1 Juan 5:20 - Quiché Bible

²⁰ Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Qetaꞌm kꞌut chi ri uKꞌojol ri Dios xpetik chuyaꞌik qetaꞌmabꞌal rech jeriꞌ kaqetaꞌmaj uwach ri kꞌaslik Dios. Qas uj kꞌo wi rukꞌ ri uKꞌojol Jesucristo. Are waꞌ ri kꞌaslik Dios, xuqujeꞌ are jun alik kꞌaslemal.

K'iche'

²⁰ Ketam c'ut chi ri u C'ojol ri Dios petinak cho ruwächulew, u yo'm c'u ri ka no'j rech cäketamaj u wäch ri kas Dios. Ri uj, xa uj jun ruc' ri Dios. Quel cubij wa' chi xa uj jun ruc' ri Jesucristo ru C'ojol. Are c'u wa' ri kas Dios, cuya c'u ri c'aslemal ri man c'o tä u q'uisic.

K'iche' (New Orthography)

²⁰ Qetam k'ut chi ri u K'ojol ri Dios petinaq cho ruwächulew, u yo'm k'u ri qa no'j rech käqetamaj u wäch ri qas Dios. Ri uj, xa uj jun ruk' ri Dios. Kel kub'ij wa' chi xa uj jun ruk' ri Jesucristo ru K'ojol. Are k'u wa' ri qas Dios, kuya k'u ri k'aslemal ri man k'o tä u k'isik.

1 Juan 5:20 Referans Kwoze

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Lucax 24:45

C'äte ri' xuban chque chi cäquich'ob ri Tz'ibatalic.

Ri Xuan 14:9

Ri Jesus xubij che: “Q'ui k'ij chic in c'o iwuc'. ¿La ma ta a ch'obom nu wäch, Pelip? Jachin ri rilom nu wäch in, rilom u wäch ri Tataxel. ¿Jas c'u che cabij at: ‘C'utu' la ri Tataxel chkawäch?’

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.

1 Juan 5:1

Ronojel jachin ri cacojonic chi ri Jesus are' ri Crist, ralc'ual ri Dios wa'. Apachin ri culok'ok'ej jun tataxel, xukuje' quebulok'ok'ej ri e ralc'ual we tataxel ri'.

Ri Xuan 20:28

Ri Max xubij che: “¡Wajaw, xukuje' nu Dios!”

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':

1 Juan 4:16

Xukuje' ri uj cäkach'ob u wäch ri u lok'ok'ebal c'u'x ri Dios chke, xukuje' uj cojoninak che. Ri Dios are lok'ok'ebal c'uxaj, apachin ri jekel pa ri lok'ok'ebal c'uxaj, jekel pa ri Dios, xukuje' ri Dios pa ri are'.

Romanos 9:5

Ri e u wi' tak qui jolom ri xalax wi ri Crist jas ri u beya'l ri ti'j, ri are' Dios paquiwi' conojel ri jastak, chyok ba' u k'ij amak'el. Je chbanok.

Ri Xuan 10:30

Ri in ruc' ri Tataxel xa uj jun.”

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

1 Juan 4:2

Je c'u wa' quiban ix che retamaxic jachin ri c'o ri Ruxlabal ri Dios ruc': ronojel ri cayo'w u bixic chi ri Jesucrist xpetic jacha' kas jun winak, c'o ri Ruxlabal ri Dios ruc'.

1 Juan 2:6

Ri winak ri cubij chi nuc'ul ruc' ri Dios, rajawaxic caruc'aj jun c'aslemal ri cajunamataj ruc' ri u c'aslemal ri Jesucrist.

