San Juan 4:7 - Mushuq Testamento

^7-8 Chaykamanqa, yaĉhakuqninkunaqa pwibluman risha karanllapa mikuyta rantimuq. Chaypi Jesús payla katinmi, Samariamanta uk warmi chay quĉhaman ĉharan yakukuq. Chaymi Jesusqa niran: —Mamitay, yakituta upyachimay nir.

San Juan 4:7 Referans Kwoze

San Mateo 10:42

Chaymi mayqanpis chay sirbimaqniy kashanrayku mana kwintachaypaqla kaqkunata uk jarru qasaq yakituta upyachiq chayqami, kusa shumaq allin imakunata aypanqa Dyusmantaqa”.

San Juan 4:10

Jesusqa niran: —Qamqa manami yaĉhayankichu imanumi Tayta Dyus yanapakun chaynulla mayqanmi yakuta mañashuyan nirmapis. Chaqa allita yaĉhar yakuta mañamatkimaqa tukuy tyimpu nasimuq yakutana upyachishuyman nir.

San Juan 19:28

Chaymantami, Jesusqa tukuy imapis kumplikashana nir yaĉhashanrayku kaynu niran: —Yakunayani nir. Chaynuqami niran, Dyus nitin iskribikashapi nishan kumplikananpaq.

San Juan 4:6

Chay pachapi Jacobupa yaku upyanan quĉhapis karan. Chay quĉhapa yatanlapimi, Jesusqa kusata shaykushanrayku samaran, alas dusi yupayna.