San Marcos 3:23 - Mushuq Testamento

²³ Chaynu niqta uyaparmi Jesusqa paykunata qayamuran. Chaymantami uk kumparasyunta rurar kaynu niran: “¿Imanuna dyabluqa uk dyablu masinta itakuyta puytinqa?

San Marcos 3:23 Referans Kwoze

San Mateo 13:34

Tukuy kaykunatami, Jesusqa runakunataqa willaran kumparasyunkunalawan. Manami imatapis mana kumparasyunkunawanqa willaranchu.

San Marcos 4:2

Chaymi kumparasyunkunawan kusa achka imakunata yaĉhachikuran. Chaymi kaynu niyaran paykunataqa:

San Mateo 4:10

Jesusqa niran: —¡Ashuy, dyablu! Chaqa Dyus nitin iskribikashakunapimi ninpis: ‘Adurar sirbiy Amituyki Dyuslata’ nir.

San Mateo 13:3

Chaymantami Jesusqa kusa achka imakunata kumparasyunkunawan yaĉhachikuq qallarir, kaynu niran paykunataqa: “Uk runami tarpukuq riran ĉhakranman.

San Marcos 3:24

Chaynullami mayqan pwiblupis paykunapura ĉhiqninakurqa mana maydiyapis pulla kaytaqa puytinchu.

San Marcos 4:11

Jesusqa niran: “Qamkunatami Dyusqa imanumi mantakun nirqa paylla intrachishuyanllapa, unay michka mana intrakasha katinllapamapis. Piru tukuy mana kriyishanrayku waqtapi yupay kaqkunata-shuypaqami kumparasyunkunalawan willan,

San Marcos 12:1

Chaymantami Jesusqa kumparasyunkunawan yaĉhachikuq qallariran, kaynu nir: “Uk runami ĉhakranpi ubata tarpur, ridurninta limpu patyuta ruraran. Chaynullami ruraranpis uk quĉhata chaypi binuta lluqshichinanpaq. Chaynulla uk shuytulla kusala atun wasita yupay ruraran, chaypa ananman iqar chay ĉhakranta chapananpaq. Chaymantaqa ayka runakunata chay ĉhakranta arrintar riran largu mayta.