1 Corintios 8:1 - Quiché Bible

¹ Camic are quinoc chic che u bix ri tabal tok'ob ri cäcoj chquiwäch ri diosib. Kastzij ri cabixic: chi konojel c'o ketamanic; are c'u ri etamanic cuban chke chi cakaban nimal, are c'u ri lok'ok'ebal c'uxaj cuban chke chi cuq'uiyisaj ri ka cojonic aj uxlabal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Are kꞌu ri jastaq ri tzujtal chikiwach ri e bꞌanom taq tyox. Qonojel qetaꞌm jas ubꞌantajik we riꞌ. Ri etaꞌmabꞌal kuya nimal, are kꞌu ri loqꞌanik kubꞌan che jun chi kakꞌiyik.

K'iche'

¹ Che we chanim are quintzijon chi chrij ri wa ri yo'm chquiwäch ri tiox ri xa e banom cumal winak. Are kas tzij c'ut chi konojel c'o ri ketam chrij wa'. Are c'u ri ketambal cubano chi xa cäkanimarisaj kib, are c'u we cäkaj kib cäc'oji na u chuk'ab ri ka cojonic.

K'iche' (New Orthography)

¹ Che we chanim are kintzijon chi chrij ri wa ri yo'm chkiwäch ri tiox ri xa e b'anom kumal winaq. Are qas tzij k'ut chi qonojel k'o ri qetam chrij wa'. Are k'u ri qetamb'al kub'ano chi xa käqanimarisaj qib', are k'u we käqaj qib' käk'oji na u chuq'ab' ri qa kojonik.

1 Corintios 8:1 Referans Kwoze

1 Corintios 8:7

Man conojel ta c'ut queta'm wa'. Jujun ri e nak'atal can che qui k'ijilaxic ri diosib, c'ä caquitij we tzukbal ib ri' c'o c'u pa qui jolom chi xchi'x chque ri diosib; tukar c'u ne ri retamabal qui c'u'x, cuban c'u chque chi quech'äctaj cumal ri dios.

Romanos 14:3

Ri jun ri cutij ronojel, märetzelaj u wäch ri jun chic ri man cutij ta jujun jastak. Ri jun ri man cutij ta jun jasach, mubij tzij chrij ri jun ri cutij ronojel, rumal rech chi c'amom ri are' rumal ri Dios.

Ri Isaiy 5:21

¡Tok'ob i wäch ix ri quina' iwib chi c'o i no'j, xukuje' quina' iwib chi sibalaj c'o iwetamanic!

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

1 Corintios 8:2

We c'o jun cuchomaj chi c'o retamabal, c'ä maja' reta'm ri' jas ri rajawaxic cäretamaj.

Romanos 15:14

Kas weta'm jas ri i banom, wachalal, chi nojinak ri iwanima' che utzil, chi nim ri iwetamabal, chi quixcuinic quipixbela' iwib.

Efesios 4:16

Rumal c'ut ri Crist, ronojel ri cuerp, nuc'utalic xukuje' conojel ri e u tz'akatil xak jun c'o wi junam; aretak c'u ri jujun u tz'akatil utz que chacunic, ronojel cätajin caq'uiyic cätajin catz'akat pa lok'ok'ebal c'uxaj.

1 Corintios 15:34

Kas chichomaj na jas ri quibano, chibana' ri suq'uil, mixmacunic. E c'o jujun chiwe ri c'ämaja' caquetamaj u wäch ri Dios. Quinbij wa' chiwe rech quixq'uixic.

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

Ri Isaiy 47:10

Ri at cana' awib chi co at jekel chupam ri awetzelal, xabij c'ut: ‘Man c'o ta jachin quinilowic.’ Ri a no'j xukuje' tak ri e awetamabal xatquisubu. Xachomaj: ‘Xuwi ri in, man c'o ta chi jun jas ri in.’

Ajilanic 25:2

ri quecula'j aretak caquiya' tabal tak tok'ob chque tak ri e qui diosib. Ri aj israelib e are' juch'ob che u tijic tak we wa ri' xek'ijilan chque ri e qui diosib ri aj moabib,

1 Corintios 10:28

We c'o jun cubij chiwe chi yo'm che u k'ijilaxic jun dios, mitijo, rumal ri jun ri xuk'alajisaj chiwäch, xukuje' rumal rech ri etamabal c'uxaj.

Hechos 21:25

Uj tz'ibaninak c'u bic chque ri man aj judeyib taj ri e cojoninak, chi man cuya' taj cäquitij ri ti'j ri pilom che tabal tok'ob chquiwäch ri e diosib, mawi quic', mawi qui ti'jal awaj ri e jitz'am, xukuje' chi man cäquiban ta ri macunic cuc' achijab ixokib.”

Hechos 15:10

Camic c'ut, ¿jasche quitzur ri Dios, ruc' u ya'ic eka'bal chquij ri cojonelab, ri mawi ri uj, mawi ri e ka mam uj cuininak ta che ruc'axic bic?

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

1 Corintios 5:6

Man utz ta ri u nimarisaxic iwib. ¿La ma ta iweta'm chi ri jubik' ch'am cuch'amarisaj ronojel ri k'or?

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

1 Corintios 4:18

E c'o jujun quetzelam quib, je ta ne ri ma ta quinopan chi na iwuc'.

1 Corintios 4:10

Ri uj uj con pa ri Crist, are c'u ri ix ix ajno'jab pa ri Crist. Ri uj man c'o ta ka chuk'ab, ri ix c'o i chuk'ab. Ri ix nim quixil wi, ri uj man nim ta cujil wi.

1 Corintios 1:5

Chi pa ronojel xixk'inomarisax wi rumal are' pa ri uxlabal, pa ronojel tzij, pa ronojel etamanic;

Romanos 14:22

Ri cojonic ri c'o awuc', awech at wa' chuwäch ri Dios. ¡Utz c'u re ri winak ri cuchomaj chi utz jun jasach, we man cuna' pa ranima' chi mac cubano!

Romanos 14:14

In weta'm rumal rech chi in cojonel che ri Ajawaxel Jesus, chi man c'o ta jun jasach tz'il pa re wi, xane' apachin ri cuchomaj chi tz'il jun jasach, che ri are' tz'il wi.

Romanos 14:10

Ri at, ¿jasche cak'at tzij puwi' ri awachalal? Ri at xukuje', ¿jasche cawetzelaj u wäch ri awachalal? Konojel c'ut cujetac'al na chuwäch ri Dios aretak cuk'at na tzij pakawi'.

Romanos 12:16

Chc'ol xa' jun anima' chixo'l. Mebibanala' nimal. Xane' chiwachilala' iwib cuc' ri man nimak ta qui banic. Michomaj iwib chi c'o i no'j,

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

Romanos 14:19

Chkabana' ba' ri jastak ri cäquiya' jamaril chkaxo'l xukuje' ri cäquiya' ka chuk'ab pa ri ka cojonic.

1 Corintios 4:6

Wachalal, xinbij wa' chwij in ruc' ri Apols che jun c'ambal no'j chiwäch, rech quiwetamaj chi man quichomaj ta jastak ri c'o na chuwäch ri tz'ibatalic, rech minimarisaj iwib rumal rech jun, mic'ulelaj c'u ri jun chic.

1 Corintios 10:15

Quinbij wa' chiwe rumal rech chi quixcuin che u ch'obic. Kas ba' chichomaj rij ri u tzij.