Hebreos 8:13 - Quechua South Bolivia: Dios Parlapawanchej

¹³ Mosoj tratonmanta parlaspaka ñaupa cajtaka mauc'aña caskanta ricuchin. Chay mauc'ataj chincapunayashanña.

Qheshwa Biblia DC

¹³ Mosoj trato nispa, Diosqa mauk'ayachinña ñaupaj kajta. Unayniyojqa mauk'ayapun, chinkariynintaj qayllapiña kashan.

DIOSPA QHELQACHISQAN DEUTEROCANONICAL

¹³ Maypachachus Dios mosoj tratomanta parlan chaypacha, niyta munan ñawpa trato ruwasqan unayniyojña kasqanrayku manaña valorniyojchu kasqanta. Ajina kasqanrayku chay ñawpa trato chinkapunan qayllapiña kashan.

DIOSPA QHELQACHISQ

¹³ Maypachachus Dios mosoj tratomanta parlan chaypacha, niyta munan ñawpa trato ruwasqan unayniyojña kasqanrayku manaña valorniyojchu kasqanta. Ajina kasqanrayku chay ñawpa trato chinkapunan qayllapiña kashan.

Hebreos 8:13 Referans Kwoze

2 Corintios 5:17

Pillapis Cristowan ujchaska cajka Diospa mosoj ruwaskanmin. Paypaj tucuy ñaupa cajka chincapunña. ¡Khaway, mosojyachiska chay runaka!

Hebreos 9:15

Cristoka may sumaj jaywananwan Diospa mosoj tratonta atiyniyojta nokanchejpaj ruwarka. Dios niskanta mana junt'ayta aterkachu ñaupa tratonpi runaska juchallicuskancuraycu. Cristorí wañorka runasta tucuy juchamanta cacharichinanpaj. Cunanka Cristoj wañuyninraycu tucuy wajyaskacunaman Dios sumaj niskanta junt'an wiñay causayniyoj canancupaj.

1 Corintios 13:8

Munacuyka ni jayc'aj tucucunchu. Espiritoka atiycunata cunan p'unchaycuna koshan ajllacuskasninta wiñachinanpaj. Willaraycuna canman, chaypis tucuconka; waj parlaycunapi parlay canman, chaypis ch'inyaponka. Cheka cajta yachay canman, chaypis tucuconka.

San Mateo 24:35

Cielopis jallp'apis tucucaponkancu. Cay niskasniyrí mana tucucaponkachu.

San Lucas 22:20

Miqhuskancumanta Jesús quiquillantataj copawan ruwaspa nerka: —Cay copaka Diospa mosoj tratonmin. Yawarniyka traton atiyniyoj cananpaj jich'askamin cashan ama wiñaypaj wañunayquichejpaj.

2 Corintios 3:6

Payka atiyniyojta ruwawarkaycu mosoj tratonta willaranaycupaj. Chayka mana kelkaska camachiskachu manachayrí mosoj causayta koj tratonmin Santo Espiritunejta sonkonchejpi churaska. Imaraycuchus kelkaska camachiskaka wañunapaj juchachan. Espiriturí wiñay causayta kon.

Hebreos 1:11

Cay pachapis janaj pachapis tucuconkancu. Kanrí wiñaypaj canqui. Tucuy chay ruwaskaka p'achajinalla mauc'acaponka.

Hebreos 7:22

Cacharichiwajninchej Jesuska Dioswan cuscapuni caspa, chay aswan sumaj traton cheka caskanta wiñaypaj rejsichiwanchej.

Hebreos 8:6

Cunanrí janaj pachapi Cristoka aswan sumaj ruwanasniyojmin, mosoj traton atiyniyoj caskanta ricuchispa. Dioska chay mosoj tratonta aswan sumaj niskasninwan kowanchej. Chaymanjinataj Cristoj ruwanasnenka aswan sumajmin.

Hebreos 8:8

[Chay ñaupa runas mana niskanta junt'askancuta ricuchinanpaj] Señor Dioska palabranpi nin: Sumaj p'unchaycuna jamonka. Chay p'unchaycunapi mosoj tratoyta churasaj Israel ayllupaj Judá ayllupajpis.

Hebreos 12:24

Mosoj tratonmanjina allinyanachej Jesusman kayllaycucunquichej. Paypa yawarnenka sonkosniyquichejta llimphuchasunquichej. Aswan sumaj cashan Abelpa yawarninmanta niskaka. [Abelpa yawarnenka Cainta juchacharka. Jesuspatarí c'acha yanapayninnejta perdonasunquichej.]