Marcos 9:42 - Quechua South Bolivia: Dios Parlapawanchej

⁴² Nillarkataj: —Cay juch'uycitus nokapi jap'icojcunamanta ujninta, pillapis juchaman urmachinman chayka ¡ay phutiy, ari, chay runapajka! Paypajka aswan allin canman wañupunan. Allin canman paypaj jatun molino rumita cuncanman warqhuycuspa, runas jatun kochaman payta wijch'uycunancu.

Qheshwa Biblia DC

⁴² Jesús nillarqataj: Pillapis noqapi creej wawasta juchaman urmachinman chayqa; allin kanman, chay urmachej runaj kunkanman molino rumita warkhuykuspa qochaman wijch'uykunaqa.

DIOSPA QHELQACHISQAN DEUTEROCANONICAL

⁴² Jesús nillarqataj: Sichus pipis noqapi atinikoj wawakunamanta ujllatapis juchallichinman chayqa, pay sinch'i jasut'isqa kanqa. Chay juchallichejpajqa aswan allin kanman molino rumita kunkanman wataykuspa, mama qochaman choqaykunankoqa.

DIOSPA QHELQACHISQ

⁴² Jesús nillarqataj: Sichus pipis noqapi atinikoj wawakunamanta ujllatapis juchallichinman chayqa, pay sinch'i jasut'isqa kanqa. Chay juchallichejpajqa aswan allin kanman molino rumita kunkanman wataykuspa, mama qochaman choqaykunankoqa.

Marcos 9:42 Referans Kwoze

San Mateo 18:6

‘Pichari nokapi jap'icojcunamanta pisipaj khawaska cajcunata juchaman urmachinman chayka ¡ay phutiy, ari, chay runapajka! Paypajka aswan allin canman wañupunan uj jatun molino rumiwan cuncanpi warqhuycuska. Chaymantataj runas jatun kochapi may uqhuman chincaycuchiska canan.

San Mateo 18:10

‘Khawacushaychejpuni wawajina llamp'u sonkoyoj Diospi jap'icojcunata ama pisipaj khawanayquichejta. Chekamanta janaj pachapi Dios Tatayka tucuy [paycunata wakaychashanpuni.]

2 Corintios 6:3

Allinta khawacuycu ama pitapis misc'achinaycupaj llanc'ayniycuta runas ama khawaranancupaj.

Romanos 16:17

Hermanosníy, sumaj yachachinata jap'erkanquichej mosoj causaypi wiñanayquichejpaj. Ajinaka yuyaychayquichej: Khawacuychej hermanosta t'akarachejcunamanta. Sumaj yachachinata jap'erkanquichejña. Chaymanta urmachejcunata khawacuspa paycunamanta carunchacuychej.

Romanos 14:13

Chayraycu amaña nokanchejpura khawaranacunachu. Astawanrí caymanta allinta khawacuychej: Ama pipis urmachina imawan hermanonta juchallichichunchu.

2 Pedro 2:2

Kancunamanta ashqhas paycunaj millay causaynincuta khatenkancu. Millay causaynincuraycutaj cheka willanaspajpis runas sajrata rimankancu.

Hechos 9:4

Paytaj pampaman chokacamorka. Payta parlapayajtataj uyarerka: —Saulo, Saulo ¿imaraycutaj nokata ñac'arichinawayquipaj khatiycachawanquirí?

1 Timoteo 5:14

Chayraycu munani sipas viudas casaracunancuta, wawasta uywanancuta, wasincupi camachinancutataj. Ajinata ruwachuncu churancojcunaka ama khawaranancupaj.

Filipenses 1:10

Ajinata mosoj causayniyquichejpi ajllanquichej aswan allin cajtapuni. Cristoj cutimunan p'unchaypajtaj llimphu sonkoyoj mana juchayojpis canquichej.

Romanos 15:21

Astawanka Diospa palabranmanjina ruwayta munani. Nin: Mana willaska cajcuna payta rejsenkancu. Mana uyarejcunataj paymanta entiendenkancu, nispa.

San Mateo 17:27

Astawanpis kolke jap'ejcunata ama phiñachinanchejpaj kolketa kosunchej. Kochaman challwata jap'ej riy. Anzuelota yacuman chokaycuy. Ñaupaj caj challwata jap'ispataj yacumanta orkhoy. Chay challwaj siminta quicharispa kolketa tarinqui. Chay kolketa apaspa nokamantawan kanmantawan kolke jap'ejcunaman komuy, —nispa nerka Jesús.