1 Corintios 5:10 - Quiché Bible

¹⁰ Man quinbij ta c'ut chi quitas iwib chquij ri winak aj uwächulew ri quemacun cuc' ixokib achijab, o ri cäquirayij ri jastak que niq'uiaj winak chic, o ri eläk'omab, o ri quequik'ijilaj tak diosib. We ta jeri', rajawaxic ta ri' quixel bic cho ri uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Man are ta kinbꞌij chi kixel chikixoꞌl ri winaq ri aꞌjmakibꞌ ri e kꞌo cho we uwachulew riꞌ, ri sibꞌalaj kejiqꞌjatik, ri kakeleqꞌaj pwaq, xuqujeꞌ ri kakiqꞌijilaꞌj e bꞌanom taq tyox. We ta are riꞌ kinbꞌij, riꞌ rajawaxik kixel bꞌik cho ri uwachulew.

K'iche'

¹⁰ Man quinbij taj chi mat quixch'aw chi chque ri winak ri je' cäca'n wa' ri e c'o cho ruwächulew, ri cäquitzucuj xak xuwi ri quech ri e are', ri elak'omab, o ri quequik'ijilaj tak tiox. We ta je ri', rajwaxic ri' chi quixel bi cho ruwächulew.

K'iche' (New Orthography)

¹⁰ Man kinb'ij taj chi mat kixch'aw chi chke ri winaq ri je' käka'n wa' ri e k'o cho ruwächulew, ri käkitzukuj xaq xuwi ri kech ri e are', ri elaq'omab', o ri kekiq'ijilaj taq tiox. We ta je ri', rajwaxik ri' chi kixel b'i cho ruwächulew.

1 Corintios 5:10 Referans Kwoze

1 Corintios 10:27

We c'o jun ri man cojonel taj quixusiq'uij che jun wa'im, we c'u quiwaj quixbec, ronojel ri cäya' chiwäch chitija'. Mixc'otow chi'aj rumal rech ri etamabal c'uxaj.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

1 Juan 5:19

Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

1 Juan 4:5

Ri e are' e aj uwächulew, rumal ri' quequitzijoj jastak e aj uwächulew. E are' tak c'ut ri e aj uwächulew quetatabex cumal.

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

1 Corintios 1:20

¿Jas ta ne qui patan ri c'o qui no'j? ¿Jas ta ne qui patan ri ajtijab? ¿Jas ta ne qui patan ri quena'w che chomanic chquij ri jastak re ri uwächulew? ¡Ri Dios c'ut u conirisam ri qui no'j ri winak cho ri uwächulew!

Ri Xuan 8:23

Ri are' xubij chque: “Ix ix aj waral ix aj iquim, in in aj chicaj. Ix ix rech we uwächulew ri', in man in ta rech we uwächulew ri'.

1 Juan 4:7

Lok'alaj tak wachalal, chkalok'ok'ela' kib, rumal rech chi ri lok'ok'ebal c'u'x ruc' ri Dios cäpe wi. Ronojel ri cälok'ok'enic, ralc'ual ri Dios, cäquich'ob c'u u wäch ri Dios.

Ri Xuan 17:9

Ri in quinbochi'n che la paquiwi'. Man quinbochi'n ta paquiwi' ri winak re ri uwächulew, xane' quinbochi'n paquiwi' ri e yo'm la chwe, rumal rech chi e ech la.

Ri Xuan 17:6

Nu k'alajisam ri bi' la chquiwäch ri winak ri e cha'om la chquixo'l ri winak ri e aj uwächulew che quiya'ic chwe. E ech la nabe, xeya' c'u la chwe, quinimam c'ut ri tzij la.

Ri Xuan 15:19

“We ta ix aj uwächulew, ri winak aj uwächulew queraj ta ri' ri e rech. Man ix ta c'u aj uwächulew, xane' ix nu cha'om chquixo'l ri aj uwächulew. Rumal ri' ri winak re ri uwächulew cäquetzelaj i wäch.

Ri Lucax 18:11

Ri parisey tac'alic, xch'aw ruc' Dios, xutzijobej rib, jewa' xubij: ‘O Dios, quinmaltioxij che la chi ri in man in je taj jas ri niq'uiaj winak chic: ri eläk'omab, ri man e suc' taj, ri quekaj pa mac cuc' niq'uiaj achijab ixokib chic. Quinmaltioxij che la chi ri in man in je taj jas we jun tok'il alcabal ri'.

1 Corintios 5:9

Xintz'ibaj bic chiwe pa ri wuj chi rajawaxic quitas iwib chquij ri quemacun cuc' ixokib achijab.

1 Corintios 5:11

Ri nu tz'ibam bic chiwe, chi rajawaxic quitas iwib chrij ri jun ri ruc'am ri bi'aj aj achalal, we c'u cuban macunic cuc' ixokib achijab, o we curayij ri jastak que niq'uiaj winak chic, o we quebuk'ijilaj tak diosib, o we cäyok'onic, o we cäk'abaric, o we eläk'om. Ri je u banic wa', mixwa' ne ruc'.