San Juan 10:34 - Mushuq Testamento

³⁴ Jesusqa paykunata niran: —Dyus nitinmi, qamkunapaq kaynu nir iskribiran: ‘Nuqami nini dyuskuna kankillapa’ nir.

San Juan 10:34 Referans Kwoze

San Juan 8:17

Chaqa Moisés qamkunapaq mantakushanpimi kaynu nin: ‘Imapaqpis ishkay tistigukuna chayllata rimatinshi ima nishanllapapis sirbin’ nir.

San Juan 15:25

Tukuy kaykunaqami chaynuqa pasayan, Dyus nitin Moisés iskribikashankuna kumplikananpaq. Chaqa niqmi: ‘Yanqa illaqmantami ĉhiqnimanllapa’ nir.

San Juan 12:34

Chaynu nitinmi, chay runakunaqa niranllapa: —Dyus nitin iskribikashankunata liyirmi yaĉhasha kanillapa, Dyuspa Akrashan Cristunqashi tukuy tyimpupaq kawsayanqa nir. Piru ¿imapaqta ninki, Dyusmanta Shamuq Runataqa kruspi unaqman alsakayanqallapa nirqa? Chaynu katinqa, ¿pitaq Dyusmanta Shamuq Runaqa? nir.

1 Corintios 14:21

Chaqa Dyus nitin iskribikashakunapiqami, kaynu nin: “Kay pwibluta rimayniyta willananpaqmi, uklawmanta runakunata kaĉhashaq ukman rimaykunapi willananpaq. Piru chaynu ukman rimaykunapi willatinllapamapismi mana kasumanqallapachu” nir.

San Juan 10:35

Allita yaĉhashanchikllapanu chay iskribikashakunaqami chiqap. Chaqa Tayta Dyusqami paylla, paypa rimayninta intrakaqkunataqa, ‘dyuskuna kankillapa’ niran.