1 Corintios 4:4 - Quiché Bible

⁴ Quinna' pa ri wanima' chi man c'o ta mac nu banom. Man ruc' ta c'u ri' in k'alajisam chi in suc'. Are c'u ri Ajawaxel cäk'atow tzij panuwi'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Pune man in ajmak taj kinnaꞌo, man are ta riꞌ kakꞌutuwik chi maj numak, are ri Ajawxel kaqꞌatow na tzij pa nuwiꞌ.

K'iche'

⁴ Pune c'u quinna' pa ri wanima' chi man c'o tä etzelal nu banom, man ruc' tä ri' quinbij chi man c'o tä nu mac. Ri Kajaw Jesús c'ut are cäk'atow na tzij pa nu wi'.

K'iche' (New Orthography)

⁴ Pune k'u kinna' pa ri wanima' chi man k'o tä etzelal nu b'anom, man ruk' tä ri' kinb'ij chi man k'o tä nu mak. Ri Qajaw Jesús k'ut are käq'atow na tzij pa nu wi'.

1 Corintios 4:4 Referans Kwoze

Salmib 143:2

Mäsiq'uij la ri pataninel ech la rech cajilaj la ri u mac chrij, man c'o ta c'u jun chwäch la ri ma ta c'o u mac.

Salmib 130:3

Ajawaxel, Ajawaxel, we ta ma ta quesach la qui tza'm ri etzelal, ¿jachin ta lo ri' ri cäcuinic co cätaq'uic?

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

E C'ambal tak Tzij 21:2

Ri winak utz cäril ronojel ri cubano, are' c'ut ri Ajawaxel are' quenic'on tak ri chomanic.

Salmib 19:12

¿Jachin ta ri quebuch'ob ri kas e u sachinakil? ¡Ajawaxel sacha' la ri nu mac ri e ch'ukutalic!

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Romanos 2:13

Man e are ta c'ut ri xak caquita' ri pixab e suc' chuwäch ri Dios, xane' e are ri queniman ri pixab quek'alajisaxic chi e suc'.

Ri Job 27:6

Man quinwesaj ta wib chupam chi in tz'akat pa ronojel, man c'o ta c'u jun etzelal nu banom.

Ri Job 25:4

¿La cäcuin ta c'u lo, jun xak winak cux ch'ajch'oj xukuje' chi ma ta c'o u mac chuwäch ri Dios?

Hechos 23:1

Ri Pawl co xca'y chque ri comon re ri qui nimakil ri aj judeyib, xubij chque: “Wachalal, in in bininak ruc' jun utzalaj retamabal nu c'u'x chuwäch ri Dios c'ä pa we k'ij ri'.”

Ri Xuan 21:17

Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.

Ri Job 15:14

Man c'o ta winak ri sibalaj ta ch'ajch'oj ri ma ta curik chak'maquil.

Ri Job 9:20

Pune' ta ne sibalaj in suc' ri ma ta c'o jun nu mac, ri are' cuk'alajisaj ri' chnuwäch chi in ajchak'mac chi in itzel.

Romanos 4:2

We ta xk'alajisax ri Abraham chi suc' rumal ri u chac, c'o ba jas cunimarisaj wi rib ri'. Man chuwäch ta c'u ri Dios.

Salmib 50:6

Ri caj cuk'alajisaj chi ri Dios are' jun suc'alaj k'atal tzij.

Salmib 26:12

In tac'al puwi' cowilaj ulew; ¡quintewichi'j ri Ajawaxel chuwäch ri u tinimit!

E C'ambal tak Tzij 29:26

Sibalaj e q'ui ri cäquitzucuj ri u tok'ob ri k'atal tzij, xuwi c'u ri Ajawaxel cuban suq'uil.

1 Corintios 4:3

Ri in man quinxe'j ta wib we quik'at tzij panuwi', pune' ta ne quinc'am bic cho jun k'atal tzij. Mawi ne ri in quink'at tzij panuwi' chbil wib.