1 Corintios 13:4 - Quiché Bible

⁴ Ri c'o lok'ok'ebal u c'u'x are ri' cuk'i' ri c'ax, ch'uch'uj, man cäpe ta royowal che jun chic we curik utzil, man cärak'anisaj ta u k'ij, man cunimarisaj ta rib,

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri loqꞌanik man kaqꞌiꞌtaj ta che ayeꞌnik, kasipanik, ri loqꞌanik man kꞌax ta kunaꞌ che jun chik, man kubꞌananej ta rukꞌ ri ujastaq ri kꞌolik, xuqujeꞌ man nimal taj kunaꞌo.

K'iche'

⁴ Ri winak ri queraj niq'uiaj winak chic, cuchajij paciencia, cäch'awic, man c'äx tä cuna' chrij jun winak chic xa rumal ri jastak re, man cuna' tä rib chi nim u banic, man cuban tä c'u nimal.

K'iche' (New Orthography)

⁴ Ri winaq ri keraj nik'iaj winaq chik, kuchajij paciencia, käch'awik, man k'äx tä kuna' chrij jun winaq chik xa rumal ri jastaq re, man kuna' tä rib' chi nim u b'anik, man kub'an tä k'u nimal.

1 Corintios 13:4 Referans Kwoze

1 Pedro 4:8

Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

Efesios 4:32

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

E C'ambal tak Tzij 10:12

Ri etzelen wächaj quebuyac ch'o'j, are c'u ri lok'ok'ebal c'uxaj quebucuy conojel tak ri macunic.

1 Juan 4:11

Lok'alaj tak wachalal, we je xuban ri Dios wa' chke, xujulok'ok'ej, xukuje' ri uj rajawaxic cäkalok'ok'ela' kib.

E C'ambal tak Tzij 17:9

Ri man quebuya' ta u xiquin che ri c'ax ri cäban che quebuq'uiyisaj colob aj lok'ok'ebal c'uxaj; jachin ri cutakej u nataxic ri c'ax cunajtajisaj ri rachil.

1 Pedro 3:8

Chuq'uisbalil c'ut, chixux iwonojel xa' jun i chomanic, chel i c'u'x chbil iwib, chilok'ok'ela ri iwachalal. Rajawaxic utzalaj i c'u'x xukuje' mach'amoj.

1 Tesalonicenses 5:14

Quixkabochi'j, kachalal, chi chiya' qui no'j ri man cäcaj taj quechacunic. Chicu'bisaj qui c'u'x ri cuban quieb qui c'u'x. Chebito' ri man c'o ta qui chuk'ab. Mäq'uistaj i c'u'x che qui to'ic conojel.

2 Pedro 1:7

Ruc' c'ut ri nimanic che ri Dios rajawaxic chi quiwuc'aj iwib cuc' ri achalaxelab; ruc' c'ut ri ruc'axic iwib cuc' ri achalaxelab rajawaxic chi cac'oji' i lok'ok'ebal c'uxaj.

Efesios 4:2

Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj,

2 Corintios 6:6

Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

E C'ambal tak Tzij 19:22

Ri sibalaj cucämisaj wi rib ri winak che u rayixic cux u quiäkasakil; are' utz na ri meba' chuwäch ri banal tzij.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

Gálatas 5:26

Mäkanimarisaj kib, mäkaq'uiakala' tzij chbil tak kib, mäpe koyowal che jun chic we curik utzil.

1 Corintios 4:6

Wachalal, xinbij wa' chwij in ruc' ri Apols che jun c'ambal no'j chiwäch, rech quiwetamaj chi man quichomaj ta jastak ri c'o na chuwäch ri tz'ibatalic, rech minimarisaj iwib rumal rech jun, mic'ulelaj c'u ri jun chic.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

2 Timoteo 3:10

Are c'u ri at chaterenej ri nu tijonic, ri u cholajil ri nu c'aslemal, ri nu chomam u banic, ri nu cojonic, ri nu coch'onic, ri nu lok'ok'ebal c'uxaj xukuje' ri nu chuk'ab che takanic,

E C'ambal tak Tzij 31:26

Amak'el catzijon ruc' no'j, ruc' c'u lok'ok'ebal c'uxaj quebuya' tak ri e u tijonic.

E C'ambal tak Tzij 31:20

Amak'el c'o cuya' chque ri mebayib xukuje' chque ri c'o qui rajawaxic.

