Apocalipsis 1:8 - Quechua South Bolivia: Dios Parlapawanchej

⁸ Tucuy atiyniyoj Señor Dioska nin: “Noka cani kallarejka, nokataj tucuchaj cani,” nispa. Payka cashanpuni, carkapuni, wiñaypajpunitaj canka.

Qheshwa Biblia DC

⁸ Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

DIOSPA QHELQACHISQAN DEUTEROCANONICAL

⁸ Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

DIOSPA QHELQACHISQ

⁸ Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

Apocalipsis 1:8 Referans Kwoze

Apocalipsis 22:13

Noka ñaupaj caj cani, nokataj khepa caj cani. Noka cani kallarejka, nokataj tucuchaj cani.

Apocalipsis 21:6

Nillawarkataj: —Ruwaskaña. Noka cani kallarejka, nokataj tucuchaj cani. Ch'aquichicojmanka wiñay causayta koj phullchimoj yacuta mana mich'acuspa kollasaj ujyananpaj.

Apocalipsis 1:4

Juanka Asia jallp'api caj Diospa ajllacuskasnin kanchis iglesiasman kelkan. Dios Tatamanta, Santo Espiritumanta, Jesucristomanta c'acha yanapaynin kancunawan cachun allillanpi causacunayquichejpaj. Dios Tataka cashanpuni, carkapuni, wiñaypajpunitaj canka. Santo Espiritoka Diospa ñaupakenmanta tucuy niskasninta junt'anpunimin.

Apocalipsis 11:17

—Tucuy atiyniyoj Señor Diosniycu, kan canquipuni carkanquipunitaj. Jatun atiyniyquiwanña cunan camachishaskayquiraycu kanta agradececuycu.

Apocalipsis 1:17

Payta ricuspataj chaquisninman wañuskajina urmarkani. Payrí paña maquinta nokaman churaycuwaspa niwarka: —Amaña manchachicuychu. Nokamin ñaupaj caj cani, nokataj khepa caj cani.

Apocalipsis 2:8

‘Esmirnapi iglesia tantacojcunaj willajnincuman kelkay: Noka ñaupaj caj khepa cajtaj, wañuskamanta causarimoj cajtaj nishayqui:

Apocalipsis 4:8

Chay tawa causajcuna sapa ujnincu sojta lijrasniyoj carkancu. Ñawipurutaj carkancu muyuynincupipis uqhuncupipis. Tuta p'unchay mana samaricuspa yupaychashallancupunitaj: —¡Santo, santo, santo, tucuy atiyniyoj Señor Dios! Payka carkapuni, cashanpuni, wiñaypajpunitaj canka, —nispa.

2 Corintios 6:18

Kancunapaj Tatayquichej casaj. Kancunapis wawasniy canquichej, nispa nin tucuyta camachej atiyniyoj Señor.

Apocalipsis 19:15

Diospa Niskan sutiyojpa siminmanta filo t'ujsina espada llojsimushan, chaywan llajtasta wajtananpaj. Tucuy llajtasta sinch'i atiywan camachenka. Tucuy atiyniyoj Diospa c'ajaj phiñacuyninwan sajra runasta paylla juchachanka.

Apocalipsis 16:14

Chay millay espiritustaj ricuchinasta ruwaj supaycuna carkancu. Paycunaka tucuy cay pacha camachejcunaman rerkancu. Tucuy atiyniyoj Diospa jatun guerra p'unchayninpaj chay camachejcunata tantamorkancu.

Apocalipsis 21:22

Chay llajtapeka ni ima yupaychana-wasitapis ricorkanichu. Tucuy atiyniyoj Señor Diosmin Corderowan chaypi tiyacun yupaychaska cananpaj.

Apocalipsis 1:11

Niwarka: —Uj libropi kelkay imatachá ricunqui, chayta. Chaytataj Asia jallp'api caj Diospa ajllacuskasnin kanchis iglesiasman apachiy. Paycunaka kanchis llajtaspi: Efeso, Esmirna, Pérgamo, Tiatira, Sardis, Filadelfia, Laodicea llajtaspi cancu, —nispa.

Apocalipsis 15:3

Diospa camachin Moisespa Corderojtapis taquiyninta Diosman taquerkancu: —¡Tucuy atiyniyoj Señor Dios, ancha jatuntaj t'ucunapajtaj ruwaskasniyqueka! ¡Tucuy llajtasta Camachej, yuyayniyqueka chekan mana pantayniyoj!

Apocalipsis 16:7

Uyarerkanitaj altarmanta nimojta: —Arí, tucuy atiyniyoj Señor Dios, juiciopi juchachaskayqueka chekanpunimin, —nispa.

Apocalipsis 19:6

Uyarerkanitaj ancha ashqha taquejtajina phajchaj sonaynintajina sinch'i truenocunatajinapis. Nerkancutaj: —¡Aleluya! Tucuy atiyniyoj Señor Diosninchej camachinña.