1 Corintios 1:7 - Quiché Bible

⁷ Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Jeriꞌ maj jun sipanik kajawataj chiꞌwe are kiwayeꞌj apanoq are kukꞌut ribꞌ ri Ajawxel Jesucristo.

K'iche'

⁷ Je ri' man c'o tä jun u wäch tewchibal ajchicaj ri mat yo'm chiwe rumal ri Dios, ix ri', ri ix eyeninak che ri k'ij ri cäpe na ri Kajaw Jesucristo, cuc'ut c'u rib chkawäch.

K'iche' (New Orthography)

⁷ Je ri' man k'o tä jun u wäch tewchib'al ajchikaj ri mat yo'm chiwe rumal ri Dios, ix ri', ri ix eyeninaq che ri q'ij ri käpe na ri Qajaw Jesucristo, kuk'ut k'u rib' chqawäch.

1 Corintios 1:7 Referans Kwoze

Filipenses 3:20

Are' c'u ri ka tinimit pa ri caj c'o wi'; ri xukuje' cakeyej wi jun Colonel, ri Ajawaxel Jesucrist.

2 Pedro 3:12

Chiweyej xukuje' chiwanej iwib che ri u petic ri u k'ij ri Dios, aretak ri caj quec'at na xukuje' cäsach na qui wäch, xukuje' ri jastak ri xebanbex re quenicow na xukuje' queja'r na.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

Ri Juds 1:21

Chichajij iwib pa ri lok'ok'ebal u c'u'x ri Dios. Chiweyej na ri k'ij aretak ri Kajaw Jesucrist ruc'am ulok ri lok'ok'ebal c'u'x chke, xukuje' ri junalic c'aslemal ri u bim chke.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

1 Pedro 4:13

Xane' chixquicotok, rumal rech chi quic'am iwe ri u c'axc'olil ri Crist. Jeri' xukuje' aretak quiwil na chi cäpe ri Crist, nim u k'ij cäpetic, quixquicot na ruc' nimalaj quicotemal.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

Romanos 8:19

Conojel c'u ri jastak ri e banom rumal ri Dios, are sibalaj cäcaj cäquil ri k'ij aretak quek'alajisax na ri e ralc'ual ri Dios.

Ri Lucax 17:30

Jewa' cäbantaj na pa ri k'ij aretak ri Rija'l Winak aretak cuc'ut na rib.

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

1 Pedro 1:13

Rumal ri', chicojo' i chuk'ab che ri chomanic, chichomaj jas ri quibano, chicu'ba' i c'u'x pa ronojel chrij ri tok'ob ri cäc'am na ulok chiwe aretak cäpe ri Jesucrist.

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

2 Tesalonicenses 1:7

Are' c'u ri chiwe ix ri i rikom c'axc'olil, cuya' na uxlanem chiwe junam kuc', aretak ri Ajaw Jesus cäpe ulok chicaj, cuc'ut rib chkawäch e rachilam ri u tako'nib aj caj ri c'o qui chuk'ab. Cäpe na pa u xak k'ak',

1 Tesalonicenses 1:10

Rech quiweyej ri u C'ojol, ri cäpe na chicaj, ri xc'astajisax rumal chquixo'l ri cäminakib. Are' ri Jesus, ri xujresaj chuwäch ri royowal ri Dios ri cäpe na paquiwi' ri winak.

Colosenses 3:4

Ri Crist are' ri i c'aslemal. Aretak cäpetic, c'äte ri' ri ix xukuje' quixc'oji' na ruc' pa juluwem.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

Ri Lucax 12:36

Ri ix c'ut chibana' iwe jas cäquiban ri pataninelab ri queyem ri cajaw, aretak cätzelej ulok pa ri c'ulanem. Jeri' aretak cäpe ri cajaw, cuc'orc'a ri uchi'ja, chanim cäquijak chuwäch.

Ri Matey 25:1

“Pa ri k'ij ri', ri rajawibal ri Dios cajunamataj na cuc' lajuj k'apojib ri quec'oji' pa jun c'ulanem. Xquic'am ri qui yabal k'ak', xebel bic che u c'ulaxic ri jiaxel.

Chapletajic 49:18

¡Oh, Ajawaxel, quinweyej chi quincol la!

2 Corintios 12:13

Chinicuyu' we nu banom ri man utz taj chiwe, xa' c'u jun jasach ri man ix junamatajinak ta wi cuc' ri niq'uiaj comon cojonelab chic: ¡chi ri in man xinux ta jun eka'n chiwe!

Romanos 8:23

Man xuwi ta c'u ri are' caquirik c'ax, xane' ri uj ri yo'm ri Uxlabaxel chke, ri nabe u wächinic ri nimalaj u sipanic ri Dios chke, xukuje' cujbik'bitic. Keye'm ri k'ij aretak cujoc che ralc'ual ri Dios, cätzokopitaj c'u na ri ka cuerp.

Gálatas 5:5

Are c'u ri uj, rumal ri Uxlabaxel xukuje' rumal ri cojonic, c'o ri keyebal c'u'x chi cujsuq'uiritaj na.