Marcos 16:15 - Quechua South Bolivia: Dios Parlapawanchej

¹⁵ Jesuska paycunaman nerka: —Tucuy cay pachantinman riychej. Sumaj willanasta tucuy runasman willaramuychej.

Qheshwa Biblia DC

¹⁵ Jesustaj nerqa: Riychej tukuy mundoman, evangeliota willamuychej tukuy runasman.

DIOSPA QHELQACHISQAN DEUTEROCANONICAL

¹⁵ Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

DIOSPA QHELQACHISQ

¹⁵ Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

Marcos 16:15 Referans Kwoze

San Mateo 28:19

Chayraycu kancunaka riychej tucuy runasman. Paycunata yachachimuychej yachacojcunay canancupaj. Diospata caskancuta ricuchispa bautizaychej Dios Tataj sutinpi, nokaj, Dios Wawaj sutiypi, Santo Espíritoj sutinpiwan.

Marcos 13:10

Manaraj tucucuytari sumaj willanaska willaraskaraj canan tiyan tucuy runasman.

Hechos 1:8

Kancunapi Santo Espíritu tiyacojtinrí atiyninta jap'inquichej nokamanta willajcuna canayquichejpaj. Ajinapi willanayquichej tiyan Jerusalén llajtapi, tucuy Judea jallp'api, Samaria jallp'api, cay jallp'aj tucucuynincamapis.

1 Juan 4:14

Chaywanpis nokaycu Cristoj cachasnin payta ricorkaycu. Willaycutaj Dios Tataka paypa Wawanta cachamuskanta tucuy runaspaj juchamanta Cacharichej cananpaj.

San Juan 15:16

Mana kancunachu nokata ajllacuwarkanquichej. Manachayrí noka kancunata ajllacorkayquichej [runasman willajtataj cacharkayquichej. Willaskayquichejwan runas nokapi jap'icojtincu cusiskas canquichej. Cusiyniyquichejtaj wiñaypaj canka.] Ajinapitaj nokawan ujchaska caspa imatachus Dios Tatamanta mañacunquichej, chayta kosonkachej.

San Juan 20:21

Ujtawantaj paycunaman nerka: —Kancunapaj c'acha causay cachun. Dios Tatay nokata cachamuwarka, ajinallatataj nokapis kancunata cachayquichej, —nispa.

Colosenses 1:23

Astawanrí Diospi jap'icuspa mana cuyoj sinch'ita sayacunayquichej tiyan. Sumaj willanaspi confiacuspapunitaj mana cuyucunayquichejchu tiyan. Chay uyariskayquichej sumaj willanasmin tucuy cay pachantinpi willaraska cashan. Chayta willaranaypajtaj Dioska noka Pablota camachinpaj churawarka.

Romanos 16:26

Cunantaj munayninmanjina yuyaskanta tucuy waj llajtayojcunaman sut'inchashan paypi jap'icuspa casunancupaj. Chaytamin sut'inchajcunanpis kelkarkancu wiñay causaj Diospa yuyaskanta sut'inchaspa.

Romanos 10:18

Chanta ¿manachu uyarincuman carka? ¡Uyarerkancupuni! Dios palabranpipis nin: Tucuy cay pachapi willanasta uyarerkancu. Maycunapichus runa tiyacun chaycama niskasnincu chayarka.

Apocalipsis 14:6

Ricorkanitaj uj angelta patapi phawashajta. Wiñay wiñaypaj sumaj willanasta willamoj phawasharka cay pachapi tiyacojcunaman, tucuy jallp'asman, tucuy ayllusman, tucuy laya parlayniyojcunaman, tucuy llajtasmanpis.

Colosenses 1:6

Imaynatachus chay sumaj willanas tucuy mundontinman chayashan wiñashantaj, ajinallataj kancunawan cashan. Diospa c'acha yanapayninmanta uyarispa cheka caskanta repararkanquichej. Chay p'unchaymantapachataj wiñashanquichej Cristopi jap'icuspa.

Efesios 2:17

Allinyachej willanaswantaj jamorka kancuna carupi cajcunamanpis nokaycu kayllapi cajcunamanpis.