1 Corintios 13:2 - Quiché Bible

² We ta quink'axej tzij chque ri winak ri yo'm chwe rumal ri Dios, we ta weta'm conojel ri jastak ri man esam ta chi sak xukuje' ronojel etamabal, we ta sibalaj nim ri nu cojonic jeri' chi quincuinic quebenwesaj ri juyub pa tak ri qui c'olbal, ma ta c'u c'o lok'ok'ebal nu c'u'x, man c'o ta nu banic ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

² We ta yaꞌtal chwe ri sipanik rech qꞌalajisan tzij rech ri Dios, xuqujeꞌ we ta wetaꞌm ronojel uwach etaꞌmanik, xuqujeꞌ we ta kꞌo nukojobꞌal ri kakwinik kusalabꞌaj taq juyubꞌ, maj kꞌu loqꞌanik pa wanimaꞌ, maj kinux riꞌ.

K'iche'

² We ta quink'alajisaj tzij ri yo'm chwe rumal ri Dios, we ta wetam ronojel ri man etamtal tä cumal ri niq'uiaj winak chic, xukuje' wetam ronojel u wäch no'j, we ta c'o nimalaj nu cojonic chi quincowinic queinslabisaj tak ri juyub, te c'u ri' man queinwaj tä ri winak, man kas c'o tä nu banic ri'.

K'iche' (New Orthography)

² We ta kinq'alajisaj tzij ri yo'm chwe rumal ri Dios, we ta wetam ronojel ri man etamtal tä kumal ri nik'iaj winaq chik, xuquje' wetam ronojel u wäch no'j, we ta k'o nimalaj nu kojonik chi kinkowinik keinslab'isaj taq ri juyub', te k'u ri' man keinwaj tä ri winaq, man qas k'o tä nu b'anik ri'.

1 Corintios 13:2 Referans Kwoze

1 Juan 4:8

Ri man calok'ok'en taj, man cuch'ob ta u wäch ri Dios ri', rumal rech chi ri Dios are' lok'ok'ebal c'uxaj.

1 Corintios 13:3

We ta quebenya' conojel ri jastak we che qui tzukic ri mebayib, we ta quinjach ri nu cuerp rech cäporoxic, ma ta c'u c'o lok'ok'ebal nu c'u'x, man c'o ta quinwechbej ri'.

Ri Matey 17:20

Xubij ri Jesus chque: “Rumal rech chi xa' jubik' ri i cojonic. Kastzij quinbij chiwe, chi we ta c'o i cojonic je jas ri u nimal ri rija' ri moxtansa, quibij na ri' che we juyub ri': ‘Chatel bic waral, chatk'ax chila'’, cäk'ax c'u na. Ma ta c'o jun jasach ri' ri ma ta quixcuin che u banic.”

1 Corintios 16:22

We c'o jun ri man culok'ok'ej ta ri Ajawaxel Jesucrist, chäkaj ba' chuxe' c'okonic. ¡Chpet ba' la, Ajawaxel!

Ri Matey 21:21

Ri Jesus xubij chque: “Kastzij quinbij chiwe, we ta c'o i cojonic, we ta ma ta cuban quieb i c'u'x, man xuwi ta wa' quiban na jas ri xinban in che ri u che'al higo, xane' we quibij che we juyub ri': ‘Chatwalijok, chaq'uiaka' awib pa ri cho’, cäbantaj na.

Efesios 3:4

Aretak quisiq'uij u wäch ri wuj ri', quiwetamaj chi ri in weta'm ri jastak re ri Crist ri man etamatal ta can nabe.

1 Corintios 13:1

We ta quinch'aw pa ri qui ch'abal ri winak, xukuje' ta c'u ne pa ri quech ri tako'nib aj chicaj, ma ta c'u c'o lok'ok'ebal nu c'u'x, quinux ri' jas jun quiäk ch'ich' ri cätzilnajic, o jun quetequic ch'ich' ri cäch'arnajic.

Gálatas 5:16

Are wa' quinbij chiwe: Chibana' ri u rayibal ri Uxlabaxel, rech miban c'ut ri i rayibal re mac.

Colosenses 1:26

Are jun jasach ri man etamatal ta can nabe, c'u'm ulok rumal ri Dios kas pa tak ri k'ij junab chquiwäch conojel ri winak ri e c'o cho ri uwächulew. Camic c'ut k'alajisam chi chquiwäch ri winak ri e tastalic.

