San Lucas 20:14 - Quechua South Bolivia: Dios Parlapawanchej

¹⁴ Llanc'aj runasrí camachejpa wawanta ricuspa paycunapura tanteyanacusharkancu: “Cay wawanman cay jallp'a koska canka. Wañuchinachej chayaken nokanchejpata cananpaj”, nispa.

Qheshwa Biblia DC

¹⁴ Chaywampis llank'ajkunaqa, paykuna yachachinakuspa nerqanku: Kayqa chayaqeta jap'ej runa; wañuchinachej ari, noqanchejpajtaj chayaqe qhepakunampaj, nispa.

DIOSPA QHELQACHISQAN DEUTEROCANONICAL

¹⁴ Chaywanpis llank'ajkunaqa ninakusqanku: Kay runaqa huertata chayaqeta jina jap'enqa. Chayrayku payta wañurparichinachej, uva huertataj noqanchejpaj kanqa, nispa.

DIOSPA QHELQACHISQ

¹⁴ Chaywanpis llank'ajkunaqa ninakusqanku: Kay runaqa huertata chayaqeta jina jap'enqa. Chayrayku payta wañurparichinachej, uva huertataj noqanchejpaj kanqa, nispa.

San Lucas 20:14 Referans Kwoze

Romanos 8:17

Wawasnin caspataj Diospa wiñay causay koskanta jap'ejcuna canchej. Cristowan cuscataj jap'isunchej sichus paywan cusca cay pachapi muchunchej chayka. Ajinamanta wiñaypaj paywan cusca jatunchaska casunchej.

Hebreos 1:2

Cunan cay khepa p'unchaycunapirí Dios nokanchejman niskanta willawarkanchej Wawan Cristonejta. Paytataj wiñaypaj churarka tucuy ima paypata cananpaj. Yuyaskanmanjinataj Dioska paynejta tucuy pachacuna cajta ruwarka.

Hechos 3:15

Ajinamanta wañuchicherkanquichej wiñay causayta koj Jesusta. Payta Dios causarichimorka wañuymanta. Nokaycutaj Jesusta causarimuskanmanta khepata ricuspa willaycu payka chekata causarimuskanta.

Hechos 2:23

Dioska munayninmanjina yachayninmanjinataj unaymantaña yuyarka Jesús wañunanta juchasninchejraycu. Ajinapimin kancuna payta jap'iycorkanquichej Diospa camachiskasninta mana casuspa. Sajra runasman jaywaspataj payta wañuchicherkanquichej chacatanapi.

San Lucas 22:2

Chay p'unchaycunapi yupaychana-wasimanta curajcuna israel yachachejcunapiwan Jesusta wañuchiyta mayta munasharkancu. Runasta manchachicuskancuraycutaj imaynapichus wañuchiyta mana yacharkancuchu.

San Lucas 20:19

Israel yachachejcunawan yupaychana-wasimanta curajcunawanka repararkancu Jesús chay quiquinchanata paycunamanta parlaskanta. Chayraycu payta jap'iycuchiyta churacorkancu.

San Lucas 20:5

Paycunapura tanteyacuspa ninacusharkancu: —Sichus nisunman Dios payta cachamuskanta chayka, Jesús tapuwasun: “¿Imaraycutaj paypa niskanta mana creerkanquichejchu?”

San Lucas 19:47

Jesús yupaychana-wasej pationpi sapa p'unchay runasta yachachisharka. Chay wasimanta curajcunarí israel yachachejcunawan curajcunapiwan imaynallapipis Jesusta wañuchiyta munarkancu.

San Mateo 21:25

¿Pitaj Juanta cachamorka runasta bautizananpaj? ¿Dioschu chayrí runaschu? Paycunapura unanchaspa ninacusharkancu: —Dios payta cachamuskanta nisunchej chayka, payka tapuwasunchej: “¿Imaraycutaj payta mana creerkanquichejchu?”

San Mateo 16:7

Yachacojcunataj paycuna uqhullapi tapunacusharkancu mana t'antata apacamuskancuraycu chayta parlaskanta.

San Mateo 21:34

Uva pallana tiempo kayllamushajtintaj camachisninta llanc'ajcunaman cacharka uvasta jap'inancupaj.

San Lucas 20:13

‘Chayraycu jallp'ayoj señorka nerka: “¿Imanasajtaj? Munaska wawayta cachasaj. Camachisniyta khesacharkancu. Ichapis paytaka jatunpaj khawankancu”, nispa.

San Lucas 20:15

Jallp'amanta kharkospataj payta wañucherkancu. ‘Chanta ¿imanankataj uva jallp'ayoj señorka chay llanc'aj runastarí?