1 Corintios 9:24 - Quiché Bible

²⁴ ¿La ma ta iweta'm chi ri cäquic'am canim, conojel ri' cäquic'am canim, xa c'u jun chque cärikow ri tojbal? Je c'u ri' ri ix chicojo' i chuk'ab rech quirik na ri tojbal.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ ¿La man iwetaꞌm chi are kabꞌan jun xikꞌanem, konojel ri xikꞌanelabꞌ kakitij chuqꞌabꞌ, pune jeriꞌ xa jun kachꞌekow ri tojbꞌal? Xaq jeriꞌ chixxikꞌanoq rech kayaꞌtaj na chiꞌwe ri tojbꞌal.

K'iche'

²⁴ Ri ix iwetam chi pa jun etz'enem re ticow anim, conojel cäquitic anim, xa c'u jun ri cäch'acanic, cuc'am ri tojbal. Chitica ba' anim ix rech quixch'acanic, quirik ri tojbal.

K'iche' (New Orthography)

²⁴ Ri ix iwetam chi pa jun etz'enem re tikow anim, konojel käkitik anim, xa k'u jun ri käch'akanik, kuk'am ri tojb'al. Chitika b'a' anim ix rech kixch'akanik, kiriq ri tojb'al.

1 Corintios 9:24 Referans Kwoze

Filipenses 3:14

che ri opanem jawije' c'o wi ri etal quinch'äc c'ut ri tojbal ri quinusiq'uij ri Dios che u c'amic jun c'ac' c'aslemal rumal ri Crist Jesus.

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

Apocalipsis 3:11

Chawilampe', quinbe na chanim iwuc'. Matzokopij ba' ri c'o awuc', rech c'o jun mämajow ri a corona', ri tojbal ri caya' na chawe.

Filipenses 2:16

pa ri u k'alajisaxic ri tzij re c'aslemal chquiwäch. Jeri' quinquicot na iwumal pa ri k'ij aretak cäpe ri Crist, weta'm chi man xak ta lok' xinc'am wanim pa ri binem, man xak ta lok' xintij nu chuk'ab pa ri nu chac.

1 Corintios 9:26

Ri in jewa' quinbano: man quinc'am ta wanim ri je ta ne ma ta quinwilo jawije' quinbe wi. Ri in jewa' quinch'ojinic, man quinch'ojin taj je ta ne quinch'ay ri quiakik'.

Gálatas 5:7

Ri ix utz i banom can nabe. ¿Jachin xixk'atinic rech man quinimaj ta chi ri kastzij?

Ri Jeremiy 12:5

“We sibalaj xatcosic xatxiq'uin chquij ri winak ri quebin chicakan, ¿Jas ta lo ri caban na cacoj awib cuc' ri winak ri e quiejeninak chquij quiej? Puwi' cowilaj ulew man c'o ta jas cana' wi awib, ¿jas c'u lo ri caban na chupam ri u tzatzal ri Jordan?

Gálatas 2:2

Xinbec rumal rech chi ri Dios xuc'ut chnuwäch chi rajawaxic jeri' quinbano. Xebench'abej ri quechomaxic chi e c'amal tak be xa' pa qui tuquiel wi, xink'alajisaj ri tzij re colobal ib chquiwäch ri quintzijoj chquixo'l ri man aj judeyib taj. Jewa' xinbano rech man xak ta lok' ri chac ri nu banom xukuje' ri quinban na.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Ri Tzijonel 9:11

Cho we uwächulew ri' wilom chic jun jasach: chi man e are' taj ri aninak na quexiq'uinic ri quech'äcow ri xiq'uinem, mawi ri c'o qui chuk'ab ri quech'äcow ta ri ch'o'j; mawi e are' ta amak'el ri ajno'jab ri c'o qui wa, mawi e are' ta ri quec'oxomanic ri e k'inomab, mawi e are' ta ri quitijom quib ri utz ta qui c'ulaxic quebanic; conojel wa' xak c'äte tal caquitaklebej.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Salmib 19:5

Are c'u ri k'ij cäquicotic cuchaplej ruc' quicotemal ri u xiq'uixic ri u be jacha' jun xiq'uinel; jacha' jun jiaxel ri quel ulok chupam ri u warabal re c'ulanem.

Ri Osey 12:10

In xebentzijobej ri e k'axal tak nu tzij xeben q'uiyirisaj ri e cajilabal ri e qui c'utwächinic, cumal tak wa' xebenbij c'ambal tak no'j.

Romanos 6:16

¿La ma ta iweta'm chi, we quijach iwib che u banic lok'om tak pataninelab che u patanixic jun winak, ix pataninelab ri' quixc'oji' ri' che u nimaxic? We are quipatanij ri mac, quixcäm na. We c'u are quinimaj ri Dios, cuban na suc' chiwe.

1 Corintios 9:13

¿La ma ta iweta'm chi ri quechacun pa ri tastalicalaj tak jastak re ri rachoch Dios, cäquitij que ri jastak re ri rachoch Dios? ¿La ma ta iweta'm chi ri quepatanin chuwäch ri porobal, cäquitij que ri ti'j re ri awaj ri cäya' puwi' ri porobal?

1 Corintios 9:23

Ronojel wa' quinbano rumal rech ri tzij re colobal ib, rech quinrik ri utzil ri cuya' ri utzalaj tak tzij.

Filipenses 3:12

Man cätajin ta quinbij chi nu rikom chi ronojel, mawi chi in tz'akatarinak chic; quintaken c'ut ruc' eyebal c'uxaj che u rikic are', are c'u ne ri Crist Jesus xinrikow nabe.