San Juan 16:20 - Quechua South Bolivia: Dios Parlapawanchej

²⁰ Chekatapuni niyquichej: Kancunaka phutiywan wakanquichej. Cay pacha runasrí cusiconkancu. Astawanpis kancunapajka chay phutiyniyquichej cusiyman tuconka.

Qheshwa Biblia DC

²⁰ Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

DIOSPA QHELQACHISQAN DEUTEROCANONICAL

²⁰ Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

DIOSPA QHELQACHISQ

²⁰ Kayta sut'ita niykichej: Waqankichej, llakikunkichejtaj, chaykamataj Diosman mana kutirikojkuna kusikonqanku. Chaywanpis qankuna llakisqapis kashaychej, aswan qhepanejman llakiyniykichejqa kusikuyman tukonqa.

San Juan 16:20 Referans Kwoze

Santiago 1:2

Hermanosníy, mayta cusicunayquichej tucuy imaymana juchaman urmachej cajcuna jamusojtiyquichejka.

San Mateo 5:4

‘May cusiskas cancu jucharaycu llaquicojcunaka. Diosmin paycunataka sonkoncupi callpachaspa yanapanka.

2 Corintios 6:10

phutiskas, chaywanpis cusiskaspunipis caskaycuta. Wajcha runas caspapis ashqhasta khapajyachispa, mana imayoj caspapis tucuy ima capuyniyoj Cristowan ujchaska caycu.

Marcos 16:10

Payka Jesuspa yachacojcunanman willamoj rispa paycunata llaquiskas wakashajta tariparka.

Judas 1:24

Diosmin atiyniyojka juchamanta kancunata wakaychananpajka. May cusiywantaj paypa lliphipej ñaupakenman ni imamanta c'aminata pusasonkachej.

San Lucas 24:21

Nokaycurí yuyasharkaycu pay israel runasta cacharinanta. Chaywanpis cunanwan Jesusta chacatachiskancoka quinsa p'unchayña cashan.

Gálatas 5:22

Espiritunejta Dios wajjina pokoyta pokochin runasninpi: Munacuy, cusicuy, allinta tiyacuy, mana cutichispa muchuy, qhuyacuyniyoj cay, c'acha cay, niskanta junt'aj cay,

Romanos 5:11

Mana chayllachu astawanraj Diospipis mayta cusicushanchej Señorninchej Jesucristonejta, cunan Diosman wiñaypaj allinyachiskas caskanchejraycu.

San Lucas 24:17

Jesustaj paycunata taporka: —Ñanta purispa ¿imamantataj sinch'ita parlanacushanquichej? Paycunari sayarkancu ancha llaquiska uyaslla.

San Lucas 23:27

Ashqha runas khatisharkancu. Warmispis may phutiywan Jesusmanta wakaspa risharkancu.

Apocalipsis 18:7

Jatunchacuskanmanjina, mana frenoyoj munayninta sajsachiskanmanjinapis payka ñac'arichiska phutichiskataj cachun. Payka sonkonpi nicun: “Camachinaypaj tiyaska cashani. Mana viudachu cani, nitaj jayc'ajpis phuticusajchu”, nispa.

Apocalipsis 11:10

Ajinata khawaspa cay pachapi tiyacoj runaska paycunaj wañuskancumanta cusiskas cankancu. Cusiracuspataj regalosta apachinaconkancu. Chay iscay willajcunaka cay pacha runasta ñaupajpi ñac'aricherkancu. Chayraycu wañuskancumanta runaska cusiconkancu.

Hechos 5:41

Ajinamanta chay cachacunaka jatun tantacuymanta llojsiporkancu. Cusiskastaj riporkancu Jesuspa munayninta ruwaskancupi muchuyta atiskancuraycu.

San Juan 16:33

Chay imasta nerkayquichej nokanejta Diosman allinyachiskas caspa allillanta causanayquichejpaj. Cay pachapi llaquichiskas canquichej. Nokarí cay pachata atiparkaniña. Chayraycu sonkoyquichejpi callpachacuychej, —nerka Jesús.

San Juan 16:6

Astawanpis chay imasta nisuskayquichejmanta maytaraj phuticushanquichej.

San Lucas 22:62

Pedrotaj llojsispa sonko nanajta wakarka.

San Lucas 22:45

Jesús Diosmanta mañacuskanmanta jatarispa yachacojcunanman cuterka. Paycunata phutiywan puñuskasta tariparka.

San Lucas 6:21

‘Cusiskas canquichej, cunan yarkhachicojcuna. Khepata sajsachiskas canquichej. ‘Cusiskas canquichej, cunan phutiywan wakashajcuna. Khepata cusiywan asicunquichej.

Marcos 14:72

Chay quiquinpachataj iscay caj cutita galloka wakarka. Pedrotaj chayta uyarispa Jesuspa cay niskanta yuyaricorka: “Manaraj gallo iscay cutita wakashajtin, kanka quinsa cutitaña ninqui, nokata mana rejsiwaskayquita”, nispa. Uyariskantawantaj sinch'ita wakarka.

1 Tesalonicenses 1:6

Kancunataj ruwarkanquichej quiquinta ruwaskaycumanjina Señor Jesucristomanjinataj. Willanasninta cusiywan jap'icorkanquichej llaquichiskas cashaspapis. Chay cusiyta Santo Espiritumanta jap'erkanquichej.

San Juan 20:20

Chayta niskanmanta maquisninta wajtantawan paycunaman ricuchicorka. Chayraycu yachacojcunan Señornincuta ricuspa mayta cusicorkancu.

San Mateo 21:38

Llanc'ajcunari wawanta ricuytawan paycuna uqhu ninacorkancu: “Cay wawan jallp'ataka tatanmanta jap'enka. Chayraycu chay jap'inan jallp'ata jap'irparisun nokanchejpata cananpaj. Jamuychej payta wañuchinachej”, nispa.