1 Corintios 3:9 - Quiché Bible

⁹ Ri uj c'ut uj rach tak rajchaquib ri Dios. Ri ix, ix u tajin ri Dios, ix ri ja ri cuyac ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Qas tzij wi, uj uj tobꞌanelabꞌ, uj patanil rech ri Dios. Ri ix kꞌut ix junam rukꞌ ri ulew ri kutik wi ri Dios ri ijaꞌ. Ix ix rachoch ri Dios.

K'iche'

⁹ Je ri', rumal chi ri uj, uj kachi'l kib chupam ri chac chupatänixic ri Dios. Are c'u ri ix, ix je' ta ne ulew ri cätic u wäch rumal ri Dios. Xukuje' ri ix, ix junam ruc' jun ja ri tajin cuyac ri Dios.

K'iche' (New Orthography)

⁹ Je ri', rumal chi ri uj, uj qachi'l qib' chupam ri chak chupatänixik ri Dios. Are k'u ri ix, ix je' ta ne ulew ri kätik u wäch rumal ri Dios. Xuquje' ri ix, ix junam ruk' jun ja ri tajin kuyak ri Dios.

1 Corintios 3:9 Referans Kwoze

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

1 Corintios 3:16

¿La ma ta iweta'm chi ix rachoch ri Dios, chi jekel ri Ruxlabal ri Dios pa ri iwanima'?

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Ri Matey 9:37

Xubij c'u chque ri u tijoxelab: “Kastzij ri k'atoj sibalaj nim, are c'u ri ajchaquib man e q'ui taj.

Ri Isaiy 61:11

Jacha' c'ut ri qui q'uiyic ulok ri tico'n pa ri ulew queq'uiy c'u ulok ri tuxaj chupam ri u ticbal cotz'i'j, jeri' cuban na ri Ajawaxel chi cäq'uiy na ri u ch'äcanic, chi conojel c'ut ri nimak tak tinimit chequibixoj na bix re k'ijilanic.

1 Corintios 3:6

Ri in xinticonijic, ri Apols xja'nic. Are c'u ri Dios xq'uiyisanic.

Colosenses 2:7

benak ri i xeal pa ri are', co ix tiquitoj pa ri are' rumal ri cojonic, je jacha' ri xixtijox wi, quiya' c'u maltioxinic amak'el che ri Dios.

Efesios 2:10

Ri Dios are' xujbanowic, xuban c'ac' tak winak chke rumal ri Crist Jesus, rech cäkaban utzalaj tak chac, ri xebusuc'umaj ulok ri Dios ojer, rech je cäkabano.

1 Corintios 6:19

¿La ma ta iweta'm chi ri i cuerp are rachoch ri Ruxlabal ri Dios ri c'o pa ri iwanima', ri yo'm chiwe rumal ri Dios? Ri ix man iwech ta iwib.

Hechos 4:11

We Jesus ri' are' ri abaj ri xetzelaj alak u wäch alak ri alak yacanelab are c'u uxinak ri abaj ri tz'apibal u wi' ri chac.

3 Juan 1:8

Chekac'amowaj ba ri cojonelab ri jewa' cäquibano chujoc il chque je c'u ri' quekato' che u tzijoxic ri kastzij.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

Ri Isaiy 61:3

che u ya'ic chque ri qui rikom c'ax ri e c'o pa Sion, jun corona che q'uexwäch chaj, c'oc'al re quicotemal che u q'uexwäch ok'ej, bix tak re k'ijilanic che u q'uexwäch q'uistajbal c'uxaj. Ix “bakit re colomal” quixuchix c'u na, e ticom rumal ri Ajawaxel che u c'utic ri u juluwem.

2 Corintios 6:16

Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

Ri Jeremiy 2:21

In xatintico jacha' uva ri sibalaj utz na, jacha' uva ri sibalaj utz na rija'lil. ¡Sibalaj c'u ne awetzelam awib, chi man quinch'ob ta chi ne a wäch!

Salmib 118:22

Ri abaj ri xetzelax u wäch cumal ri e banal tak ja, are c'u uxinak ri abaj ri nim na u patan.

Salmib 72:16

¡Mat chq'uis ri trico pa ri ulew; sibalaj ta chwächin paquiwi' tak ri juyub! ¡Chwächin ri ija' jacha' ri u wächinic ri Libano, chec'ol q'ui qui jolom trico jacha' ri k'ayes pa ri juyub!

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

Ri Matey 16:18

In quinbij chawe, chi at Lu'. Puwi' c'u we nimalaj abaj ri' quinyac wi na ri nu comon cojonelab chi nimalaj conojel. Mawi c'u ne ri u cuinem ri cämical cäch'äcan ta na puwi'.

Ri Isaiy 61:5

Ri winak ri man e awinakil taj quecoj na che qui chajixic tak ri jumulaj, ri juyub tak xukuje' ri e ticbal tak i uva.

Ri Isaiy 32:20

Ri ix quixjeki' na pa utzil, cäc'oji' na i ja' che u ja'xic ri i tico'n, xukuje' c'o q'ui k'ayes che ri bur xukuje' che ri wacax.

E C'ambal tak Tzij 9:1

Ri no'j cuyac ri rachoch, cuwik ruc' wukub rakan ja;

Ri Matey 15:13

Ri Jesus xubij chque: “Ronojel tico'n ri man xtic ta rumal ri nu Tat ri c'o chila' chicaj, cäbok na.