Sofonías 2:11 - Tayta Diosninchi Isquirbichishan

¹¹ Llapan dioscunata illgächishpan chay nasyun runacunataga Tayta Dios fiyupami mancharachengapaj. Intëru munducho tiyajcunapis Tayta Diosllatanami adurangapaj. Chaura may-chaychöpis payllanami adurasha cangapaj.

Sofonías 2:11 Referans Kwoze

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Oseas 2:17

Baal dios-niraj ïdulucunapa jutinta Israel rimanantaga yarpayninpitapis ushajpämi gongaycachishaj. Chay juticunataga manami imaypis parlangapänachu.

Salmos 138:4

Cay munducho caj raycunaga aunishayquicunata wiyarmi gamta alabashunquipaj.

Génesis 10:5

Chaycunami caran Jafetpita mirajcuna. Chaura paycunaga lamar cantunpa mashtacaran mirar nasyuncuna cananpaj. Paycunaga cada nasyuncho juc rimayta-camana parlaj.

Apocalipsis 11:15

Ganchis caj anjil trompëtata tucamuran. Chaura syëlucho sinchipa cayno nimushan wiyacämuran: «Llapan nasyuncunapis Tayta Diospa y cachamushan Cristupa maquinchönami caycan. Tayta Diosnami llapanpäpis munayniyoj car imaycamapis mandanga.»

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

Zacarías 8:23

«Noga, munayniyoj Tayta Diosmi cayno në: Chay wichanga chuncaj juc-lä nasyun runacunami juc Judá runata röpanpita charircur ruwangapaj: ‹¡Gamwan aywaytami munä. Nogacunaga mayashcä Dios gamcunacho caycashantami!› nir.»

Zacarías 8:20

«Noga, munayniyoj Tayta Diosmi cayno në: Runacuna shamongapämi juc-lä nasyuncunapita, juc-lä siudäcunapitapis.

Sofonías 3:9

«Chay wichanga camacächishaj llapan nasyun runacuna alli cajllatana parlananpaj. Chaynöpami llapan runacuna juc shongunölla nogallatana aduramashpan sirbimanga.

Sofonías 1:4

«Judá runacunatami castigaj-aywä. Jerusalencho tiyajcunatapis castigajmi-aywä. Chay partipaga ushajpämi Baal dios-niraj ïdulucunata llapan cürancunatapis illgächishaj.

Joel 2:11

Suldäruncunapa ñaupancho Tayta Diosga räyuno busnintami wiyacächin. Paypa suldäruncunaga fiyupa aypallami. Pay nishanta rurajcunaga yupaytapis mana atipaypämi. ¡Fiyupa manchariypämi canga Tayta Dios jusganan junäga! ¿Piräshi chaytaga awantaycunman?

Isaías 49:1

Lamar cantuncho caycaj nasyun runacuna wiyamay. Caru nasyun runacuna nishäta sumaj tantiyacuy: Manaräpis yuriptillänami Tayta Diosga gayamaran. Mamäpa pachallanchöraj caycaptillänami nogapa jutëta rimaran.

Isaías 42:10

Tayta Diostaga mushoj alabansawan alabay. Cay munducho cajcunaga may carucho cashpayquipis alabay-llapa, lamar jananpa büquiwan purejcunapis, lamarcho tiyaj animalcunapis, lamar chaupin tishgucunacho caycaj nasyun runacunapis.

Isaías 42:4

Payga manami jamayta tarengachu cay pachacho alli goyay cananpaj manaraj arriglashancama. Lamar läduncho caj nasyun runacunapis pay yachachishanta wiyananpämi shuyaraycan.»

Salmos 86:9

Tayta Dios, gammi camacächishcanqui nasyuncuna cananpaj. Chay nasyuncho tiyaj runacunami adurashunquipaj, alabashunquipaj.

Salmos 72:17

¡Ray alli cashanpita jutintaga imaycamapis rimaycächun! Chaynölla parlachun inti cashanpitapis mas unaycamaraj. ¡Munducho caycaj nasyuncunapis pay-raycu bindisyunta chasquichun! ¡May nasyuncho tiyajcunapis rayta «alli goyaycullay» nichun!

Deuteronomio 32:38

¿Maytaj chay uywacunapa wiranta «micun» nishayqui, bïnuta churashayquita «upun» nishayqui dioscuna? ¡Canan jatarimuchun yanapäshunayquipaj! ¡Shamuchun washäshunayquipaj!

Jeremías 10:11

Ïdulucunata adurajcunata cayno niy: «Cay pachatapis syëlutapis mana ruraj dioscunaga llapanmi cay pachapita illganga. Ni jucnayllapis cay pachachöga manami cangapänachu.»

Jeremías 46:25

Israelcunapa munayniyoj Tayta Diosninmi nin: «Tebaspa diosnin Amonta, Egiptupa diosnincunata, raynincunata, faraonta, faraonman yäracojcunatapis llapantami castigashaj.

Daniel 11:18

Chaypitaga lamar cantuncho caycaj siudäcunamanna magaj yaycongapaj. Chaura waquenga paycunapa maquincho ricacongapaj. Chayno alli chölu-tucuycajtami juc mandaj binsiycur pengayman churanga.

Malaquías 1:14

Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.»

Isaías 2:18

Chay öraga ïdulucunatapis ushajpämi illgächenga.

Isaías 2:20

Chay junäga runacuna ïduluncunata goripita, guellaypita adurananpaj rurashantapis cachaycärengapaj ucushcuna tiyanan, chicchicuna tiyanan uchcucunachömi.