San Mateo 2:13 - Quechua South Bolivia: Dios Parlapawanchej

¹³ Yachaysapa runas ripuskancuwantaj Dios uj willaj angelta cachamorka. Joseman moskoyninpi riqhurimuspataj nerka: —Jataricuy. Wawitata, Wawaj mamantawan pusaricuspa Egipto jallp'aman aykecuy. Jakaypi tiyacamuy noka willasunaycama. Herodeska masc'aj rishan Wawitata wañuchinanpaj, —nispa.

Qheshwa Biblia DC

¹³ Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

DIOSPA QHELQACHISQAN DEUTEROCANONICAL

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

DIOSPA QHELQACHISQ

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

San Mateo 2:13 Referans Kwoze

Hechos 12:11

Pedrotaj yuyayninman churacuspa nerka: —Cunan chekamanta yachani Señor Dios angelta cachamuskanta Herodespa maquinmanta khechunawanpaj. Israelcuna ñac'arichiwayta tucuy munaskancumantapis jarc'awarka, —nispa.

Hechos 10:7

Angel paymanta ripojtin Cornelioka wajyarka iscay camachisninta, uj soldadontawan. Chay soldadoka Corneliojina Diosta casojllataj carka yanapajcunanmanta paypa atinicuskantaj.

Hechos 5:19

Tucuy atiyniyoj Señormanta uj cachamuska angelrí tutapi carcel puncuta quicharka. Jesuspa cachasninta carcelmanta pusarkospataj nerka:

San Mateo 2:12

Chaymantataj moskoynincupi Dios paycunata willarka Herodespaman ama cutinancuta. Chayraycu paycunaka jallp'ancuman waj ñanta cutiporkancu.

San Mateo 1:20

Chay imasmanta mayta yuyashajtintaj, khaway, Señor Dios uj angelta cachamorka. Moskoyninpi Joseman riqhurispa nerka: —José, camachej Davidpa ayllunmanta canqui. Amaña manchachicuychu parlapayaskayqui Mariata jap'icapuyta. Cay wijsallicuskanka Santo Espiritumantamin cashan.

San Mateo 2:16

Herodeska chay yachaysapacuna anchata asipayaycuskancuta reparaspa mayta phiñacorka. Runasnintataj camacherka tucuy khari wawasta iscay watayojcama wañuchimunancuta. Paycunataj wawacunata wañucherkancu Belén llajtapi tucuy chaynejpipis. Jesuspa ch'ascan riqhurimuskan p'unchaycunata yachaysapacunamanta yachaspa chayta ruwarka.

Apocalipsis 12:14

Chay warmimanrí ancaj iscay jatuchej lijrasnin koska carka aykecunanpaj. Paypaj waquichiska carka, chay ch'in pampaman phawarka dragonmanta pacaska cananpaj. Quinsa wata cuscanniyojta chaypi miqhuchiska, wakaychaska canan carka.

Hechos 16:36

Ajinataj carcelta khawaj runaka chay niskancuta Pabloman willarka: —Camachejcuna camachimuncu cachariska canayquichejta. Chayraycu cunanka allillanta ripuychej, —nispa.

Hechos 10:22

Paycunataj cuticherkancu: —Soldadosta camachej Cornelio cachamuwaycu. Payka chekan runamin Diostapis casunpuni. Tucuy Israel llajta-masisniyqui payta c'acha runapaj khawancu. Diosmanta cachamuska uj angel payman sut'inchaspa nerka wasinman wajyasunanta. Pay tucuy ninayquita uyarisuyta munan, —nispa.

Hechos 7:19

Chay camachejtaj ayllusninchejta pantachinaswan atiparka. Ajinapi ñac'aricherka tatasta juch'uy wawitasnincutapis wijch'ucherka manaña causanancupaj.

San Mateo 10:23

Uj llajtapi nac'arichisojtiyquichejka waj llajtaman aykecuychej. Noka, Diospa cachaska Runan, niyquichej chekatapuni manaraj tucuy Israel llajtasta rishajtiyquichej cutimunayta.

Apocalipsis 12:6

Warmitaj ch'innejman Diospa waquichipuskan lugarman aykecorka. Chaypi waranka iscay pachaj sojta chuncayoj p'unchaycunata miqhuchiska, wakaychaskataj carka.

Apocalipsis 12:4

Chupantaj janaj pacha ch'ascasmanta quinsa caj parteta pichaycorka. Cay pachamantaj chokaramorka. Dragonka onkocunayashaj warmej ñaupakenpi sayaycucorka. Warmej wawanta nacecojtincama miqhuycunanpaj suyasharka.

San Mateo 2:22

Arquelao tatan Herodespa cuentanpi Judea jallp'ata camachisharka. Chayta uyarispa Joseka manchachicorka chayman tiyacoj riyta. Moskoyninpi Dios payman willaskanraycutaj Galilea jallp'aman riporka.

San Mateo 2:14

Chay quiquinpachataj José tutapi rijch'arispa jatarerka. Wawitata mamantawan pusariycucuspa Egipto jallp'aman riporka.

Hechos 12:7

Ajinallaman Dios cachamorka uj willaj angelta. Sumaj c'anchaytaj riqhurerka carcelpi. Chay angeltaj Pedrota maquinwan thalaspa rijch'aricherka. Nerkataj: —¡Jataricuy uskhayta! —nispa. Chayllaman cadenasnin phascaracaporkancu Pedroj maquisninmanta.