San Mateo 12:25 - Quechua South Bolivia: Dios Parlapawanchej

²⁵ Jesusrí yuyashaskancuta yachaspa paycunaman nerka: —Jatun llajtapi tiyacojcuna paycunapura makanaycucojtincoka tucuchiska canka chay llajtaka. Sapa llajta chayrí wasipis paycunapurallataj makanacojtenka chincaponka.

Qheshwa Biblia DC

²⁵ Jesustaj imatachus yuyasqankuta yachaspa, nerqa: Mayqen reinollapis t'aqanaku kajtenqa chinkapun. Jinallatataj uj llajtapi, chayrí familiapipis t'aqanaku kanman chayqa, chinkapullantaj.

DIOSPA QHELQACHISQAN DEUTEROCANONICAL

²⁵ Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

DIOSPA QHELQACHISQ

²⁵ Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Mateo 12:25 Referans Kwoze

Gálatas 5:15

Wajjinamantarí q'ita animalcunajina qhaninacuwajchej miqhunacuwajchej chayka, pajtataj tucuchinacuwajchej Cristowan ujchaska causayniyquichejta.

1 Corintios 2:11

Mana pipis yachanchu uj runaj sonkonpi yuyaskantaka, manachayrí paypi caj espiritullan yachan. Ajinallataj Diospa yuyaskanta ni pi yachanchu, manachayrí Espiritullan yachan.

San Mateo 9:4

Jesustaj yuyaskancuta yachaspa nerka: —¿Imaraycutaj chayjina sajrata sonkoyquichejpi yuyashanquichejrí?

Apocalipsis 16:19

Chaywan jatun llajta Babiloniaka quinsaman partiska carka. Nacioncunaj llajtasnincupis urmararkancu. Ajinapi Dioska jatun llajta Babiloniaj juchasninmanta yuyaricuspa manchay c'ajaj phiñacuyninwan juchacharka.

Hebreos 4:13

Diospa khawayninmantaka ni imapis pacaskachu. Astawanpis tucuy yuyayka sut'i, k'ala, quichariskajinatajmin paypa khawayninpajka. Nokanchejpis paypa ñaupakenpi cuentata konanchej tiyan.

Marcos 2:8

Jesuska sonkonpi paycunaj tanteyacuskancuta yachaspa nerka: —Amaña sonkoyquichejpi ajinata tanteyacuychejchu.

Apocalipsis 2:23

Chay warmej yachachiyninta casojcunata wañuywan tucuchisaj. Ajinapi tucuy ajllacuskasniyka yachankancu, runaj pacaska yuyayninta sonkontapis sut'ita noka khawaj caskayta. Yachankancutaj sapa ujniyquichejman ruwaskayquichejmanjina kosunayquichejta.

San Juan 21:17

Quinsa caj cutita taporka: —Jonaspa wawan Simonníy ¿munacuwanquichu? Pedrori quinsa cutita, “¿Munacuwanquichu?” tapuskanraycu phuticorka. Nerkataj: —Señorníy, tucuy imata yachanqui. Kan yachanquiña munacususkayta, —nispa. Jesustaj nerka: —Munaska runasniyta yachachiy.