1 Corintios 10:31 - Quiché Bible

³¹ Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Kꞌisbꞌal rech, we kꞌu kitijo o kiqumuj o kibꞌan xapaskux jun jastaq, chibꞌana chuyaꞌik uqꞌij ri Dios.

K'iche'

³¹ Je ba' ri' jachique ri quibano, we quixwi'c, we c'o jas quitijo, chibana ronojel wa' chunimarisaxic u k'ij ri Dios.

K'iche' (New Orthography)

³¹ Je b'a' ri' jachike ri kib'ano, we kixwi'k, we k'o jas kitijo, chib'ana ronojel wa' chunimarisaxik u q'ij ri Dios.

1 Corintios 10:31 Referans Kwoze

Colosenses 3:17

Apachique ri quibano o ri quibij, chibana' ronojel pa ri u bi' ri Ajawaxel Jesus, ruc' maltioxinic che ri Dios rumal ri are'.

Colosenses 3:23

Apachique ri quibano, chibana' ruc' ronojel iwanima', je ta ne are quipatanij ri Ajawaxel, man are ta ri winak.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

U Camulixic ri Pixab 12:18

Xuwi cuya' quitij chuwäch ri Ajawaxel, pa ri c'olbal ri cucha' na ri are'; chila' chuwäch ri Ajawaxel ri i Dios quitij wi quebiwachilaj tak ri e iwalc'ual, ri pataninel tak iwech, xukuje' ri aj levitib ri e jekel chixo'l, quixquicot c'u na che u tijic ri u wächinic tak ri i tico'n.

U Camulixic ri Pixab 12:7

Quixwa' na chila', chuwäch ri Ajawaxel ri i Dios quebiwachilaj tak ri e iwalc'ual quixquicot c'u na che ri u wächinic ri i chac ri ix u tewichi'm wi ri Ajawaxel ri i Dios.

U Camulixic ri Pixab 12:12

Quiban c'u na nimak'ij chuwäch ri Ajawaxel ri i Dios, quebiwachilaj tak ri e i c'ojol, ri pataninel tak iwech, xukuje' ri aj levitib ri e jekel chixo'l, man c'o ta c'u ch'akap culew quechben che ri iwulew.

Ri Lucax 11:41

Chic'ama' ba' ri c'o pa ri lak, chiya' chque ri mebayib. Je c'u ri' conojel ri jastak e ch'ajch'oj chiwäch.

1 Corintios 7:34

Xukuje' man junam ta ri ixok ri c'ulanic ruc' ri ali ri man c'ulan taj. Ri man c'ulan taj, are querilij ri jastak re ri Ajawaxel, rech cux tastalic winak pa ri u cuerp xukuje' pa ri ranima'. Ri ixok ri c'ulanic, are querilij ri jastak re ri uwächulew, are cäraj cubano jas ri cäkaj chuwäch ri rachajil.

Ri Zacariy 14:21

Conojel tak ri t'uy ri c'o pa Jerusalen xukuje' pa Juda, quetastaj na che ri Ajawaxel ri c'o ronojel u cuinem. Jachin tak ri quebe che u ya'ic jun tabal tok'ob, quequicoj na, caquitzac c'u na ri qui ti'jal tak ri awaj ri e chi'm che tabal tok'ob chquipam. Chupam ri k'ijol ri' man quec'oji ta chi na ajc'ayib chupam ri rachoch ri Ajawaxel ri c'o ronojel u cuinem.