San Mateo 9:15 - Quechua South Bolivia: Dios Parlapawanchej

¹⁵ Jesusrí paycunaman cuticherka: —¿Casamientoman wajyaskacunaka phutiska uyasllachu cancuman casaracoj runa paycunawan cashajtin? Waj p'unchaycuna jamojtincurí paycunamanta casaracoj runa khechuska canka. Chaypacha yachacojcunay phutiywan mana miqhonkancuchu, —nispa.

Qheshwa Biblia DC

¹⁵ Jesustaj paykunaman nerqa: Atinkumanchu casamientoman wajyasqas llakisqas kayta, casarakoj runa paykunawan kashajtin? Uj p'unchay jamonqa, maypachachus casarakoj runa, paykunamanta qhechusqa kanqa, chaypachamá ayunanqanku.

DIOSPA QHELQACHISQAN DEUTEROCANONICAL

¹⁵ Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

DIOSPA QHELQACHISQ

¹⁵ Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

San Mateo 9:15 Referans Kwoze

Apocalipsis 19:9

Chanta niwarka: —Kelkay: May cusiskas cancu Corderoj casamiento miqhuyninta miqhunancupaj wajyaska cajcunaka, —nispa. Nillawarkataj: —Tucuy kelkaskayqueka Diospa cheka niskasninmin, —nispa.

San Juan 3:29

Nerkataj: —Casamientopijina casaracoj kharimin curajpaj khawaskaka casaracushaskanraycu. Amigonrí paywan cashaspa payta uyarispataj anchata cusicun. Ajinallataj nokapis may cusiska cani Jesús jatunchaska caskanraycu.

Apocalipsis 21:2

Ricorkanitaj Diospa mosoj santa llajtan Jerusalenta janaj pachamanta uraycamushajta. Novionpaj c'achachaska noviajina waquichiska carka.

Hechos 14:23

Cristopi hermanos tantacoj cancu, chaypi Pablo Bernabewan curajcunata churarkancu sapa uj tantacuypaj. Mana imata miqhuspa Diosmanta mañaporkancu. Señor Jesucristopi ñapis jap'icuskancu tucuy paycunata wakaychananpajtaj paymanta mañaporkancu.

1 Corintios 7:5

Khari warmi causayniyquichejpi ama “mana mana” ninacuychejchu. Astawanrí unanchanacuspa munawajchej, chaylla uj p'unchaycunapaj cachun Diosmanta mañacuypi ocupaskas canayquichejpaj. Chaymantaka ujtawan cuscachacapuychej. Ajinapi supay Satanás mana juchallichisonkachejchu munayniyquichej atipacushajtenka.

San Juan 16:6

Astawanpis chay imasta nisuskayquichejmanta maytaraj phuticushanquichej.

2 Corintios 11:27

Mayta sayc'unaycama llanc'aspa ashqha cutita puñuyta mana atinichu. Yarkhachicuni, ch'aquichicunipis. Ashqha cutita mana miqhuspa, chirichicuspa, mana p'achayoj taricuni.

San Mateo 9:14

Chanta Juanpa yachacojcunan Jesusman chimpaycorkancu. Taporkancutaj: —Nokaycu, fariseocunawan ayunaycu ajllaska p'unchaycunapi yachacuskaycumanjina. Kanpa yachacojcunayquirí ¿imaraycutaj mana ayunancuchu paycunajinata?

San Mateo 9:16

Cay quiquinchanawan mosoj yachachiyninmanta parlarka: —Ni pipis uj mosoj remiendota uj mauc'a p'achaman siraycunmanchu. Chayta ruwanman chayka, mosoj p'achamanta remiendoka k'entispa aswan jatunta lliq'irparinman mauc'a p'achataka.

Marcos 2:19

Jesustaj paycunaman cuticherka: —Casamientoman wajyaskacunaka casaracoj khari paycunawan cashanancama cusiywan miqhuncupuni.

Marcos 2:20

Khepan p'unchaycunapi casaracoj khareka paycunamanta khechuska canka. Chaypacha yachacojcunayka phutiywan mana miqhonkancuchu. —nerka Jesús.

San Lucas 5:34

Jesustaj paycunaman cuticherka: —Casamientoman wajyaskacunaka casaracoj khari paycunawan cashanancama cusiywan miqhuncupuni.

San Lucas 5:35

Khepa p'unchaycunapi casaracoj khareka paycunamanta khechuska canka. Chaypacha yachacojcunayka phutiywan mana miqhonkancuchu, —nerka Jesús.

San Lucas 17:22

Yachacojcunanmanri nerka: —Jamoj p'unchaycunapi noka, Diospa cachaska Runan, cutimuspa kancunawan canayta mayta munanquichej. Uj p'unchayllatapis ricuwayta munanquichej. Manaraj munaskayquichejka cankachu.