1 Juan 2:24 - Quiché Bible

²⁴ Rumal ri', ri ix chic'olo' chupam ri iwanima' ri tijonic ri xitatabej kas pa ri tiquiritajic; we c'u ri xitatabej kas pa ri ticaritajic canajinak chupam ri iwanima', xukuje' ri ix kas ix nuc'utal ri' ruc' ri C'ojolaxel xukuje' ruc' ri Tataxel.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Kꞌol pa iwanimaꞌ ri kꞌuttal loq chiꞌwach are xmajtaj loq ronojel, rech jeriꞌ kixkꞌojiꞌ pa Dios xuqujeꞌ pa ri ukꞌojol Jesús.

K'iche'

²⁴ Chic'olo ba' ix pa ri iwanima' ri Tzij ri i tom petinak lok. We ri Tzij ri' ri i tom petinak lok cäc'oji can pa ri iwanima', kas quixcanaj na can xa jun ruc' ri Dios ka Tat xukuje' ruc' ru C'ojol.

K'iche' (New Orthography)

²⁴ Chik'olo b'a' ix pa ri iwanima' ri Tzij ri i tom petinaq loq. We ri Tzij ri' ri i tom petinaq loq käk'oji kan pa ri iwanima', qas kixkanaj na kan xa jun ruk' ri Dios qa Tat xuquje' ruk' ru K'ojol.

1 Juan 2:24 Referans Kwoze

Ri Xuan 14:23

Ri Jesus xubij che: “We c'o jachin quinulok'ok'ej, cunimaj ri nu tzij; cälok'ok'ex c'u na rumal ri nu Tat, cujpe c'u na ruc', cujjeki' na ruc'.

1 Juan 4:13

Ri cac'utuw chkawäch chi ri uj uj jekel pa ri Dios xukuje' chi ri are' jekel pa ri uj, u yo'm c'u ri Ruxlabal.

1 Juan 4:16

Xukuje' ri uj cäkach'ob u wäch ri u lok'ok'ebal c'u'x ri Dios chke, xukuje' uj cojoninak che. Ri Dios are lok'ok'ebal c'uxaj, apachin ri jekel pa ri lok'ok'ebal c'uxaj, jekel pa ri Dios, xukuje' ri Dios pa ri are'.

Apocalipsis 3:3

Chnataj ba chawe ri tzij ri a c'amom xukuje' ri a tom; chabana', chaq'uexa' ri a c'u'x. We c'u man catc'asc'atic, quinpe awuc' jacha' ta ne jun eläk'om, man c'o ta canabej jachique jok'otaj quinpe awuc'.

1 Juan 2:7

Lok'alaj tak wachalal, we takomal ri' ri quintz'ibaj bic chiwe man c'ac' taj: are wa' ri xic'am ix kas pa ri tictajic. We ojer takomal ri' are tzijol wa' ri i tom chic.

1 Juan 1:3

Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

Ri Xuan 15:7

We ri ix quixjeki' wuc' rech xa ix jun wuc' xukuje' ri nu tzij cäjeki' pa ri iwanima', chita' apachique ta ne jasach ri quiwaj, cäyataj na chiwe.

Apocalipsis 3:11

Chawilampe', quinbe na chanim iwuc'. Matzokopij ba' ri c'o awuc', rech c'o jun mämajow ri a corona', ri tojbal ri caya' na chawe.

Colosenses 3:16

Are ta ri u tzij ri Crist cäjeki' iwuc', kas cunojisaj ri iwanima'. Chitijola' iwib, chipixbela' iwib ruc' utzalaj tak no'j; chibixoj salm che ri Dios, bix, xukuje' bixonic aj uxlabal ruc' maltioxic che ri Dios pa ri iwanima'.

Salmib 119:11

E nu c'olom tak ri tzij la chupam ri wanima'; rech man quinmacun ta chwäch la.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

Filipenses 4:15

Iweta'm, ix aj Pilipsib, chi aretak xinchap u tzijoxic ri tzij re colobal ib, aretak xinel bic pa Masedon, man c'o ta jun comon cojonelab, xane' xuwi ri ix, xitak ulok ri i sipanic chwe, rumal rech ri to'banic pa ri utzalaj tak tzij ri xinya' can chiwe.

3 Juan 1:3

Sibalaj xinquicotic aretak xepe ri kachalal, xquibij c'u chwe jas ri xquil chrij ri a c'aslemal, chi cätbin jic pa ri kastzij.

2 Juan 1:2

Quixinlok'ok'ej ix rumal ri kastzij ri jekel pa ri kanima', cäc'oji' c'u na kuc' amak'el chbe k'ij sak.

Hebreos 2:1

Rumal ri', rajawaxic chi sibalaj quekanimaj na ri jastak ri ka tom, mäkatas kib chrij.

Ri Xuan 8:25

Xquibij che: “¿Jachin ri' ri at?” Ri Jesus xubij chque: “Nu bim chi ulok chiwe kas pa ri chaplebal.

Ri Lucax 1:2

Ri xbantajic are je jas ri xc'ut chkawäch cumal ri xeilow ruc' ri qui bak'wäch kas pa ri u chaplebal, e pataninelab c'u wa' che ri Tzij.

E C'ambal tak Tzij 23:23

Chalok'o' ri kastzij, ri no'j, ri tijonic xukuje' ri ch'obonic, ¡mebac'ayij c'ut!

Ri Lucax 9:44

“Kas chitatabej wa' we tzij ri' ri quinbij chiwe: Are c'u ri Rija'l Winak cäjach na pa qui k'ab tak ri winak.”

Ri Xuan 6:56

Apachin ri cutij ri nu cuerp xukuje' caruq'uiaj ri nu quiq'uel, cäjeki' wuc', xukuje' ri in quinjeki' ruc'.

1 Juan 3:24

Ri quequinimaj ri e qui banic ri e u takomal e jekel pa ri Dios, are c'u ri Dios jekel pa ri e are'. Rumal c'u wa' caketamaj chi ri Dios jekel pa ri uj: rumal ri Uxlabaxel ri u yo'm chke.

1 Juan 4:15

Apachin c'ut ri cäk'alajisanic chi ri Jesus are' u C'ojol ri Dios, jekel ri Dios pa ri are', xukuje' ri are' pa ri Dios.

2 Juan 1:9

E apachin tak winak ri cäquiya' u wi' ri u tijonic ri Crist, ri man quejeki' ta chupam, man c'o ta ri Dios ri' pa ri canima'. Apachin c'u ri cäjeki' pa ri u tijonic ri Crist, are ri' c'o ri Tataxel xukuje' ri C'ojolaxel ruc'.