1 Corintios 2:15 - Quiché Bible

¹⁵ Are c'u ri winak aj Uxlabal cuk'at tzij paquiwi' conojel ri jastak; man c'o ta c'u jun cäk'atow tzij puwi' are'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Ri winaq kꞌut ri kꞌo pa ri Uxlabꞌixel kakwinik kuqꞌat tzij puꞌwiꞌ ronojel ri jastaq, areꞌ kꞌut maj jun kaqꞌatow tzij puꞌwiꞌ.

K'iche'

¹⁵ Are c'u ri winak ri c'o ri Lok'alaj Espíritu pa ranima' cäcowin chuch'obic ronojel, jachique ri utz, jachique ri man utz taj. Ri are' c'ut man c'o tä jun cäcowin chuch'obic jas ri kas c'o pa ranima' ri are'.

K'iche' (New Orthography)

¹⁵ Are k'u ri winaq ri k'o ri Loq'alaj Espíritu pa ranima' käkowin chuch'ob'ik ronojel, jachike ri utz, jachike ri man utz taj. Ri are' k'ut man k'o tä jun käkowin chuch'ob'ik jas ri qas k'o pa ranima' ri are'.

1 Corintios 2:15 Referans Kwoze

1 Tesalonicenses 5:21

Chitijtobej ronojel; chic'olo' ri utz.

E C'ambal tak Tzij 28:5

Ri e banal tak etzelal man c'o ta jas cäquich'ob che ri suq'uilal, jachin tak c'ut ri quenakajin che ri Ajawaxel cäquich'ob ronojel.

Hebreos 5:14

Ri wa ri' are quech ri tz'akatinak chic qui junab. Rumal rech chi amak'el qui tijom quib, c'o chic qui no'j, quecuin che u ch'obic jas ri utz xukuje' jas ri man utz taj.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

1 Corintios 14:37

We c'o jun cuchomaj rib chi k'axal u tzij ri Dios, o cuchomaj rib chi uxlabisam rumal ri Uxlabaxel, cuch'ob na wa' we cätajin quintz'ibaj u takanic ri Ajawaxel.

Gálatas 6:1

Wachalalib, we c'o jun quiriko chi c'o pa jun mac, ix ri utz ri i c'aslemal aj Uxlabaxel, chito' ri je u banom wa' ruc' u ch'uch'ujil iwanima' rech cätzelej pa suq'uil. Chawila' awib, mattakchi'x ne at che mac xukuje'.

Filipenses 1:10

Jeri' quixcuin che u ch'obic jas ri kas utz na u banic, rech man xa' ta quieb iwanima' xukuje' ma ta c'o k'atbal cäriktaj chiwij aretak cäpe ri Crist.

1 Corintios 3:1

In, wachalal, man xincuintaj xixintzijobej jacha' winak ri c'amom qui be rumal ri Uxlabaxel, xane' e jacha' apachique winak, e jacha' ac'alab pa ri jastak re ri Crist.

Colosenses 1:9

Rumal wa' ri uj, kas pa ri k'ij ri xketamaj, man ka tanabam ta u banic ch'awem ruc' Dios piwi', xukuje' che u tz'onoxic che ri Dios chi chubana' chiwe chi ruc' tz'akatil quiwetamaj ri u rayibal chuya' c'u ronojel u wäch no'j chiwe xukuje' ch'obonic aj uxlabal.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Hechos 16:3

Ri Pawl xraj chi cäbe ri Timotey ruc'. Xuc'amo, xucoj ri etal che u kopixic ri u tz'umal ri u wi' ri achi wi xa' rumal quech ri aj judeyib ri e c'o pa tak ri c'olbal ri'. Conojel c'ut queta'm chi ri u tat are aj Gres.

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Ri Tzijonel 8:5

Che ri cutz'akatisaj u banic jun takanic man c'o ta jun etzelal cuc'ulmaj na, are' c'u ri c'o u no'j cuch'obo jampa' xukuje' jas cuban che u tz'akatisaxic.

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Ucab Samuel 14:17

We pataninel ech la ri' cäreyej chi cätzelej la u bixic cuya na quicotemal chwe, lal eta'm la u ch'obic ri utz xukuje' ri man utz taj, lal junam ruc' jun aj cajalaj u tako'n ri Dios. ¡Are' ba' ri Dios ri Ajawaxel chcanaj uc' la!”

1 Juan 2:20

Ri Crist u yo'm ri Ruxlabal ri Dios chiwe, iwonojel c'ut ix c'o iwetamanic.