1 Pedro 1:23 - Quechua South Bolivia: Dios Parlapawanchej

²³ Wiñay causaj Diospa niskannejta watejmanta nacecorkanquichej. Chay nacecuyri mana cay pacha runaj nacecuyninjinachu. Manachayrí wiñay causaypaj nacecuymin.

Qheshwa Biblia DC

²³ Qankunaqa watejmanta nacisqas kankichej, mana ismoj mujumantachu; manachayqa mana ismojmanta, Diospa palabrannejta. Chaytaj kausan wiñaynintimpaj.

DIOSPA QHELQACHISQAN DEUTEROCANONICAL

²³ Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

DIOSPA QHELQACHISQ

²³ Qankuna watejmanta paqarerqankichej, mana wañoj tata mamamantachu. Manachayqa mana jayk'aj wañojmanta paqarerqankichej, chaytaj Diospa wiñay wiñaypaj kawsaj simi nisqannejta.

1 Pedro 1:23 Referans Kwoze

1 Pedro 1:3

Señorninchej Jesucristoj Diosnin Tatanka may jatunchaska cachun. Dioska may jatun qhuyacuyninwan mosoj causayta kowarkanchej. Wiñay causayniyoj cananchejpajtaj Jesucristota wañuymanta causarichimorka. Chayraycu Diospipuni confiacunchej.

Hebreos 4:12

Chekatapuni Diospa niskanka causayniyojmin pay causayniyoj caskanraycu. Atiyniyojtaj cashan, puraj filoyoj espadamanta aswan filotaj. Chay niskanka espadajina t'ujsiycun sapa uj runaj uqhu yuyayninman munayninmanpis, yachananpaj Diosmantachus chayrí cay pachamantachus caskanta. Reparachintaj sonkoj tucuy unanchayninta munaynintapis.

San Juan 3:3

Jesusri payman nerka: —Chekatapuni niyqui: Diosta Camachejninpaj rejsinanpaj uj runa watejmanta naceska canan tiyan, —nispa.

San Juan 1:13

Chaywanpis Diosnejta nacecuspa wawasnin cancu paypi jap'icuskancuraycu. Manataj cay pacha runaj nacecuyninmanjinachu, ni cay pacha runaj munayninnejtachu, nitaj kharej yuyayninnejtachu Diospa wawasnin cancu.

San Juan 6:63

Diospa Espiritullan causayta kon, manamin runaka atiyniyojchu chayta ruwananpajka. Cay palabras noka kancunaman niskayrí Santo Espiritumantamin. Chayraycu niskasniy causayta kon.

1 Juan 5:18

Yachanchej Diospa wawasnenka manaña juchapajchu causashaskancuta. Diospa Wawan, Cristorí payta wakaychan. Ajinapi supay Satanaska mana imananchu Diospa wawanta.

Santiago 1:18

Yuyaskanmanjinataj causayta kowarkanchej wawasnin cananchejpaj cheka palabranta willarachiskannejta. Wawasninta ruwawarkanchej khepanta ashqha runaspis paypi jap'icunancupaj.

San Juan 3:5

Jesusri cuticherka: —Chekatapuni niyqui: Diosta Camachejninpaj rejsinancupaj uj runaka yacunejta Santo Espiritunejtapis nacecunan tiyan. [Ajinapi juchamanta llimphuchaska cajtin, Santo Espíritu mosoj causayta kon.]

San Mateo 24:35

Cielopis jallp'apis tucucaponkancu. Cay niskasniyrí mana tucucaponkachu.

1 Juan 3:9

Mosoj causayman yaycuspa Diospa cheka wawanka manaña juchapajchu causan. Imaraycuchus paypa palabran sonkonpi cashan. Ajinaka mana juchallicunchu, Dios paypa sonkonpi tiyacuskanraycu.

1 Pedro 1:25

Señor Diospa niskanrí wiñaypaj callankapuni, nispa. Chay niskanka sumaj willanasmin. Kancunamantaj willaraska carka.

San Juan 1:3

Diostaj tucuy cajta ruwarka paynejta. Ruwaska cajmanta ni imapis canchu mana paynejta ruwaskaka.

Romanos 1:23

Ni jayc'aj wañoj Diosta jatunchayta sakepuspataj tucucoj ruwaska dioscunata jatunchayta kallarerkancu. Chay ruwaskacunataj cancu: runajina, p'iskojina, uywajina, catarijinapis.

San Lucas 8:11

‘Chay quiquinchana cayta ninayan: Mujoka Diospa niskanmin.