Hebreos 8:8 - Quechua South Bolivia: Dios Parlapawanchej

⁸ [Chay ñaupa runas mana niskanta junt'askancuta ricuchinanpaj] Señor Dioska palabranpi nin: Sumaj p'unchaycuna jamonka. Chay p'unchaycunapi mosoj tratoyta churasaj Israel ayllupaj Judá ayllupajpis.

Qheshwa Biblia DC

^8-9 Chayrayku paykunata k'amispa nin: Qhawaychej, p'unchaykuna jamushanku, Señor nin: Maypachachus Israel aylluwan, Judá aylluwan ima uj mosoj tratota ruwasaj; mana tatasninkuwan ruwarqani jinatachu, maypachachus jaqay p'unchaypi Egipto jallp'amanta orqhomorqani makinkumanta aysaspa. Paykunataj mana tratoypi sayarqankuchu. Chayrayku noqapis paykunata qhesacharqani, nin Señorqa.

DIOSPA QHELQACHISQAN DEUTEROCANONICAL

⁸ Dios rikorqa ayllun trato ruwasqanta mana munasqanman jina junt'asqankuta. Chayrayku nerqa: Uj p'unchay chayamonqa, chay p'unchaypitaj noqa Tata Diosqa Israel aylluwan, Judá aylluwan ima uj mosoj tratota ruwasaj.

DIOSPA QHELQACHISQ

⁸ Dios rikorqa ayllun trato ruwasqanta mana munasqanman jina junt'asqankuta. Chayrayku nerqa: Uj p'unchay chayamonqa, chay p'unchaypitaj noqa Tata Diosqa Israel aylluwan, Judá aylluwan ima uj mosoj tratota ruwasaj.

Hebreos 8:8 Referans Kwoze

Hebreos 12:24

Mosoj tratonmanjina allinyanachej Jesusman kayllaycucunquichej. Paypa yawarnenka sonkosniyquichejta llimphuchasunquichej. Aswan sumaj cashan Abelpa yawarninmanta niskaka. [Abelpa yawarnenka Cainta juchacharka. Jesuspatarí c'acha yanapayninnejta perdonasunquichej.]

Hebreos 9:15

Cristoka may sumaj jaywananwan Diospa mosoj tratonta atiyniyojta nokanchejpaj ruwarka. Dios niskanta mana junt'ayta aterkachu ñaupa tratonpi runaska juchallicuskancuraycu. Cristorí wañorka runasta tucuy juchamanta cacharichinanpaj. Cunanka Cristoj wañuyninraycu tucuy wajyaskacunaman Dios sumaj niskanta junt'an wiñay causayniyoj canancupaj.

2 Corintios 3:6

Payka atiyniyojta ruwawarkaycu mosoj tratonta willaranaycupaj. Chayka mana kelkaska camachiskachu manachayrí mosoj causayta koj tratonmin Santo Espiritunejta sonkonchejpi churaska. Imaraycuchus kelkaska camachiskaka wañunapaj juchachan. Espiriturí wiñay causayta kon.

1 Corintios 11:25

Miqhuskancumanta quiquillantataj copawan ruwaspa nerka: “Cay copaka Diospa mosoj tratonmin. Yawarniyka traton atiyniyoj cananpaj jich'askamin. Cayta ruwaychej, sapa cuti ujyaspa wañuyniymanta yuyaricunawayquichejpaj”, nispa.

San Lucas 22:20

Miqhuskancumanta Jesús quiquillantataj copawan ruwaspa nerka: —Cay copaka Diospa mosoj tratonmin. Yawarniyka traton atiyniyoj cananpaj jich'askamin cashan ama wiñaypaj wañunayquichejpaj.

Marcos 14:24

Paycunaman Jesús nerkataj: —Cay yawarniyka Diospa mosoj traton atiyniyoj cananpaj jich'askamin. Yawarniyka ashqha runacunapaj jich'aska canka paycuna ama wiñaypaj wañunancupaj.

San Lucas 17:22

Yachacojcunanmanri nerka: —Jamoj p'unchaycunapi noka, Diospa cachaska Runan, cutimuspa kancunawan canayta mayta munanquichej. Uj p'unchayllatapis ricuwayta munanquichej. Manaraj munaskayquichejka cankachu.

San Mateo 26:28

Cay ujyanaka yawarniy ninacun. Jich'aska canka Diospa mosoj traton atiyniyoj cananpaj. Chayraycu causayniyta churani ashqha runaspa juchasnincuta wiñaypaj khechunaypaj.

Hebreos 7:22

Cacharichiwajninchej Jesuska Dioswan cuscapuni caspa, chay aswan sumaj traton cheka caskanta wiñaypaj rejsichiwanchej.

Hebreos 8:6

Cunanrí janaj pachapi Cristoka aswan sumaj ruwanasniyojmin, mosoj traton atiyniyoj caskanta ricuchispa. Dioska chay mosoj tratonta aswan sumaj niskasninwan kowanchej. Chaymanjinataj Cristoj ruwanasnenka aswan sumajmin.

Hebreos 8:13

Mosoj tratonmanta parlaspaka ñaupa cajtaka mauc'aña caskanta ricuchin. Chay mauc'ataj chincapunayashanña.

San Lucas 5:38

Mosoj vinotaka mosoj karasman churana tiyan.