1 Corintios 13:5 - Quiché Bible

⁵ man cuban ta jastak ri q'uixbal qui banic, man cutzucuj ta ri utz che chbil rib, man cäpe ta royowal, man cuc'ol ta oyowal pa ranima'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Man kubꞌij ta kꞌax taq tzij, man xaq xwi ta karilij ribꞌ areꞌ, man aninaq taj kayojtajik, xuqujeꞌ man kuyak ta kꞌax pa ranimaꞌ.

K'iche'

⁵ Man cuban tä ri' ri man takal tä u banic, ri xa cuya c'äx chque niq'uiaj chic. Man cutzucuj tä xuwi ri utz che ri are', man xak tä ruc' jubik' cäyactaj royowal, man cuc'ol tä c'u pa ranima' ri c'äx ri cäban che.

K'iche' (New Orthography)

⁵ Man kub'an tä ri' ri man taqal tä u b'anik, ri xa kuya k'äx chke nik'iaj chik. Man kutzukuj tä xuwi ri utz che ri are', man xaq tä ruk' jub'iq' käyaktaj royowal, man kuk'ol tä k'u pa ranima' ri k'äx ri käb'an che.

1 Corintios 13:5 Referans Kwoze

1 Corintios 10:24

C'o jun mutzucuj ri utz che chbil rib, xane' chutzucuj ri utz che ri jun chic.

Santiago 1:19

Rumal wa', lok'alaj tak wachalal, chijujunal chanim chitatabej ri u tzij ri jun chic, chixbeytaj che tzijonic, chixbeytaj che oyowal,

Filipenses 2:21

Conojel c'ut cäquitzucuj ri xa' quech ri e are', man are ta c'u ri rech ri Crist Jesus cäquitzucuj.

Filipenses 4:8

Chuq'uisbalil, wachalalib, e joropa' jastak ri kas e je, e joropa' jastak ri ya'tal u ya'ic qui k'ij, e joropa' jastak ri e suc', e joropa' jastak ri e ch'ajch'oj, e joropa' jastak ri ya'tal qui lok'ok'exic, e joropa' jastak ri e utz qui tzijol, we c'o c'u apachique utzil, o apachique ak'anasibal k'ij, e are' wa' chebino'jij.

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

1 Corintios 12:25

Jeri' man cäquetzelaj ta quib ri u tz'akatil ri cuerp, xane' junam cäquilila' quib.

2 Corintios 5:19

Ri u bixic wa' chi, pa ri Crist, ri Dios cätajin querutzirisaj ri ajmaquib ruc' are', man querajilaj ta c'ut ri e qui mac ri winak; are c'u ri chke uj xutz'onoj tok'ob chi chkaya' retamaxic we etamanic ri'.

1 Corintios 10:33

Ri in, pa wech wi, quintij nu k'ij quinban ri cäkaj chquiwäch conojel pa ronojel, man are' ta quintzucuj ri kas utz na chwe xane' are ri quech ri niq'uiaj chic, rech caquirik ri colobal ib.

1 Corintios 11:18

Ri nabe are wa', nu tom chi aretak quimulij iwib ri ix comon cojonelab, c'o tasoj tak ib chixo'l. Quincoj c'u jubik' chi kastzij ri'.

Ri Matey 5:22

Ri in c'ut quinbij chiwe, chi ronojel jachin ri cäpe royowal che ri rachalal, takal che chi cäc'äjisax na u wäch. Apachin ri cuyok' ri rachalal, takal che chi cäc'äjisax na u wäch cumal ri tatayib ri cäquik'at tzij pa ri comon qui nimakil ri aj judeyib. Apachin ri cubij con che ri rachalal, takal che ri are' cäbe pa ri u k'ak'al ri xibalba.

Ri Lucax 7:39

Ri parisey ri xula'nic, aretak xril wa', xuchomaj pa ranima', xubij: “We achi ri', we ta kas jun k'axal tzij, cuch'ob ta wa' jachin ri ixok ri cänakowic, cuch'ob ta wa' chi ajmac.”

Marcos 3:5

Xpe royowal ri Jesus chque, xebuca'yej ri winak ri e c'o pa tak u xcut. Xk'oxow ri ranima', rumal rech chi sibalaj co ri canima'. Xubij che ri achi: “Chayuku' ri a k'ab.” Ri achi xuyuku, ri u k'ab c'ut xcunatajic.

2 Tesalonicenses 3:7

ri ix iweta'm chi rajawaxic quiban iwe jas ri cäkaban uj. Ri uj c'ut, aretak xujc'oji' chixo'l, xkach'obo jas ri cäkabano, xujchacunic.

1 Corintios 7:36

We c'o jun cuchomaj chi cac'uli' ruc' ri u yo'm chi u tzij che, rumal rech chi c'o chic u junab che ri c'ulanem, we c'u cuchomaj chi are wa' ri utz na, chubana' ri cuchomaj are takalic; c'ulanok, man macunic taj.

Ri Matey 9:4

Xretamaj c'ut ri Jesus ri qui chomanic, xuc'ot qui chi': “¿Jasche sibalaj itzel ri qui chomaj?

Ri Isaiy 3:5

Ri c'ax ri cäpe paquiwi' ri winak, chi pune' ta ne canima' quib, cäquich'ayala' na quib. Ri c'ä e ac'alab quequich'ay na ri ri'jab tak winak, ri man nimak ta qui k'ij quewalij na chquij ri nimak qui k'ij.

Ucab Samuel 10:3

ri e c'amal tak qui be ri aj amonib xquibij che ri Hanun, ri qui nimal: “¿La are' pa c'u'x la chi ri David e u takom ulok we achijab ri' che ch'abexic la, xuwi ta che u ya'ic u k'ij ri tat la? ¡E u takom ulok wa' che u nic'oxic che u ca'yexic ri tinimit, cäpe c'u che u sachisaxic u wäch!”

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.

Ri Jeremiy 11:19

In man c'o ta quinnabej in jacha' jun chij ri cac'am bic pa ri pilibal, man weta'm taj chi cätajin cäban chomanic chwij che u banic c'ax chwe. Je c'u caquibij wa: “Kakasaj ri juwi' che' camic ri c'o pa ronojel ri u räxal, kaboko' pa ri uwächulew quech ri c'asc'oj, rech man c'o ta jun cänatan ta chic.”

E C'ambal tak Tzij 14:17

Ri chanim coyowaric man cuchomaj taj ri cubano; are c'u ri cujic' rib cac'oji' pa jamaril.

Ri Job 21:27

In weta'm ri qui chomaj chwij xukuje' ri itzel tak chomanic ri e c'o iwuc'.

Ajilanic 16:15

Sibalaj c'u xoyowar ri Moises xubij c'u che ri Ajawaxel: “¡Mec'amowaj la ri qui sipanic! Ri in man nu tokim ta chque mawi ta ne xa jun bur, mawi c'u ne nu banom ta jun lawaloyil che jun chque.”

Ajilanic 12:3

Kas c'u ne kastzij, ri Moises are' ri achi ri sibalaj mach'al na cho ri uwächulew.

2 Timoteo 4:16

Pa ri nabe to'bal wib chquiwäch ri k'atal tak tzij, mawi jun xc'oji' wuc', xane' conojel xinquiya' canok. Man quinwaj ta c'ut chi cäya' we mac ri' chquij.

Ajilanic 32:6

Xutzelej c'u u bixic ri Moises chque: “¿La are' ta quiwaj ix quixcanaj ta can waral e are' ta c'ut ri e iwachalal quebe ta che u banic ch'o'j?