1 Corintios 14:26 - Quiché Bible

²⁶ Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Qachalal, ¿jas kꞌu kaqabꞌij che we riꞌ? Are kimulij iwibꞌ kuyaꞌo we chi ijujunal kꞌo jujun ibꞌix, jujun ikꞌutuꞌn, kꞌo jastaq ri kukꞌut ri Dios chiꞌwach, kixtzijon pa juleꞌ taq chꞌabꞌal chik, xuqujeꞌ kibꞌan qꞌaxan taq tzij. Rajawaxik chi ronojel we riꞌ kabꞌanik rech jeriꞌ katoꞌik ri komontyox.

K'iche'

²⁶ Je c'u ri', kachalal, ri u beyal are je wa': Aretak quimulij iwib e c'o jujun chiwe ri cäquibixoj salmos, niq'uiaj chic cäquiya tijonic, e c'o c'u jujun cäquik'alajisaj tzij ri yo'm chque rumal ri Dios. Jujun chic cäquiya tzijonem pa jule' ch'abal, jujun chi c'ut cäquik'alajisaj ri bim pa ri jule' ch'abal ri'. Ronojel ba' ri quibano, chibana wa' chuya'ic u chuk'ab ri qui cojonic ri kachalal cojonelab.

K'iche' (New Orthography)

²⁶ Je k'u ri', qachalal, ri u b'eyal are je wa': Aretaq kimulij iwib' e k'o jujun chiwe ri käkib'ixoj salmos, nik'iaj chik käkiya tijonik, e k'o k'u jujun käkiq'alajisaj tzij ri yo'm chke rumal ri Dios. Jujun chik käkiya tzijonem pa jule' ch'ab'al, jujun chi k'ut käkiq'alajisaj ri b'im pa ri jule' ch'ab'al ri'. Ronojel b'a' ri kib'ano, chib'ana wa' chuya'ik u chuq'ab' ri ki kojonik ri qachalal kojonelab'.

1 Corintios 14:26 Referans Kwoze

Efesios 5:19

Chitzijobela' iwib cuc' tak salm, bix, xukuje' bixonic aj uxlabal. Chixbixonok, chinimarisaj u k'ij ri Ajawaxel ruc' ronojel iwanima'.

Romanos 14:19

Chkabana' ba' ri jastak ri cäquiya' jamaril chkaxo'l xukuje' ri cäquiya' ka chuk'ab pa ri ka cojonic.

1 Tesalonicenses 5:11

Rumal ri', chicu'bisala' i c'u'x, chiyala' i chuk'ab, jas ri cätajin quibano.

Efesios 4:16

Rumal c'ut ri Crist, ronojel ri cuerp, nuc'utalic xukuje' conojel ri e u tz'akatil xak jun c'o wi junam; aretak c'u ri jujun u tz'akatil utz que chacunic, ronojel cätajin caq'uiyic cätajin catz'akat pa lok'ok'ebal c'uxaj.

Efesios 4:29

Mel ulok pa i chi' jun itzel tzij, xane' xuwi chibij tzij ri utz ri cuya' qui chuk'ab xukuje' cuya' utzil chque ri queto'wic.

2 Corintios 13:10

Rumal ri' quebentz'ibaj bic we jastak ri' chiwe aretak man in c'o ta iwuc', rech aretak quinopan iwuc', man in c'a'n ta chic chiwe, jas ri ya'tal chwe rumal ri takanic ri u yo'm ri Ajawaxel pa nu k'ab. U yo'm chwe che u ya'ic i chuk'ab, man che ta u sachic i wäch.

2 Corintios 12:19

Cäraj ne cätajin quichomaj chi cätajin cakatz'onoj chi cujicuyu', man je ta c'u quelic. Man je taj ri quibij, cätajin c'u cujtzijon chuwäch ri Dios uj c'u ajcristib xukuje'. Ronojel c'u wa' lok'alaj tak kachalal, rech ri ix quixq'uiy chupam ri uxlabal.

1 Corintios 14:40

Chban c'u ronojel ruc' colomal xukuje' ruc' cholajil.

Efesios 4:12

Jeri' xuya' chque ri cojonelab ronojel ri rajawaxic chque rech quechacunic xukuje' quepataninic, rech cäq'uiy ri u cuerp ri Crist.

1 Corintios 14:27

Aretak c'u chban tzijonem pa jalan tak ch'abal, chquibana' xak xuwi' quieb winak o e oxib we e c'o na, chquijujunal c'ut; rajawaxic chi c'o jun quebuk'alajisaj tak we ch'abal ri'.

Romanos 1:13

Quinwaj quiwetamaj, wachalal, chi q'ui mul nu chomam ulok chi quinbe iwuc'. C'ä camic c'ut man yo'm ta chwe. Quinwaj quinbe iwuc' rech cäc'oji' u wächinic ri nu chac chixo'l, je jas ri u wächinic chquixo'l ri niq'uiaj nimak tak tinimit chic.

Romanos 12:7

We yo'm che jun chi cäpataninic, chpatanin ba'. We yo'm che jun chi cätijonic, chtijonok.

Romanos 15:2

Chkajujunal chkabana' ri cäkaj chuwäch ri kajil ka tz'akat, pa ri jastak ri utz qui banic, rech cux jun to'banic pa ri qui cojonic.

1 Corintios 14:2

Ri jun ri cätzijon pa jalan tak ch'abal, man e are' ta quebuch'abej ri winak, xane' are' cuch'abej ri Dios, rumal rech chi man c'o ta jun cäch'obowic. Pa ri uxlabal c'ut cutzijoj wi ri awatalic.

1 Corintios 14:15

¿Jas c'u ri quinbano? Quinban na ch'awem ruc' Dios man xuwi ta ruc' ri wanima', xane' xukuje' ruc' ri nu chomanic. Quinbixon na che ri Dios ruc' ri wanima', xukuje' ruc' ri nu chomanic.