San Mateo 13:57 - Quechua South Bolivia: Dios Parlapawanchej

⁵⁷ Paycunataj phiñacuspa Jesusta mana jap'icorkancuchu. Jesusrí paycunaman nerka: —Diosmanta uj willajka sumajpaj khawaskapuni cashan waj llajtaspeka. Llajtanpi, wasinpiwan cajcunalla paytaka manamin sumajpajchu khawancu, —nispa.

Qheshwa Biblia DC

⁵⁷ Chayrayku paykunaqa t'ukorqanku. Jesustaj paykunaman nerqa: Mayllapipis profetaqa allimpaj qhawasqa; llajtallampi, wasillampi payqa qhesachasqa.

DIOSPA QHELQACHISQAN DEUTEROCANONICAL

⁵⁷ Chayrayku chay llajtayojkunaqa Jesusta pisipaj qhawarqanku. Jesustajrí paykunata nerqa: Mayllapipis Diosmanta sut'inchajtaqa allinpaj qhawanku. Chaywanpis llajtanpi, wasinpi imalla payta qhesachanku, nispa.

DIOSPA QHELQACHISQ

⁵⁷ Chayrayku chay llajtayojkunaqa Jesusta pisipaj qhawarqanku. Jesustajrí paykunata nerqa: Mayllapipis Diosmanta sut'inchajtaqa allinpaj qhawanku. Chaywanpis llajtanpi, wasinpi imalla payta qhesachanku, nispa.

San Mateo 13:57 Referans Kwoze

San Juan 4:44

Quiquin Jesusri cayta nerka: “Uj willajka pisipaj khawaskamin paypa quiquin llajtanpeka”, nispa.

San Mateo 11:6

¡May cusiska mana p'enkacuspa nokapi jap'icojka!

San Lucas 4:24

‘Nokarí niyquichej chekamanta: Willajnincuta quiquin llajta-masisnin mana nincuchu: “Walejta jamunqui”, nispaka.

San Juan 6:61

Khaticojcunaj thutuskancuta Jesús sonkonpi reparaspa paycunaman nerka: —¿Cay niskaychu kancunata sinch'ita urmachisunquichej?

San Juan 6:42

Nisharkancutaj: —¿Cayka manachu Joséj wawan Jesús? Nokanchej rejsinchej tatanta mamantapis. ¿Imaynatataj cunan nin, Diosmanta uraycamuskanta?

San Lucas 7:23

Cusicuyniyojmin mana p'enkacuspa nokapi jap'icojka, —nispa.

Marcos 6:14

Jesuspa sutin may allin rejsiska carka. Chayraycu camachej Herodeska paypa ruwaskasninmanta uyarerka. Runas nisharkancu: —Chay Jesuska bautizaj Juanmin, wañuymanta causarimpun. Chayraycu chay t'ucuna ruwanaswan Diospa atiyninta ricuchishan, —nispa.

Marcos 6:3

¿Manachu payka Maríaj wawan chay carpintero? Waukesnin Jacobo, José, Judas, Simonwan cancu. Panasninpis caypi tiyacuncu, —nispa. Phiñacuspataj payta mana jap'icorkancuchu.

San Mateo 13:58

Chaypitaj Jesuska pisi t'ucuna ruwanasllata ruwarka paypi mana jap'icuskancuraycu.

Marcos 6:1

Jesustaj chaymanta llojsispa Nazaret llajtanman rerka. Yachacojcunanpis paywan rerkancu.

Marcos 6:4

Jesusrí paycunaman nisharka: —Diosmanta willajka tucuynejpi sumajpaj khawaskapuni. Astawanrí quiquin llajtallanpi, ayllusnin uqhupi, wasinpiwanka manamin, —nispa.