1 Corintios 14:13 - Quiché Bible

¹³ Rumal ri' ri jun ri cätzijon pa jun ch'abal chic, chuta' che ri Dios rech cäcuinic cuk'axej pa ka ch'abal.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Rumal riꞌ, ri winaq ri kachꞌaw pa juleꞌ taq chꞌabꞌal chik chuta pa ri uchꞌawem ri sipanik rech qꞌaxan tzij, rech jeriꞌ kakwinik kuqꞌaxaj pa kitzijobꞌal winaq ri kubꞌij pa juleꞌ taq chꞌabꞌal chik.

K'iche'

¹³ Rumal ri' jachin ri cäch'aw pa jule' tak ch'abal chuta' che ri Dios chi cäyi' ri cuinem che ri are' chuk'alajisaxic ri quel cubij ri tzij.

K'iche' (New Orthography)

¹³ Rumal ri' jachin ri käch'aw pa jule' taq ch'ab'al chuta' che ri Dios chi käyi' ri kuinem che ri are' chuq'alajisaxik ri kel kub'ij ri tzij.

1 Corintios 14:13 Referans Kwoze

1 Corintios 12:30

Man conojel taj yo'm chque quecunanic, mawi conojel quecuinic quetzijon pa tak ch'abal, mawi conojel quecuinic cäquik'axej pa ka ch'abal ri cäbix pa tak ch'abal.

Marcos 11:24

Rumal c'u ri', quinbij chiwe chi ronojel ri quita' pa ch'awem ruc' Dios, chicojo' chi quic'am na jas ri quito, cäbantaj c'u na chiwe.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

Hechos 8:15

E are c'u ri' xekaj bic, xebopan pa Samar. Xquiban ch'awem ruc' Dios paquiwi' ri cojonelab chila', rech cäquica'm ri Ruxlabal ri Dios.

Hechos 1:14

Conojel c'u wa' xa' jun qui chomanic, amak'el cäquiban ch'awem ruc' Dios, cäquibochi'j. E cachil ri ixokib ruc' ri Mariy u nan ri Jesus xukuje' ri e rachalal.

1 Corintios 14:12

Jeri' xukuje' ri ix, ri sibalaj quirayij ri sipanic aj uxlabal, chicojo' i chuk'ab rech queq'uiyir iwuc' ri jastak ri cuya' ri Uxlabaxel chiwe, che u ya'ic qui chuk'ab ri e rech ri comon cojonelab.

1 Corintios 14:14

We quinban ch'awem ruc' Dios pa jun ch'abal chic, ri wanima' cäch'aw ruc' ri Dios, are c'u ri nu chomanic man c'o ta cärechbej.

1 Corintios 14:26

Chuq'uisbalil, wachalal, aretak ri ix qui mulij iwib, jujun cuya' caquibixoj salm, jujun chic cuya' caquiya' tijonic, o caquiya' u bixic ri u k'alajisam ri Dios chque, o quech'aw pa jule' tak ch'abal chic, o quequik'alajisaj. Ronojel c'ut chux xak xuwi che qui q'uiyibal ri cojonelab.