ta xquechbej che ri u tatabexic ri tzij rumal rech chi man xecojon taj aretak xquitatabej.

Marcos 16:15

Xubij chque: Jix cho ronojel ri uwächulew. Chebitzijoj ri utzalaj tak tzij chque conojel ri winak.

1 Pedro 1:25

Are c'u ri u tzij ri Ajawaxel cäc'oji' amak'el chbe k'ij sak.” We tzij ri', are ri utzalaj tak tzij ri tzijom chiwe.

Apocalipsis 5:11

Xinca'yic, xinta' ri qui ch'abal q'ui tako'nib aj caj chrij ri tem re ajawibal. Xinta' ri qui ch'abal ri awaj xukuje' ri qui ch'abal ri nimak tak tatayib. Ri cajilabal miyonab chi e miyonab.

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

2 Corintios 1:22

Ri are' u cojom ketal che u c'utic chi uj rech. Xukuje' u yo'm ri Uxlabaxel pa ri kanima', c'utbal wa' chi cäyataj na ri jastak chke ri u bim ri Dios.

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

Hechos 2:33

Ri Jesus xwalijisaxic rech quet'uyul pa ri u wiquiak'ab ri Dios, xuc'am c'u che ri Tataxel ri Ruxlabal ri Dios ri chi'm ulok, ri xujachala' ri are'. Are' wa' ri ilom alak xukuje' e tatabem alak.

Ri Daniel 12:13

Are c'u ri at, Daniel, chatakej ri a be c'ä che ri a q'uistajic, chatuxlan c'ut, chquipam c'ut ri q'uisbal tak k'ij catwalij na che u c'amic ri tojbal awech.’ ”

Ri Daniel 12:9

Ri are' xutzelej u wäch ri nu tzij xubij chwe: ‘Chatakej ri a be, Daniel, e are c'ut we jastak ri' rajawaxic quecanajisax chic'uyal c'ä copan na ri jok'otaj q'uisbalil.

Hebreos 2:4

Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

Gálatas 1:12

Man xinc'am ta ri utzalaj tak tzij che jun winak, mawi xintijox rumal jachin jun, xane' are ri Jesucrist xk'alajisan chnuwäch.

Romanos 10:15

¿La cuya' lo quebe che u tzijoxic ri colobal ib we man quetak bic? Jas ri tz'ibatalic: “¡Sibalaj je'lic ri copanem ri queyo'w u bixic ri utzalaj tak tzij!”

Romanos 1:17

Ri utzalaj tak tzij cuc'ut chkawäch chi ri Dios cuban suc' chke rumal ri cojonic, xak xuwi rumal ri cojonic. Jas ri cubij ri tz'ibatalic: “Ri suc'alaj winak cäc'asi na rumal ri cojonic.”

Ri Lucax 15:10

Je c'u ri' quinbij chiwe chi quequicot ri e aj cajalaj tak u tako'n ri Dios rumal rech jun ajmac ri cuq'uex u c'u'x.”

Ri Matey 11:25

Pa ri k'ij ri' xch'aw ri Jesus, xubij: “Quink'ijilan che la, Tat, Rajaw caj ulew, chi xebec'u' la we jastak ri' chquiwäch ri c'o qui no'j xukuje' ri c'o qui ch'obobal, xebec'utinisaj c'u la chquiwäch ri ac'alab.

Ri Amos 3:7

Mawi jumul c'o ta jas cuban ta ri Ajawaxel, we ta mat cuk'alajisaj chquiwäch ri u pataninelab ri e k'axal u tzij.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

1 Tesalonicenses 2:9

Kachalal, cänataj chiwe ri c'axalaj ka chac. Xujcos ruc' ri ka chac. Xujchacun chi chak'ab chi pa k'ij, rech man cäkaya' ta jun eka'n chrij jachin jun chiwe, xkatzijoj ri utzalaj tak u tzij ri Dios chiwe.

Ri Lucax 9:6

Xebel c'u bic ri u tijoxelab, xequisolij ri alaj tak tinimit. Xquitzijoj ri tzij re colobal ib, xequicunaj yawabib pa ronojel c'olbal.

Ri Lucax 2:26

Bim chi can che ri Simeon rumal ri Ruxlabal ri Dios, chi man cäcäm ta na, c'ä cäril na ri u Crist ri Ajawaxel.

