1 Corintios 16:11 - Quiché Bible

¹¹ C'o ba' jun chiwe metzelan u wäch. Xane' chijacha' ulok ruc' jamaril, aretak cäpe wuc'. Quinweyej c'u cuc' ri kachalal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Maj bꞌa jun ketzelan uwach. Chitoꞌ rech kutaqej ri ubꞌinem pa jaꞌmaril rech jeriꞌ kakwinik kinuꞌriqa, jeriꞌ rumal cher wayeꞌm apanoq waral kukꞌ ri alaxik.

K'iche'

¹¹ C'o jun chiwe märetzelaj u wäch. Xane chito' rech cäcowinic cutakej ru be ruc' utzil, rech cätzelej chi na lok wuc' rumal chi ri in weye'm ri are' junam cuc' ri niq'uiaj kachalal chic.

K'iche' (New Orthography)

¹¹ K'o jun chiwe märetzelaj u wäch. Xane chito' rech käkowinik kutaqej ru b'e ruk' utzil, rech kätzelej chi na loq wuk' rumal chi ri in weye'm ri are' junam kuk' ri nik'iaj qachalal chik.

1 Corintios 16:11 Referans Kwoze

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

Hechos 15:33

E sachalinak chi c'u quieb oxib k'ij chila', xejach bic pa jamaril cumal ri kachalal, rech quetzelej cuc' ri xetakow ulok.

Ri Tit 2:15

Chatzijoj we jastak ri'. Chebapixbej ri winak, chak'alajisaj chquiwäch jas ri man utz taj ri cäquibano. Chabana' wa' ruc' ronojel takanic, c'o c'u jun metzelan a wäch.

1 Corintios 16:10

We copan ri Timotey, chiwila' chi c'o u q'ueyowal muriko, chc'ol c'u iwuc', rumal rech chi ri are' cuban ri u chac ri Ajawaxel jacha' ri in.

1 Corintios 16:6

Cäraj ne quincanaj can iwuc', o we ne quinwoc'owisaj ri k'ij re tew chila', rech quiniwachilaj bic ri' jawije' ri quinbe chi wi na.

3 Juan 1:6

Ri e are' xquibij chque ri e re ri comon cojonelab jas ri xquilo, chi ri at c'o lok'ok'ebal a c'u'x. We c'u quebato' che ri qui be jas ri cäkaj chuwäch ri Dios, utz cabano.

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.

Ri Lucax 10:16

Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

2 Corintios 1:16

Nu chomam c'ut i solixic nabe aretak quinoc'owic pa ri nu bic pa Masedon, aretak c'u quintzelej ulok, quixinsolij chi jumul. Jeri' ri ix quixcuin ri' che nu to'ic chanim che ri nu bic pa Juda.