1 Corintios 5:1 - Quiché Bible

¹ Kastzij xtatajic chi c'o jun chiwe cuban macunic cuc' ixokib, c'o c'u ri rixokil ri u tat ruc'. Ri mac ri' mawi ne cäquiban ri man aj judeyib taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Xtataj kumal konojel chi kꞌo makaj kukꞌ taq achyabꞌ xuqujeꞌ kukꞌ taq ixoqibꞌ ri kabꞌan chiꞌxoꞌl, man ne katataj ta we jastaq riꞌ chikixoꞌl ri man e kojonelabꞌ taj, kꞌo jun chiꞌwe ri xumaj ri rixoqil ri utat xubꞌan rixoqil areꞌ che.

K'iche'

¹ Elinak u tzijol chi c'o jun chiwe ri u banom rixokil che ru nanabal. Wa' we xbanic ri', are je' jas ri cäca'n ri tz'i' ri xak cäquirik quib, man c'o tä qui pixab. ¡Sibalaj äwas u banic wa'! Man cäca'n tä ne ri' chquixol ri niq'uiaj winak chic ri man kas quetam tä u wäch ri Dios.

K'iche' (New Orthography)

¹ Elinaq u tzijol chi k'o jun chiwe ri u b'anom rixoqil che ru nanab'al. Wa' we xb'anik ri', are je' jas ri käka'n ri tz'i' ri xaq käkiriq kib', man k'o tä ki pixab'. ¡Sib'alaj äwas u b'anik wa'! Man käka'n tä ne ri' chkixol ri nik'iaj winaq chik ri man qas ketam tä u wäch ri Dios.

1 Corintios 5:1 Referans Kwoze

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 2:21

In beytajinak che reyexic rech cuq'uex u c'u'x, man cäraj ta c'ut cuq'uexo. Man u yo'm ta can ri u banic ri u macunic cuc' achijab.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Efesios 5:3

Chibana' jas ri takal chiwe ix tastalic tak winak che u patanixic ri Dios. Miban c'ut macunic cuc' ixokib achijab, miban tz'ilalaj tak jastak, mirayij q'uialaj jastak. Tz'ilol c'u wa' che ri tastalicalaj u tinimit ri Dios.

Aj Levitib 18:8

Mawesaj u q'uixbal ri a tat, mawuc'aj ri rixokil.

Gálatas 5:19

K'alaj ri qui chac ri cäquiban ri qui rayibal aj winak re mac: Quemacun cuc' ixokib achijab, cäquiban tz'il tak jastak, cäquiban q'uixbal tak jastak,

1 Tesalonicenses 4:7

Ri Dios c'ut man uj u siq'uim taj rech cäkaban tz'ilalaj tak jastak, xane' rech cujux tastalic tak winak.

2 Corintios 12:21

Quinxe'j c'u wib xukuje' chi, pa ri wopanem iwuc' pa quieb oxib k'ij ri nu Dios cuban chwe chi quinna' q'uixbal rumal iwech, cuban c'u na chwe chi quinwok'ej i wäch ix q'ui chiwe ri kas xc'ori' qui takem ulok macunic, man qui yo'm ta c'u can ri tz'ilol, ri e macunic cuc' ixokib achijab xukuje' ri e itzel tak nak'atisabal ri quequibano.

1 Corintios 6:18

Chixanimaj chuwäch ri quibanic macunic cuc' ixokib achijab. Apachique chi jun mac ri camacun wi ri winak, man cunak ta ri u cuerp; apachin c'ut ri cumacuj cuc' ixokib achijab, cunak ri kas u cuerp che macaj.

1 Corintios 6:13

Ri ka wa, che ri ka pam; ri ka pam, che ri ka wa. We quieb jasach ri' cäsach na qui wäch rumal ri Dios. Man ya'tal ta c'u chque ri winak chi cäquicoj ri qui cuerp che u banic macunic cuc' ixokib achijab. Ri ka cuerp c'o u patan che ri Ajawaxel, ri Ajawaxel c'o u patan che ri ka cuerp.

1 Corintios 6:9

¿La ma ta iweta'm chi ri winak man e suc' taj man cäquechbej ta ri rajawibal ri Dios? Mixsubutajic. Ri quebanow macunic cuc' ixokib achijab, mawi ri quequik'ijilaj tak diosib, mawi ri quekaj pa mac cuc' niq'uiaj chic, mawi ri achijab ri cäquiban quib chi e ixokib, mawi ri achijab ri cäquiban ixok che jun cach achi,

1 Corintios 5:11

Ri nu tz'ibam bic chiwe, chi rajawaxic quitas iwib chrij ri jun ri ruc'am ri bi'aj aj achalal, we c'u cuban macunic cuc' ixokib achijab, o we curayij ri jastak que niq'uiaj winak chic, o we quebuk'ijilaj tak diosib, o we cäyok'onic, o we cäk'abaric, o we eläk'om. Ri je u banic wa', mixwa' ne ruc'.

Hechos 15:29

Mebitij qui ti'jal awaj ri e chi'm che tabal tok'ob chque ri e diosib, mebitij quic'. Mebitij quiti'jal awaj ri quejitz'itajic. Miban macunic cuc' achijab ixokib. We c'u kas quichajij iwib chi man quebiban ta wa', utz ri quibano. Chixuchajij ba' ri Dios.”

