Hechos 22:25 - Quechua South Bolivia: Dios Parlapawanchej

²⁵ Payta jasut'inancupaj wataycojtinña Pabloka chaypi caj camachejta nerka: —¿Manaraj juchachaspa uj romano runata aticullanchu jasut'inayquichejka?

Qheshwa Biblia DC

²⁵ Jasut'inankupaj watasqaña kashajtin, chay qayllapi sayashaj capitanman Pablo nerqa: Atikullanchu jasut'ichiy Roma llajtayojta manaraj allinta tapushaspa?

DIOSPA QHELQACHISQAN DEUTEROCANONICAL

²⁵ Soldadokuna jasut'inankupaj Pablota watashajtinku, pay qayllapi sayashaj ujnin capitanta nerqa: Roma llajtayoj runata jasut'ichiy atikullanchu, juiciopi manaraj juchachasqa kashajtin? nispa.

DIOSPA QHELQACHISQ

²⁵ Soldadokuna jasut'inankupaj Pablota watashajtinku, pay qayllapi sayashaj ujnin capitanta nerqa: Roma llajtayoj runata jasut'ichiy atikullanchu, juiciopi manaraj juchachasqa kashajtin? nispa.

Hechos 22:25 Referans Kwoze

Hechos 16:37

Pablorí paycunata nerka: —Roma llajtayoj runas cashajtiycu tucuy runas ricushajtincu jasut'ichiwarkaycu. Chaywanpis ajinata ruwawarkaycu mana juchachaskasllata. Ajinaspataj carcelman wijch'uycuwarkaycu. Cunanrí ¿pacayllamantachu cacharipuyta munawaskaycu? Mana ajinachu canka. Manachayrí paycuna quiquincu jamuspa runaspa ñaupakencupi orkhowachuycu carcelmanta, —nispa.

Hechos 25:16

Nokataj paycunaman cuticherkani: Nokaycu romanocuna caspa ruwanaycumanjinaka mana atiycuchu uj mana juchachaska runata jaywaycuytaka. Manachayrí “juchayoj” nejcunan uyanchanancu tiyan. Paytaj chay niskancumanta cutichicunan tiyan, nispa.

Hechos 27:43

Camachejrí Pablo wañunanta mana munarkachu. Astawanpis payka barco apaycachajcunata jarc'arka yuyaskancuta ama ruwanancupaj. Camacherkataj: —Wayt'ayta yachajcuna ñaupajta yacuman phinquiycuychej jallp'aman chayanayquichejpaj.

Hechos 23:17

Chaymanta Pablotaj soldado camachejta wajyaspa nerka: —Cay joventa curaj camachejniyquipaman pusay. Payka uj imata payman willanan tiyan, —nispa.

Hechos 27:3

K'ayantintaj Sidón llajtaman chayarkaycu. Chaypitaj Julioka Pablota qhuyaspa amigosninman rinanta sakellarka pisichicuskanta konancupaj.

Hechos 27:1

Italia jallp'aman rinaycuta nerkancu. Chanta Pablo waj jap'iycuska runaswan Julioman jaywaskas carkancu. Julioka pachaj soldadosta camachej carka. Chay tropaka romano camachej Augustojta carka.

Hechos 10:1

Cesarea llajtapi tiyacoj uj runa, Cornelio sutiyoj. Camacherka pachaj soldadosta Italiano niska tropata.

San Mateo 27:54

Romano camachej, soldadosninwan, Jesusta wakaychasharkancu. Paycunataj jallp'a qharcatitishajta chay waj imas ruwacushajtawan ricorkancu. Chayraycu mayta manchachicuspa nisharkancu: —Chekamanta cay runaka Diospa Wawan carka, —nispa.

San Mateo 8:8

Cutichispa chay camachej nerka: —Señor, arí, noka mana wasiyman yaycunayquipajjinachu cani. Astawanka cayllamanta niy, uywaskaytaj thañicaponka.

San Mateo 10:17

Khawacuychejpuni sajra runasmanta. Imaraycuchus curajcunaman jaywaycusonkachej. Tantacuna-wasisnincupitaj c'aspiswan wajtasonkachej.

Hechos 22:26

Camachejka chayta uyariytawan curajninman willamorka: —Sumajta reparay. ¿Imatataj ruwashanquirí? Cay runaka romanomin, —nispa.

Hechos 23:27

Israelcuna cay Pablota jap'iycucherkancu. Paytataj wañuchiytaña munasharkancu. Nokarí romano runa caskanta yachaspa soldadosniywan maquisnincumanta cacharichimorkani.