1 Pedro 3:10 - Mushuq Testamento

^10-12 Chaypaqmi Dyus nitin iskribikashankunapiqa nin: “Mayqanpis shumaqta kawsayta munaqqa, ama ima mana allinta rimanqachu. Chaynulla amami llullakunqalamapischu. Chaqa Amitunchikqami allin kaqkunata kuytan. Chaynulla mañakutinpis uyapan. Nataq chay mana allinta ruraqkunamantaqami payqa chiqanchakan. Chayraykumi qamkunaqa, ama ima riqchaq mana allintaqa rurarchu, ashwan allinlata rurar shumaqchanakur ima kawsayllapa”.

1 Pedro 3:10 Referans Kwoze

Santiago 1:26

Uk runa, “Nuqa allin Dyusniypi kriyiq kani” nir yarpuqqa, ama mana allinkunata rimananpaqnachu tantyachinqa qallunta. Mana qallunta tantyachiqqami: “Allin Dyusniypi kriyini” nirqa, paylla ingañakayan. Chaynu tukurqami mana chiqaptaqa Dyuspi kriyinchu.

1 Pedro 2:22

Yaĉhashanchikllapanu Jesucristuqami, mana imalapimapis uchakuranchu. Chaynulla manami llullakurlamapischu rimaran.

1 Pedro 2:1

Chayraykumi tukuy mana allin kaqkunataqa amana rurayllapanachu. Ama ingañanakunkillapachu. Ama shimikillapalawan Dyusta kasuq yupay tukunkillapachu. Ama inbidyanakuyllapachu. Chaynulla dijayllapa tukuy washanchikta rimapanakuymatapis.

Apocalipsis 14:5

Chaqa tukuy imatapis karanlata rimar imami mana uchakuranllapalamapischu.

San Juan 1:47

Chaymanta Natanael qimikaqta rikarqa, Jesusqa niran: —Kaytami shamun Israelmanta uk chiqap Dyuspi kriyiq runa. Payqami mana llullakuyta yaĉhanchu.

San Juan 12:25

Chaymi nini, mayqanpis bidanpaq llakir washayta kamaqkunaqa limpu chinqanqallapa. Piru chay mayqanpis kay bidapi nuqapi kriyishanrayku wanuq-shuypaqami, tukuy tyimpupaqna kawsanqa.

San Mateo 19:17

Chaynu nitinmi Jesusqa niran: —¿Imapaqtaq tapumanki allin kaqpaqqa? Allinla kaqqami kan ukla. Payqami Taytay Dyus. Piru tukuy tyimpupaqna kawsayta munarqami, Dyus mantakushankunata kasur kawsay nir.

San Marcos 8:35

Chaqa mayqanpis paykuna munashannulla bidanta washayta kamaqkunaqami tukuy tyimpupaqna qischakanqallapa. Piru mayqanpis nuqapi kriyishanrayku chaynulla shumaq rimayniyta yaĉhachikushanrayku qischakar wanuqkunaqami tukuy tyimpupaqna kawsanqallapa.