1 Corintios 14:15 - Quechua South Bolivia: Dios Parlapawanchej

¹⁵ Ajina cajtenka mañacusaj espirituywan, mañacusajtaj yuyayniywan. Taquisaj espirituywan, taquisajtaj yuyayniywan.

Qheshwa Biblia DC

¹⁵ Imatataj ruwasaj? Espiritupi mañakusaj, jinallatataj yuyayniywampis; takisaj espiritupi, jinallataj yuyayniywampis takisaj.

DIOSPA QHELQACHISQAN DEUTEROCANONICAL

¹⁵ Jina kajtenqa, imatataj ruwasajri? Sichus espirituywan Dioswan parlarikusaj chayqa, imatachus nishasqayta yachaspa parlarikusaj. Sitajchus espirituywan takisaj chayrí, imatachus takishasqaytapis yachallasajtaj.

DIOSPA QHELQACHISQ

¹⁵ Jina kajtenqa, imatataj ruwasajri? Sichus espirituywan Dioswan parlarikusaj chayqa, imatachus nishasqayta yachaspa parlarikusaj. Sitajchus espirituywan takisaj chayrí, imatachus takishasqaytapis yachallasajtaj.

1 Corintios 14:15 Referans Kwoze

Colosenses 3:16

Cristoj niskan kancunapi cacuchun khapajyachisunayquichejpaj tucuy cheka yachaypi. Chay niskanwan yachachinacuychej yuyaychanacuychejtaj. Diosta yupaychaychej yupaychana taquinaswan, himnoswan, Santo Espíritoj yuyaychaskan taquinaswanpis. C'acha yanapayninwan tucuy sonkowan taquiychej.

Efesios 6:18

Chaywanpis Santo Espíritoj yuyaychaskanmanjina tucuy sonkowan mañacuspapuni caychej. Rijch'ariskapuni cashaychej Diospa tucuy runasninpaj mañapuspa.

Judas 1:20

Kancunarí, munaska hermanosníy, wiñay causaypaj c'acha yachachinaswan sumajta wiñaychej. Santo Espirituwan pusaskapuni Diosmanta mañacuychej.

1 Corintios 14:19

Astawanrí hermanos chaupipeka phishka palabrasta yuyayniywan parlayta munayman tucuyta yachachinaypaj. Chayta astawan munani waj parlaypi chunca waranka palabrasta parlanaymanta niskaka.

1 Corintios 10:19

Chaywanka mana nishanichu ruwaska dioscunaman jaywana caskantaka. Nitaj nishanichu ruwaska dioscunaka causashaskantapis.

Romanos 3:5

Chaymantarí runamanjina parlaspa nisunman: Sichus juchanchejnejta Dios chekan caskanta ricuchisunman chayka, Dioska juchanchejmanta phiñacojtin ¿mana chekanchu?

Romanos 1:9

Payta tucuy sonkoywan yupaychani Wawan Cristomanta willaraspa. Mana sakespa kancunapaj Diosmanta mañacoj caskayta paymin yachan.

Filipenses 1:18

¿Imanantaj chayrí? Imaymanallapipis Cristomanta willarashaskancuraycu cusicuni. Canman puraj uyamantapis chayrí cheka sonkomantapis. Astawanpis willaraskancuraycoka cusicusaj.

Romanos 8:31

Cunanka, chay jawa ¿imanisunmantaj? Dios nokanchejman sayacuwanchej chayka, ni pipis contranchejpi sayayta atinmanchu.

Hechos 21:22

Cunanrí ¿imatataj ruwasunchej? Chayamuskayquita yachaspa runaka tantaconka.

1 Corintios 14:14

Sichus waj parlaycunapi Diosmanta mañacuni chayka, espírituy mañacun. Yuyayniyrí mana reparanchu mañacuskayta.

1 Corintios 14:26

Hermanosníy, tantacuspaka tucuy ruwaskayquichejka hermanosniyquichejta wiñachinapaj cachun. Sapa uj jamun yupaychanapaj taquinawanpis chayrí yachachinawanpis chayrí Diosmanta ricuchiskawanpis chayrí waj parlaywanpis chayrí cay parlaskata sut'inchanawanpis. Chaytaka Espíritoj koskanmanjina wiñachinapaj sapa uj ruwachun.

Santiago 5:13

Kancunamanta maykenmanpis ima jatun llaquiypis jamusojtiyquichej Diosmanta mañacuchun. Kancunamanta maykenpis cusiska caspaka taquichun Diosta yupaychaspa.