Ri Matey 16:17

Ri Jesus xubij che: “Utz awe, Simon, u c'ojol ri Jonas. Man xc'ut ta wa' chawäch cumal ri winak, xane' xc'ut wa' chawäch rumal ri nu Tat ri c'o pa ri caj.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Daniel 10:1

Pa ri urox junab re ri rajawinic ri Sir ri aj Pers, ri Daniel ri cäbix Beltsasar che, xril jun kas k'alajisanic ri sibalaj c'ax u ch'obic ri quel cubij. Are c'u ri Daniel xucoj ronojel ri u no'j che u ch'obic, xcuin c'u che u ch'obic ri quel cubij ri k'alajisanic ri xya' che.

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 2:22

Ri are' quebuc'utunisaj tak ri jastak ri naj qui pam xukuje' ri man e etamatal taj; reta'm ri c'o pa ri k'ekumalil, c'o c'ut ri sakil ruc'.

Ri Daniel 2:19

Pa ri ak'ab ri' ri awatalic xc'utunisax chuwäch ri Daniel pa jun c'utwächinic, rumal c'u wa' ri Daniel xutewichi'j ri Dios ri c'o pa ri caj

Ri Isaiy 32:15

Are c'u ri u cuinem ri Ajawaxel ri winakirisanel c'ac' u petic cäpe chi na jumul pakawi', ri chaki'j uwo sak cäq'uextaj na pa utzalaj ulew re ticonijibal, ri ulew re ticonijibal sibalaj cäwächin chi na chuwäch ri nabe.

E C'ambal tak Tzij 1:23

Chebitatabej ri e nu pixbenic quixinnojisaj c'u na ruc' no'jinic; quebenya' c'u na quetamaxic tak ri e nu chomanic chiwe.

Elem 25:20

cuc'ulaj rib qui wäch, are c'u ri qui palaj are caquica'yej ri tz'apibal, cäliq'ue ri qui xic' puwi' ri tz'apibal e jacha' jun mu'j.

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Ri Isaiy 53:1

¿Jachin quecojowok ri ka tom? ¿Jachin chuwäch u c'utum wi ri Ajawaxel ri u cuinem?

Romanos 1:15

Rumal c'u wa' xukuje' sibalaj quinwaj quintzijoj ri utzalaj tak tzij chiwe ri ix c'o pa Rom.

Hechos 16:10

Xuwi c'u xilitaj ri c'utwächinic rumal ri Pawl xkasuc'umaj ri ka bic pa Masedon. Xkach'obo chi are ri Dios xujsiq'uin che u tzijoxic ri utzalaj tak tzij chque ri winak chila'.

Hechos 10:44

C'ä cätajin cubij ri Lu' we tzij ri', ri Ruxlabal ri Dios xkaj ulok paquiwi' conojel ri cätajin cäquitatabej ri xubij.

Hechos 8:25

Aretak e k'alajisaninak chic quiyo'm chi c'ut ri u tzij ri Dios, ri takomxenlab xquiya' u bixic ri c'ac' tzijol pa tak ri alaj tak tinimit aj Samar, xetzelej c'ut pa Jerusalen.

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Hechos 4:8

Ri Lu', nojinak che ri Ruxlabal ri Dios, xubij chque: “Ri alak, ri c'amom alak u be ri tinimit xukuje' tak ri e nimak tak tatayib.

Ri Joel 2:28

“Aretak e bantajinak chic we jastak ri' quinjamij na ri wuxlabal puwi' ronojel winak: ri e i c'ojolab xukuje' ri e i mia'laxelab quech'aw na wumal, ri ri'jab tak tatayib quequiban tak na ichic' ri c'ojolab quequil tak na c'utwächinic.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

1 Pedro 4:6

Rumal ri' ri tzij rech colobal ib kas xk'alajisax chque ri e cäminak chic, rech ri tzij rech colobal ib cäcuinic cuk'attzij paquiwi' jas kas ri u cholajil ri c'aslemal ri xcuc'aj we winak ri' pa ri ti'jol. Xukuje' xtzijox ri tzij rech caya' k'ijol chi cac'oji' qui c'aslemal pa ri uxlabal jas kas ri u rayibal ri Dios.