1 Corintios 8:9 - Quiché Bible

⁹ Miya' c'u c'olbal chi rumal ri etamanic ri c'o iwuc' qui bano chi ri e tukar pa ri qui cojonic quekaj pa ri macunic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Pune jeriꞌ, chichajij iwibꞌ rech man kixux ta topibꞌal aqanaj chike nikꞌaj chik rumal ri jaljoj taq ichomanik.

K'iche'

⁹ Kas chiwila' chi mäkaj ne jun kachalal pa mac ri mäja' c'o u chuk'ab ru cojonic xa rumal chi cuya' quibano jachique ri quiwaj.

K'iche' (New Orthography)

⁹ Qas chiwila' chi mäqaj ne jun qachalal pa mak ri mäja' k'o u chuq'ab' ru kojonik xa rumal chi kuya' kib'ano jachike ri kiwaj.

1 Corintios 8:9 Referans Kwoze

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

1 Pedro 2:16

Ri Dios cäraj chi ix je jas winak e tzokopim bic. Man utz ta c'ut we quiban etzelal xa' rumal rech chi ix tzokopim bic, xane' chibana' je jas e pataninelab re ri Dios.

2 Pedro 2:19

Cäquibij chi quequitzokopij ri winak, e ximital c'u ne ri e are' rumal ri etzelal. Ri jun ri xch'äcataj rumal jun chic, cäc'oji' ri' chuxe' ri u takanic ri jun ri xch'äcowic.

1 Corintios 10:24

C'o jun mutzucuj ri utz che chbil rib, xane' chutzucuj ri utz che ri jun chic.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

1 Corintios 9:22

Chquixo'l ri man c'o ta qui chuk'ab, xinbano chi man c'o ta nu chuk'ab, rech quebench'äc ri man c'o ta qui chuk'ab. Ronojel nu banom chquixo'l conojel ri winak, rech jeri' quecolotaj jujun chque.

1 Corintios 8:12

Aretak ri ix quebisoc ri quetamabal c'uxaj ri achalaxelab ri c'ä maja' e co pa ri qui cojonic, kas chrij ri Crist quixmacun wi.

1 Corintios 8:10

We c'u ri at ri e aweta'm we jastak ri', catt'uyi' che wa'im pa jun c'olbal ri tasom chque ri diosib, we c'u ne c'o jun achalaxic ri c'ä maja' co pa ri u cojonic catrilo, we c'u ne cac'ulmatajic chi ri are' cuchajij anima' che u tijic rech we sipanic ri' ri cojom chquiwäch ri diosib.

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

2 Corintios 11:21

Pune' quel nu q'uixbal che u bixic, ¡ri uj sibalaj xujux tukar chi je xkaban wa'!

1 Corintios 10:29

Man quinbij ta rumal rech ri retamabal i c'u'x ix, xane' rumal rech ri re ri jun chic. ¿Jas c'u che cäk'at na tzij puwi' ri tzokopitalic rumal ri retamabal u c'u'x jun winak chic?

Romanos 15:1

Are c'u ri uj ri c'o ka chuk'ab chupam ri cojonic, chekacoch'o' ri qui tukaril ri man c'o ta qui chuk'ab, mäkaban c'u ri cäkaj chkawäch chbil kib.

Ri Ezequiel 14:3

“We achijab ri' kas xa' jumul qui jachom quib che qui k'ijilaxic tak diosib qui cojom c'ut ri qui bak'wäch chque ri cabanow chque chi quemacunic. ¿La quinya' ta c'u lo ri qui no'j ri caquitz'onoj na chwe?

Ri Isaiy 57:14

Cätataj c'u na u bixic: “Chisuc'umaj jun lianicalaj be, chiwesaj ri queyo'w latz' rech coc'ow ri nu tinimit.”

Ri Isaiy 35:3

Chebicowirisaj ri tukarib, chiya' qui chuk'ab ri e cosinak,

Aj Levitib 19:14

Mac'okoj ri man catantaj. Maya' jun tzakibal pa u be ri moy, chac'utu' chi nim cawil wi ri Dios. In ri' ri Ajawaxel.

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Ri Ezequiel 44:12

Ri e are' xec'oji' che qui patanixic ri aj israelib che u c'amic u be ri k'ijilanic chque tak ri e diosib, ruc' c'ut ri u banic wa' xquibano chi xemacun ri aj israelib. Rumal ri' caquitoj na ri macaj ri xquibano. In, ri Ajawaxel, quinjiquiba' u bixic.

1 Corintios 10:28

We c'o jun cubij chiwe chi yo'm che u k'ijilaxic jun dios, mitijo, rumal ri jun ri xuk'alajisaj chiwäch, xukuje' rumal rech ri etamabal c'uxaj.

2 Corintios 6:3

Man c'o ta ri cäkaya' ta wi itzel c'utbal che jachin jun, rech man cäyok' ta ri ka chac ri cätajin cäkabano.

2 Corintios 11:29

Jachin jun tukar ri ma ta xukuje' ri in in tukarinak xukuje'. Aretak takchi'm jun che macunic, ri in nu no'm nimalaj bis chupam ri wanima'.

Colosenses 2:8

Chiwila' iwib: miya' iwib chi quixc'am bic cumal ri cäcaj quixquisub cumal tak no'jinic xukuje' tak ch'äcabal ri xak e cawäch, we winak ri' man e tiquitoj taj pa ri Crist, xane' chquipam tak ri xak e qui no'jibal tak winak xukuje' chquipam ri cuinem ri quetakan puwi' we uwächulew ri'.