Hebreos 3:19 - Quechua South Bolivia: Dios Parlapawanchej

¹⁹ Ajinamanta cayta reparanchej: Paycunaka mana paypi jap'icuskancuraycu paypa samacuynin jallp'aman mana yaycuyta aterkancuchu.

Qheshwa Biblia DC

¹⁹ Yachanchej mana yaykuyta atisqankuta, mana creesqankurayku.

DIOSPA QHELQACHISQAN DEUTEROCANONICAL

¹⁹ Ajinataj karqa. Paykuna Diospa qosqan samarinaman mana yaykuyta aterqankuchu, Diospi mana atinikusqankurayku.

DIOSPA QHELQACHISQ

¹⁹ Ajinataj karqa. Paykuna Diospa qosqan samarinaman mana yaykuyta aterqankuchu, Diospi mana atinikusqankurayku.

Hebreos 3:19 Referans Kwoze

Judas 1:5

Tucuy cayta yacharkanquichejña. Chayraycu kancunata yuyarichiyta munani. Señorninchejka tucuy israel runasninta Egipto jallp'amanta cacharichimorka. Paypi mana jap'icoj runasnintataj khepata wañuracherka.

San Juan 3:36

Wawanpi jap'icojka wiñay causayniyojmin. Wawanpi jap'icuyta mana munajrí wiñay causayman mana yayconkachu. Astawanpis Diospa c'ajaj phiñacuynin chay runapaj wiñaypaj cashan, —nerka Juan.

San Juan 3:18

Paypi jap'icojka mana juchachaskachu. Paypi mana jap'icojrí juchachaskañamin, Diospa c'ata Wawanpi mana jap'icuskanraycu.

Marcos 16:16

Nokapi jap'icuspa bautizacojtaka Dios wiñaypaj cacharichenka. Nokapi mana jap'icojtarí wiñaypaj juchachanka.

1 Juan 5:10

Jesucristopi jap'icojka yachan sonkonpi pay Diospa Wawan caskanta. Imaraycuchus jap'icojpa sonkonpi Dios chayta reparachin. Diospi mana jap'icojrí payta llullatajina khawan Wawan Jesucristomanta Diospa willaskanta mana jap'icuskanraycu.

2 Tesalonicenses 2:12

Ajinamanta cheka cajta tucuy mana jap'icojcuna juchachaskas cankancu. Diospa cheka palabrantataj manapuni jap'icorkancuchu. Astawanpis paycunaka sajrata ruwaspapis cusicorkancu.

Romanos 11:23

Paycunachus Diosman cutiricapuncuman paypi jap'icuspa chayka, ujtawan paycunaman qhuyacuyninta ricuchenka. Chekamanta Dioska atin paycunata watejmanta sayarichiyta.

Hebreos 3:12

Hermanosníy, khawacuychej pajtataj maykenpis kancunamanta sajra sonkoyoj canman. Ajinamanta, wiñay causaj Diospi mana jap'icuskanraycu paymanta carunchacushanman.