Gálatas 6:3

We c'o jun cuchomaj chi c'o u banic, we man c'o ta c'u u banic, xak cusub rib.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

1 Corintios 7:19

We jun achi kopim ri u wi' ri u tz'umal ri achi wi, o man kopim taj, man c'o ta u banic wa'. Xane' ri u nimaxic ri u takanic ri Dios, are ri' c'o u banic.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Efesios 6:19

Xukuje' chibana' ch'awem panuwi' in, rech aretak quinch'awic, ri Dios cuya' ri tzij chwe, rech man quinxe'j ta wib aretak quintzijoj ri tzij re colobal ib ri man etamatal ta can nabe.

1 Corintios 4:1

Rajawaxic chi ri ix quiwetamaj chi uj xa' uj pataninel re ri Crist, yo'm pa ka k'ab ri jastak re ri Dios ri man etamatal ta can nabe, rech cäkatzijoj.

Romanos 16:25

Chkanimarisaj ba' u k'ij ri Dios ri cäcuin che i tac'abaxic, jas ri cubij pa ri tzij re colobal ib ri quintzijoj, jas cubij ri tzij chrij ri Jesucrist, jas ri xketamaj aretak xec'ut chkawäch ri jastak ri man etamatal ta can nabe, ri man tzijom ta ulok kas aretak majok cätiquiritaj ri uwächulew.

Romanos 11:25

Wachalal, quinwaj chi quich'ob we awatalic ri', rech man quichomaj taj chi ri ix nim na ri i no'j. Xcowirisax na apan jubik' ri canima' ri aj israelib, c'ä aretak queboc na conojel ri man aj israelib taj ri quecojon na.

Ri Matey 21:19

Xril jun u che'al higo chuchi' ri be. Xbe ruc'. Man c'o ta c'u xurik che ri che', xane' xak xuwi u xak. Xubij c'u che: “Mawi jumul chbe k'ij sak cäc'oji' na a wächinic.” Chanim xchaki'jar ri u che'al higo.

Ri Matey 13:11

Ri Jesus xubij chque: “Chiwe ix yo'm wi u ch'obic ri jastak re ri rajawibal ri Dios, ri man etamatal taj nabe canok. Man yo'm ta c'u chque ri e are.

2 Corintios 12:11

In uxinak con, ix c'ut xinitakchi'j che wa'. Ix ta ri' ri utz ta nu tzijol iwumal, rumal rech chi ri in ma ta are nim na nu k'ij chquiwäch ri takomxenlab ri nimak na qui k'ij, pune' man c'o ta nu banic.

1 Corintios 14:39

Je ba' ri', wachalal, sibalaj chirayij ri u k'alajisaxic ri tijonic ri yo'm chiwe rumal ri Dios. Mebik'atij c'u qui wäch ri quetzijon pa niq'uiaj tak ch'abal chic.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

Romanos 15:14

Kas weta'm jas ri i banom, wachalal, chi nojinak ri iwanima' che utzil, chi nim ri iwetamabal, chi quixcuinic quipixbela' iwib.

1 Corintios 11:4

Ronojel achi ri cuban ch'awem ruc' Dios, o cuk'axej tzij chque ri winak ri yo'm che rumal ri Dios, we ch'ukutal ri u jolom, cäresaj u q'uixbal ri u jolom.

1 Corintios 13:8

Ri lok'ok'ebal c'uxaj mawi ta jumul casach u wäch. Cäpe jun k'ij aretak ri winak man cäquik'axej ta chic ri u tzij ri Dios, quetani' tak na ri ch'abal, ri etamanic cäsach na u wäch.

1 Corintios 14:4

Ri jun ri cätzijon pa tak ch'abal, are cuya' u chuk'ab chbil rib. Are c'u ri jun ri cuk'axej ri u tzij ri Dios chque ri winak, are cuya' qui chuk'ab ri e re ri comon cojonelab.

1 Corintios 14:29

We caquiya' u bixic ri yo'm chque rumal ri Dios, e quieb o e oxib chech'awok, ri niq'uiaj chic chquichomaj rij ri cäbixic.

1 Corintios 15:51

Chiwilampe', quinbij jun jasach chiwe ri man etamatal ta can nabe: Man konojel taj cujcäm na, konojel c'ut cujq'uextaj na.