Hechos 8:12 - Quechua South Bolivia: Dios Parlapawanchej

¹² Astawanpis Felipe willararka sumaj willanasta Dios runasta munacuywan camachiskanta. Jesucristo Diospa ajllaskan camachinanpaj caskantawan Felipe willararka. Warmispis kharispis chay willaraskanta creespataj bautizacorkancu.

Qheshwa Biblia DC

¹² Maypachachus Diospa reinonmanta evangeliota Felipej willasqanta uyarispa creerqanku, Jesucristoj sutinmantawan; bautizakorqankutaj qharis, warmis ima.

DIOSPA QHELQACHISQAN DEUTEROCANONICAL

¹² Chantá Dios kamachinanmanta sumaj willayta, jinallataj Jesucristo Diospa kachamusqan kasqanmanta ima Felipe willajtin, qharikunamanta, warmikunamanta ashkha nisqanta jap'ikorqanku, bautizachikorqankutaj.

DIOSPA QHELQACHISQ

¹² Chantá Dios kamachinanmanta sumaj willayta, jinallataj Jesucristo Diospa kachamusqan kasqanmanta ima Felipe willajtin, qharikunamanta, warmikunamanta ashkha nisqanta jap'ikorqanku, bautizachikorqankutaj.

Hechos 8:12 Referans Kwoze

Hechos 2:38

Pedrotaj paycunaman cuticherka: —Sapa ujniyquichej juchasniyquichejta sakespa Diosman cutiricuychej. Bautizacuychejtaj Señor Jesucristopi jap'icuskayquichejta ricuchinayquichejpaj. Ajinapi Dioska juchasniyquichejta khechusonkachej. Kancunamantaj Dios c'acha caskanraycu cachamusonkachej Santo Espirituta sonkoyquichejpi tiyacunanpaj.

San Mateo 28:19

Chayraycu kancunaka riychej tucuy runasman. Paycunata yachachimuychej yachacojcunay canancupaj. Diospata caskancuta ricuchispa bautizaychej Dios Tataj sutinpi, nokaj, Dios Wawaj sutiypi, Santo Espíritoj sutinpiwan.

1 Pedro 3:21

Chay yacoka bautismoyquichejman rijch'acun. Cunanri Jesucristoj causarimuyninnejta bautismopi juchamanta cacharichisunquichej. Bautismoka mana jawa ch'ichillatachu pichan. Manachayrí chaynejta Diospi jap'icuskata llimphu sonko-yuyayniyquichejta ricuchin.

Hechos 2:41

Ajinataj uyarejcunamanta waquenka Pedroj niskanta casorkancu. Chaymantataj paycunaka Jesucristopi jap'icuskancuta ricucherkancu bautizacuspa. Chay p'unchaypitaj yapacorkancu quinsa warankajina Jesuspi jap'icojcuna.

Gálatas 3:28

Diospajka tucuy runas uj rejlla cancu. Israelcunapis, waj llajtayojcunapis, camachispis, mana camachispis, kharispis, warmispis cachuncu. Chayraycu tucuy kancuna ujlla canquichej Jesucristowan ujchaska.

Romanos 10:10

Runaka Diospi sonkonwan jap'icun chekanchaska cananpaj; Jesuska Señornin caskantataj siminwan willacun juchamanta cachariska cananpaj.

1 Corintios 11:11

Mosoj causayniyquichejpirí warmipis kharipis quiquinta ruwancu cusca Señorpaj.

Hechos 28:31

Ajinataj payka sumaj willanasta Diosmanta willaraj. Mana manchachicuspa yachachisharka Señor Jesucristomanta. Manataj pipis jarc'arkachu.

Hechos 20:25

‘Ajinapi purerkani willaraspa tucuy kancunaman Dios camachishaskanta payta tucuy munacojcunata. Cunanka yachani manaña uyayta ricunawayquichejta.

Hechos 20:21

Israelcunamanpis waj runasmanpis sut'ita willarkani. Ajinata sinch'ita nerkani paycuna juchancuta sakespa Diosman cutiricunancuta, Señorninchej Jesucristopi jap'icunancutapis.

Hechos 18:8

Tantacuna-wasimanta curaj runa Crispopis Señor Jesuspi jap'icorka, tucuy wasinpi tiyacojcunapis. Corinto llajtayoj runaspis sumaj willanasta uyarispa ashqhas Jesucristopi jap'icorkancu. Jesucristojllata caskancuta ricuchinancupajtaj bautizacorkancu.

Hechos 11:20

Chaywanpis Cristopi waquin hermanos Chipremanta Cirenemantawan rerkancu Antioquía llajtaman. Rispa jakay waj llajtayoj runasmanpis sumaj willanasta willararkancu. Nerkancutaj Jesús tucuy atiyniyoj Señor caskanta.

Hechos 5:14

Ashqha runasraj Señor Jesuspi jap'icorkancu kharismanta warmismantapis.

San Lucas 9:60

Jesustaj cutichispa nerka: —Wañuskacuna wañuskasnincuta p'ampamuchuncu. Kanrí, riy, Dios camachin, chaymanta willarallaypuni, —nispa.

San Lucas 9:2

Paycunata cacharka Dios camachin, chaymanta willaranancupaj, onkoska runasta thañichinancupajtaj.

Hechos 8:4

Chay ch'ekerachiskas cajcunataj sumaj willanasta willarasharkancu tucuy riskancupi.

Hechos 19:5

Chay jap'icojcunaka uyariytawan bautizacorkancu Señor Jesús tucuy atiyniyoj caskanta jap'icuspa.