San Mateo 27:35 - Quechua South Bolivia: Dios Parlapawanchej

³⁵ Soldadostaj Jesusta chacatarkancu. Chanta suerteta chokarkancu yachanancupaj pipajchus Jesuspa p'achasnin cananta. Ajinapi unay willajpa niskanka Jesusmanta junt'acorka: “Suertesta chokaspa p'achasniyta partinacorkancu”.

Qheshwa Biblia DC

³⁵ Cruzpi chakataytawantaj, soldadosqa suerteta choqaspa, Jesuspa p'achasninta chayachinakorqanku, profetaj nisqanman jina: P'achasniyta chayachinakorqanku, paykuna ukhu suerteta choqaspa.

DIOSPA QHELQACHISQAN DEUTEROCANONICAL

³⁵ Jinapi Jesusta cruzman chakatarqanku. Chaymantataj soldadokuna suerteta choqaspa, Jesuspa p'achankunata rak'inakorqanku. Ajinamanta Diosmanta ñawpa sut'inchajpa nisqan junt'akorqa: P'achaykunata rak'inakorqanku suerteta choqaspa, nispa.

DIOSPA QHELQACHISQ

³⁵ Jinapi Jesusta cruzman chakatarqanku. Chaymantataj soldadokuna suerteta choqaspa, Jesuspa p'achankunata rak'inakorqanku. Ajinamanta Diosmanta ñawpa sut'inchajpa nisqan junt'akorqa: P'achaykunata rak'inakorqanku suerteta choqaspa, nispa.

San Mateo 27:35 Referans Kwoze

San Lucas 23:34

Jesustaj payta chacatashajtincu nisharka: —Tatáy, paycunata perdonay ruwashaskancuta mana yachaskancuraycu, —nispa. Soldadostaj paycunapura suerteta chokarkancu yachanancupaj pipajchus Jesuspa p'achasnin cananta.

Hechos 4:10

Chayraycu willaskayquichej tucuy kancunaman tucuy llajta-masisninchejmanpis yachanayquichejpaj pejpa atiyninwanchus ruwaskaycuta. Jesucristopi jap'icuspa paypa atiyninwantaj cay runata thañichiycu. Jesuska Nazaret llajtapi wiñacorka. Kancunataj payta chacataspa wañuchicherkanquichej. Paytataj Dioska causarichimorka wañuskamanta. Paypa atiyninwanmin cay runaka ñaupakeyquichejpi thañiska cashan.

San Juan 20:27

Tomastataj nerka: —Dedoyquita apamuy khawaytaj maquisniyta. Maquiyquita apamuy wajtayman churaycuy. Amañataj mana jap'icojka caychu. Manachayrí nokapi jap'icuy, —nispa.

San Juan 20:20

Chayta niskanmanta maquisninta wajtantawan paycunaman ricuchicorka. Chayraycu yachacojcunan Señornincuta ricuspa mayta cusicorkancu.

San Juan 20:25

Chayraycu chay waj yachacojcunaka payman nisharkancu: —Señorninchejta ricorkaycu, —nispa. Payrí nerka: —Sichus maquisninpi clavo jusc'usta mana ricuymanchu, nitaj dedoyta chay clavo jusc'usman churaycuymanchu, maquiytapis mana wajtanman churaycuymanchu chayka, ni jayc'aj creesajchu pay causashaskantaka, —nispa.

Hechos 2:23

Dioska munayninmanjina yachayninmanjinataj unaymantaña yuyarka Jesús wañunanta juchasninchejraycu. Ajinapimin kancuna payta jap'iycorkanquichej Diospa camachiskasninta mana casuspa. Sajra runasman jaywaspataj payta wañuchicherkanquichej chacatanapi.