Hebreos 1:8

Che c'u ri C'ojolaxel cubij wi: “Ri a tem re ajawibal, oh Dios, amak'el chbe k'ij sak man q'uisel taj. Bara' re suq'uil ri u bara' ri awajawinic.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Ri Xuan 17:14

Ri in nu yo'm ri tzij la chque. Ri winak aj uwächulew xquetzelaj qui wäch, rumal rech chi man e aj uwächulew taj, jas ri in xukuje' man in aj uwächulew taj.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

Apocalipsis 3:14

“Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij:

1 Juan 4:14

Ri uj c'ut kilom xukuje' cäkak'alajisaj chi ri Tataxel xutak ulok ri C'ojolaxel che Colol que ri winak cho ri uwächulew.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Ri Xuan 15:4

Chitakej u tikic iwib wuc', xukuje' ri in quintakej u tikic wib iwuc'. Jacha' ri jun u k'ab ri juwi' uva man cäcuin taj cäwächin pa rech wi we man tikil che ri u nimal, jeri' xukuje' ri ix man quixcuin taj quixwächinic we man ix tikil chwe.

Ri Xuan 14:23

Ri Jesus xubij che: “We c'o jachin quinulok'ok'ej, cunimaj ri nu tzij; cälok'ok'ex c'u na rumal ri nu Tat, cujpe c'u na ruc', cujjeki' na ruc'.

Ri Xuan 14:20

Pa ri k'ij ri' ri ix qui ch'ob na chi ri in in c'o pa ri nu Tat; are c'u ri ix, pa ri in; xukuje' c'u ri in pa ri ix.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

Ri Lucax 21:15

In quinyo'w na i tzij, in quinyo'w i no'j. Jeri' chi ri e i c'ulel man cäquirik taj jas cäquibij chiwe, man quech'äcan taj.

Ri Matey 13:11

Ri Jesus xubij chque: “Chiwe ix yo'm wi u ch'obic ri jastak re ri rajawibal ri Dios, ri man etamatal taj nabe canok. Man yo'm ta c'u chque ri e are.

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Isaiy 54:5

are' c'u ri xatwinakirisanic catuc'am na che rixokil. Ri u bi' are Ajawaxel ri c'o ronojel u cuinem ri torol awech are ri Tastalicalaj u Dios ri Israel ri Dios ri' re ronojel ri uwächulew.

1 Juan 2:24

Rumal ri', ri ix chic'olo' chupam ri iwanima' ri tijonic ri xitatabej kas pa ri tiquiritajic; we c'u ri xitatabej kas pa ri ticaritajic canajinak chupam ri iwanima', xukuje' ri ix kas ix nuc'utal ri' ruc' ri C'ojolaxel xukuje' ruc' ri Tataxel.

Efesios 3:18

rech quixcuin che u ch'obic cuc' conojel ri cojonelab chi ri nimalaj u lok'ok'ebal u c'u'x ri Crist, ri sibalaj nim u wäch, nim u rabic, naj u kajbem xukuje' naj elinak chicaj.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Ri Xuan 17:25

Suc'alaj Tataxel, ri winak aj uwächulew man cäquich'ob ta wäch la. Ri in c'ut quinch'ob wäch la. We winak ri' queta'm chi ri lal xintakow la ulok.

Ri Jeremiy 23:6

Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Ri Xuan 8:42

Ri Jesus xubij c'u chque: “We ta are' i Tat ri Dios, quinilok'ok'ej ta ri'. In elinak c'u ulok ruc' ri Dios, in petinak c'ut. Man xinpe ta pa we wi, xane' are' ri Dios xintakow ulok.

1 Juan 2:23

Apachin ri man cuya' ta u k'ij ri c'ojolaxel, man c'o ta ri' ri Tataxel ruc' apachin ta c'u ne cuya' u k'ij C'ojolaxel, c'o ri' ri Tataxel ruc'.

1 Juan 5:5

Ri cucojo chi ri Jesus are' u C'ojol ri Dios, cäch'äcan puwi' ri uwächulew.

1 Juan 5:15

We c'u keta'm chi cujuto aretak cäkata' apachique jasach che, keta'm chi cuya' na jas ri xkata' che.

1 Juan 5:18

Keta'm chi apachin ta ne ri e alc'ualam rumal ri Dios man quebin ta pa ri mac. Are ri u C'ojol ri Dios quechajinic, man quenak ta c'u rumal ri itzel.