1 Corintios 9:5 - Quiché Bible

⁵ Takal chwe xukuje' chi quinc'am bic jun ixokilaxel wuc' ri cojonel rech quinrachilaj bic, je jacha' ri caquiban ri niq'uiaj chi takomxenlab, ri e rachalal ri Ajawaxel xukuje' ri Lu'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ ¿La man kꞌu yaꞌtal chaqe kaqakꞌam bꞌik ri qixoqil qukꞌ jetaq ri kakibꞌan ri Pedro, ri e rachalal ri Jesús, xuqujeꞌ ri nikꞌaj taqoꞌn chik?

K'iche'

⁵ Ya'tal c'u chwe in chi quinc'am jun kachalal ixok che wixokil jas ri cäca'n ri niq'uiaj apóstoles chic, xukuje' tak ru chak' ri Kajaw Jesús, xukuje' ri Pedro.

K'iche' (New Orthography)

⁵ Ya'tal k'u chwe in chi kink'am jun qachalal ixoq che wixoqil jas ri käka'n ri nik'iaj apóstoles chik, xuquje' taq ru chaq' ri Qajaw Jesús, xuquje' ri Pedro.

1 Corintios 9:5 Referans Kwoze

Ri Xuan 1:42

Chanim ri Trix xuc'am ulok ri Simon ruc' ri Jesus. Ri Jesus xrilo, xubij che: “At ri' ri Simon, u c'ojol ri Xuan. Cäbix c'u na Seps chawe.” (“Seps” je quel wa' “jun abaj”).

Ri Matey 8:14

Ri Jesus xopan cho rachoch ri Lu', xrilo chi ri u ji' chuchu' kajinak che k'ak'.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Gálatas 1:19

Man c'o ta chi jun xinwil u wäch chque ri takomxenlab, xane' xuwi ri Santiag ri rachalal ri Ajawaxel.

1 Corintios 7:39

Ri ixok ri c'ulanic rajawaxic cäc'oji' ruc' ri rachajil joropa' junab ri cäc'asi ri achi. We c'u cäcäm ri rachajil, cuya' ri' cäc'uli' ruc' jachin ri cäraj wi, xak xuwi we cojonel che ri Ajawaxel.

1 Corintios 7:7

Quinwaj ta ne chi conojel quec'oji' jas ri in. Chquijujunal c'ut yo'm jalajoj tak cuinem chque rumal ri Dios, jun wi ri jun, ri jun chic jun chi wi.

Hechos 1:14

Conojel c'u wa' xa' jun qui chomanic, amak'el cäquiban ch'awem ruc' Dios, cäquibochi'j. E cachil ri ixokib ruc' ri Mariy u nan ri Jesus xukuje' ri e rachalal.

Ri Tit 1:6

Rajawaxic chi ri jun ri catakan pa ri comon cojonelab, man c'o ta etzelal cäriktaj chrij xukuje' xa' jun rixokil. Rajawaxic chi ri e ralc'ual e cojonelab, ri man cätataj ta etzelal chquij, xukuje' man quewalij ta chquij ri e c'o paquiwi'.

1 Timoteo 5:2

Chebapixbej ri nimak tak chuchuyib e jacha' ri a nan. Chebapixbej ri alitomab je jas ri e awana'b ruc' ch'ajch'ojil.

1 Timoteo 3:2

Rajawaxic ba' chi ri solinel man c'o ta cätzujux wi, xa' jun ri rixokil, cuchomaj jas ri cubano, utz ri u chomanic, suc'umam, cuya' okxanibal chque ri winak, cäna'w che qui tijoxic ri winak,

1 Corintios 7:15

We ri ixokilaxel o ri achajilaxel, ri man e cojonelab taj, cäquicoj qui chuk'ab che u jachanic quib, chquibana'. We je cäban wa', ri achalaxel ri achi o ri achalaxel ixok cätzokopitajic, ix siq'uim c'ut ri ix rech quixjeki' pa jamaril.

1 Corintios 1:12

Quinbij chiwe chi jalajoj tak ri quibij chijujunal. Jun cubij: “In rech ri Pawl”. Jun chic cubij: “Ri in in rech ri Apols”. Jun chic cubij: “Ri in in rech ri Lu'”. Jun chic cubij: “Ri in in rech ri Crist”.

Romanos 16:1

Quinwaj chi quiwetamaj u wäch ri utzalaj kachalal Peb. We chuchu' ri' are jun pataninel chquixo'l ri cojonelab ri e c'o pa Sencrey.

Ri Xuan 2:12

Bantajinak chi c'u wa', ri Jesus xbe pa Capernaum achilatal rumal ri u nan, ri e rachalal xukuje' ri u tijoxelab. Man q'ui k'ij taj xecanaj can chila'.

Ri Lucax 6:15

ri Matey, ri Max, ri Santiag u c'ojol ri Alpey, ri Simon re ri juk'at aj cananib,

Marcos 6:3

¿La ma ta are wa' ri ajanel, ri ral ri Mariy, cachalal ri Santiag, ri Jose, ri Juds xukuje' ri Simon? ¿La ma ta e c'o xukuje' ri e rana'b kuc', waral? Cuban c'u quieb qui c'u'x chrij.”

Marcos 1:30

Ri u ji' chuchu' ri Simon kajinak pa ch'at, c'o nimalaj k'ak' chrij. Chanim c'ut xquitzijoj ri yawab che ri Jesus.

Ri Matey 13:55

¿La ma ta are wa' ri u c'ojol ri ajanel? ¿La ma ta Mariy u bi' ri u nan? ¿La ma ta are rachalal ri Santiag, ri Jose, ri Simon, xukuje' ri Juds?

Bixonic Tak 4:12

At, alaj wana'b, at ri catec'ulan wuc', at ticbal cotz'i'j tz'apitalic, tz'apim ja', t'ikom bulbux;

1 Timoteo 4:3

Ri e are quetakan chque ri winak chi man quec'uli' taj xukuje' chi jujun tak u wäch wa man cäquitij taj. Je cäquibij wa' pune' ri Dios u banom ri wa rech ri cojonelab xukuje' ri queta'm ri kastzij cäquitij que ruc' maltioxinic.

1 Corintios 7:8

Quinbij chque ri man e c'ulan taj, xukuje' chque ri malca'nib, chi utz we quecanaj canok jas ri in.

Ri Lucax 8:20

Xbix c'u che ri Jesus: “Ri a nan e rachil ri e awachalal e tac'atoj apan cho ja, cäcaj caquil a wäch.”