Sofonías 2:8 - Tayta Diosninchi Isquirbichishan

⁸ Israelcunapa munayniyoj Tayta Diosnin caynömi nin: «Wiyashcämi Moab runacuna imano ashllishushayquitapis, Amón runacuna achäquita ashipäshushayquitapis. Paycunaga ashllisha acrashä runacunatami. Nircorga munayniyoj-tucushpanmi acrashä runacunapa nasyunninman mashtacasha.

Sofonías 2:8 Referans Kwoze

Amós 1:13

Tayta Diosga caynömi nin: «Amón nasyuncho tiyajcunaga aypallatanami mana allita rurasha. Paycunaga nasyunninta jatunyächiyta munaywanmi Galaad warmicunatapis gueshyaj caycajta pachancunata gashargäriran. Chaypitami castigänillataga mana cachaycushächu.

Jeremías 49:1

Amón nasyun runacunapaj Tayta Dios caynömi niran: «Amón runacunaga Gad trïbupa siudänincunachömi tiyarcaycan. Milcom diosta adurajcunapis Gad trïbu runacuna tiyashantami duyñu-tucurcusha. ¿Maytaj Israelpita mirajcunaga? ¿Manachu pïninpis can imanwanpis quëdananpaj?

Ezequiel 36:2

Tayta Diosga caynömi nin: Israelpa contran cajcunaga yarpaycan «para-simri cacoj puntacunaga noganchïpana» nirmi.

Josué 5:9

Chaypitana Josuëta Tayta Dios niran: «Canan señalashayquiwanmi ichanga Egiptucho unay castayquicuna uyway cashanpita pengaycho caycajta jorgushcä.» Chaypitami canancamapis chay partipa jutin Gilgal.

Isaías 15:1

Moab nasyun imano cananpäpis Tayta Dios ribilashanta Isaías willacuran: Moab nasyuncho caycaj Ar siudätaga illgächengami. ¡Juc chacayllachömi illgächenga! Moab nasyuncho caycaj Kir siudätaga illgächengami. ¡Juc chacayllachömi illgächenga!

Isaías 16:6

Musyanchïnami Moab runacuna alli-tucushanta, waquinpita mas munayniyoj-tucushanta, pitapis mana rispitaj cashanta, baduläqui cashanta.

Jeremías 12:14

Tayta Dios caynömi nin: «Israelcunapa bisïnun nasyun runacunaga acrashä runacunatami pirdichisha. Chaypitami paycunataga noga gargushaj. Judá runacunatapis paycunapita gargushämi.

Lamentaciones 3:61

Tayta Dios, masqui wiyaycuy conträ imano rimarcaycashantapis, imata ruramänanpaj yarpaycashantapis.

Ezequiel 21:28

«Runa, gamga Israelcunata ashllej Amón runacunata cayno niy: ‹Tayta Dios nin: « ‹Sabliga churaränanpita jorgushanami caycan. Wañuchiyta gallaycunanpaj listunami caycan. Achicyaypa achicyar ushajpaj illgächinanpaj llushwachashami caycan.

Amós 2:1

Tayta Diosga caynömi nin: «Moab nasyuncho tiyajcunaga aypallatanami mana allita rurasha. Paycunaga uchpayänanyajmi rupachiran Edompa rayninpa tulluncunata. Chaypitami castigänillataga mana cachaycushächu.

Sofonías 2:10

Moab runacunawan Amón runacunaga chaynömi päguta chasquengapaj Tayta Dios acrashan runacunata ashllishanpita, munayniyoj-tucushanpita.

Génesis 19:37

Mayur caj gueshyacuran ollgu wamrata. Jutinta churaparan «Moab» nir. Moabpita mirajmi caycan Moab runacunaga.

Génesis 19:38

Shullca cajpis gueshyacuran ollgu wamrata. Jutinta churaparan «Ben-amí» nir. Ben-amïpita mirajmi caycan Amón runacunaga.

Jeremías 48:1

Israelcunapa munayniyoj Tayta Diosninmi Moab nasyun imano cananpäpis cayno nin: «¡Ay imanöraj canqui Nebo siudä! Pasaypa ushacashami canquipaj. Quiriataim siudächo tiyajcunataga llapantami prësu charenga. Chaymi fiyupa pengaypaj canga. Curalasha caycaj pacacunantapis ushajpämi juchurachenga.

Ezequiel 25:1

Tayta Dios cayno nimaran:

Ezequiel 35:12

Chayrämi gam musyanquipaj Israel jircacunata ashllishayquita noga Tayta Dios llapanta wiyashäta. Gam nirayqui: «Pasaypa chunyajllami caycan. Cananmi ichanga llapanta ushacarcärishun» nir.