Sofonías 2:13 - Tayta Diosninchi Isquirbichishan

¹³ Nircur Tayta Diosga Asiria runacunatanami castigar illgächengapaj. Capitalnin Nínive siudächo tiyajcunatapis uywantinta ushajpämi wañuchenga. Chaymi chunyaj chaqui jircaman ticrashano ricaconga.

Sofonías 2:13 Referans Kwoze

Nahúm 3:7

Llapanpis ricashojcunaga gueshpirmi aywaconga cayno nishpan: ‹¡Nínive siudäga illgächishami caycan! ¿Piraj cuyapayconga? ¿Maychöraj pillatapis tarishwan shogananpaj?›

Nahúm 1:1

Cay libroga caycan Nínive imano cananpaj cashantapis Nahumta Tayta Dios ribilashanmi. Nahúm tiyaran Elcos marcachömi.

Isaías 10:16

Chaypitami munayniyoj Tayta Diosga fiyupa callpayojcunata gueshyawan gueshyachenga. Rispitananpa ruquin ninawan rupachenga.

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Nahúm 3:15

Ichanga chaychömi nina ushashunquipaj. Sabliwanmi wañunquipaj; ushajpämi illgächishunquipaj. ¡Chüpacano aypallaman miray ari! ¡Chüpacacunano aypallaman miray ari!

Miqueas 5:6

Chaura paycunami pushamäshun Asiria runacuna cajman, Nimrodcho tiyajcunata binsiycur mandananchïpaj. Paycunami salbamäshunpaj Asiria runacuna nasyunninchïman yaycamuptinpis.

Isaías 11:11

Chay wichanga Tayta Dios yapaymi acrashan runacunata shuntanga. Cutichimonga Asiriapita, Egiptupita, Patrospita, Etiopiapita, Elampita, Sinarpita, Hamatpita, lamar cantunpa caj nasyuncunapitapis.

Isaías 10:5

«¡Ay imanöraj canga Asiriapa raynin! ¡Manami musyanrächu! Payga caycan rabyasha car pitapis castigacuna guerömi. Payga caycan ollgur pitapis wirucuna guerömi.

Isaías 14:26

Cay pachacho caj nasyuncunapäga chayno cananpämi nishcä. Llapan nasyun runacunata castiganäpämi caycä.

Isaías 37:37

Chaura Asiriapa raynin Senaqueribga tolduncunata shuntacurcur cuticuran Nínive siudäman.

Jeremías 49:33

Hazorchöga imaypis manami pipis tiyangachu. Chunyajmi, jirca allgucuna tiyanallannami cangapaj. Chaychöga manami pipis tiyangapänachu. Ni caminanticunapis manami pachacongapänachu.»

Jonás 1:2

«Ayway jatun Nínive siudäman. Chaycho willapanqui paycuna fiyupa mana allita ruraycashanpita chay siudäta illgächinäpaj caycashäta.»

Jonás 3:2

«Ayway jatuncaray Nínive siudäman. Chaycho tiyaj runacunata willapanqui noga gamta willapashäta.»

Sofonías 1:4

«Judá runacunatami castigaj-aywä. Jerusalencho tiyajcunatapis castigajmi-aywä. Chay partipaga ushajpämi Baal dios-niraj ïdulucunata llapan cürancunatapis illgächishaj.