E C'ambal tak Tzij 17:14

Nima' tixtobinak ri ch'o'j ri cächaplexic, are utz na ri u najtajisaxic ib che u q'uexwäch ri u nimic ib chupam.

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

1 Pedro 2:1

Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

Hechos 7:9

“We e u c'ojol we Jacob ri', ri e ka mam, xquiquiäk rayij ri cachalal ri Jose, xquic'ayij c'u bic rech cac'am bic pa Ejipt. Are c'u ri Dios c'o ruc' ri Jose.

Ri Tzijonel 10:4

We ri k'atal tzij coyowar awuc', masach ri a jolom; ri cunabal chque ri nimak tak sachinakil are ri quimajixic ri jastak chi nojimal.

E C'ambal tak Tzij 13:10

Ri banoj nimal xuwi cuc'am ulok ch'o'j; ri no'j c'o cuc' ri caquimach' quib.

Salmib 10:5

Ronojel ri cubano amak'el utz quel chuwäch. Ri chomanic la naj e c'o wi che, naj chque ri u bak'wäch, cutze'j qui wäch ri e u c'ulel.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

1 Timoteo 6:4

ri are cunimarisaj rib, man c'o ta reta'm. Xane' benak u c'u'x chquij tak ri chomanic xukuje' ri tzij ri cäquichomaj ri winak. Chupam tak wa' queq'uiy wi ulok niq'uiaj etzelal ri cäquiban ri winak, je jas we jastak ri': cäpe coyowal aretak jun chic curik utzil, cäquiyac ch'o'j, cäquetz'bej u wäch ri Dios, cäquichomaj itzel tak jastak,

1 Corintios 8:1

Camic are quinoc chic che u bix ri tabal tok'ob ri cäcoj chquiwäch ri diosib. Kastzij ri cabixic: chi konojel c'o ketamanic; are c'u ri etamanic cuban chke chi cakaban nimal, are c'u ri lok'ok'ebal c'uxaj cuban chke chi cuq'uiyisaj ri ka cojonic aj uxlabal.

Romanos 1:29

E nojinak che ronojel qui wäch mac. Cäquiban ri man suc' taj. Quequirayij q'ui jastak. Cäquiban etzelal. Cäpe coyowal aretak jun chic curik utzil. Quecämisanic. E yacal tak ch'o'j. Quequisub tak winak. Man e suc' taj. E banal tak tzijtal.

Chapletajic 37:11

Ri rachalal sibalaj cätitat cäquina' chrij, are c'u ri u tat, sibalaj cuchomaj wa'.

Santiago 4:5

¿La quichomaj chi xak lok' cubij ri Tz'ibatalic: “Ri Uxlabaxel ri u banom ri Dios chi jekel pa ri uj sibalaj cujurayij ruc' achixomanic?”

1 Corintios 4:18

E c'o jujun quetzelam quib, je ta ne ri ma ta quinopan chi na iwuc'.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

Colosenses 2:18

Miya' c'olbal chi quixc'okox cumal ri caquiban quib chi sibalaj e mach'alic quequik'ijilaj c'ut ri e tako'nib aj caj, ri caquibij quib chi quequil tak c'utwächinic caquisipojisaj c'u quib rumal nimarisanib, rumal quech tak ri e qui chomanic aj winak.

Filipenses 1:15

Jujun cäquitzijoj ri Crist rumal quiäk rayinic xukuje' nimarisabal ib, jujun chi c'ut xukuje' rumal utzalaj rayinic.

2 Corintios 12:20

Quinxe'j wib, we ne aretak quinopanic, man quixenrika' taj je jas ri quinwaj, xukuje' ri ix man quinirik taj je jas ri quiwaj. We ne c'o ch'o'j chixo'l, we ne quixquiäk rayinic, we ne c'o iwoyowal, qui c'ulelala' iwib, quiyac tak tzij, quixwixwitic, quinimarisaj iwib, xukuje' quituquij iwib.

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

Ri Matey 27:18

Reta'm c'u ri Pilat chi qui jachom ri Jesus xa' rumal rech quiäk rayinic.

Chapletajic 30:1

Aretak ri Raquel xrilo chi man c'o ta ral quec'oji' ruc' ri Jacob, xoyowar chrij ri Lea, xubij c'u che ri rachajil: “Chebaya' wal, we c'u man quebaya', quincäm na.”