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Ri Jeremiy 2:33

¡Sibalaj aweta'm ri be aretak catbe che qui tzucuxic ri quebarayij! ¡At ajtij pa ri tijobal re ri etzelal!

2 Corintios 7:12

Je c'u ri', aretak xintz'ibaj bic ri wuj chiwe, man xintz'ibaj taj rumal rech ri jun ri xbanow ri etzelal, mawi rumal rech ri jun ri xban etzelal che. Xane' xintz'ibaj rech cäc'ut chiwäch chi sibalaj cujilok'ok'ej chuwäch ri Dios.

1 Corintios 1:11

Kas weta'm jas ri i banom, wachalal. Xbix chwe cumal ri e aj uwo rachoch ri Cloe chi c'o ch'o'j chixo'l.

Ri Amos 2:7

Quequic'axcobisaj quequimach'irisaj ri meba', caquik'il c'u quib che u banic suq'uilal chque ri e mach'amoj. Ri jun tat xukuje' ri kas u c'ojol quek'oyi ruc' ri kas xa' juna ixok, je c'u caquiban wa' che rawasixic ri tastalicalaj nu bi'.

Ri Ezequiel 16:47

Xac'am c'u awech ruc', xaban awech ri xojibalalaj tak u banoj. Man c'u xcu'bi ta a c'u'x ruc' wa', c'ax na ri xaban pa ri a c'aslemal chuwäch ri xquiban ri e are'.

U Camulixic ri Pixab 27:20

‘C'okotajinak ri winak ri cunim rib ruc' ri rixokil ri u tat cäresaj u q'uixbal ri u tat rumal ri cubano.’ Conojel ri tinimit cäquibij na: ‘Je chelok.’

U Camulixic ri Pixab 22:30

C'o jun munim rib ruc' ri rixokil ri u tat, cäresaj c'u u q'uixbal ri' ri u tat.”

Ri Ezequiel 22:10

E c'o jujun caquinim quib ruc' ri rixokil ri qui tat, o ruc' ri quixokil aretak cätajin cäyabin chi ic'.

Nabe Tzijobelil 5:1

Ri e u c'ojol ri Ruben, ri u nabeal ri Israel, e are' ri Hanoc, Palu, Hezron xukuje' ri Carmi. Ri Ruben are' ri kas nabeal c'ojolaxel, xutzak c'ut ri ya'tal che ri nabealil rumal rech chi xunak ri rixokil ri u tat, ri ya'tal che ri u nabealil xek'axex chque ri e u c'ojol ri Jose, jun chic u c'ojol ri Israel. Are' c'u xux na nim u cuinem ri Juda chquiwäch ri rachalal, che c'ut xel wi na jun c'amal be; are c'u ri ya'tal che ri nabeal c'ojolaxel xya'taj che ri Jose.

Ucab Samuel 20:3

Aretak xtzelej ri David pa ri rachoch ri c'o pa Jerusalen, xebuc'am ri e lajuj man kas ta e rixokil ri e u yo'm can che u chajixic ri rachoch xebunim c'u pa jun ja, xcoj chajil quech. Xutakej c'u quilixic chila'. Man c'u xwar ta chi cuc'. Xak c'u e tz'apil chila', e jacha' malca'nib, xejeki' chila' c'a xecäm na.

Ucab Samuel 16:22

Xtanix c'u jun cäbal ri lic'om che ri Absalon puwi' ri ja, chila' c'u xk'oyi' wi ri Absalon cuc' tak ri man kas ta e rixokil ri u tat, chquiwäch conojel ri aj israelib;

Nabe Samuel 2:24

Jayi', nu c'ojol tak, mawi jubik' man utz taj ri nu tom u tzijol, ri cutzijoj ri u tinimit ri Ajawaxel chiwij.

Aj Levitib 20:11

We c'o jachin cäwar ruc' ri rixokil ri u tat, xresaj u q'uixbal ri u tat. Rumal ri' cäcämisax na ri achi xukuje' ri ixok, e are ajchak'mac che ri qui cämical.

Chapletajic 49:4

Man at ta chi c'ut ri at nabe, at junam ruc' jun nimalaj ja' ri man k'atatijel taj: xatz'iloj ri nu ch'at aretak xatwar ruc' jun chque ri man kas ta wixokil.

Chapletajic 37:2

Are wa' ri u tzijobelil ri rija'lil ri Jacob. Ri Jose aretak wuklajuj (17) chic u junab, are jun cuc' ri rachalal che qui yuk'uxic ri chij, ri e ral ri Bil xukuje' ri e ral ri Zilp, xukuje' ri man e kas ta rixokil ri u tat. Ri Jose cubij che ri u tat ri etzelal ri cäquiban ri rachalal.

Chapletajic 35:22

Xurika' jun k'ij aretak c'o ri Israel pa we c'olbal ri', xpe ri Ruben xk'oyi' ruc' ri Bil jun chi ixok ri man kas ta rixokil ri u tat. Aretak xretamaj ri u tat, sibalaj xpe royowal. Ri e u c'ojol ri Jacob e cablajuj (12).

2 Corintios 2:5

We c'o jun u yo'm bis, man xuwi ta chwe in u yo'm wi, xane' kas u yo'm chiwe iwonojel. Je quinbij wa' rech man sibalaj ta c'ax ri nu tzij.