Salmos 98:3 - Tayta Diosninchi Isquirbichishan

³ Tayta Diosninchëga yarpäriranmi cuyashan Israel runacunata. ¡Mundupa jucaj cuchuncho tiyaycajcunapis musyashami Tayta Diosninchi salbamashanchïtaga!

Salmos 98:3 Referans Kwoze

Salmos 22:27

Tucuy casta carpis, may nasyunpita carpis Tayta Diosmanna yäraconga. Cay pachacho tiyajcunaga llapan runacunami Tayta Diosta adurananpaj shamonga.

Hechos 28:28

Isaías nishannöllami gamcunapis caycanqui. Chaymi mana Israel runacunatana salbacunanpaj willapäshaj. Paycunami ichanga juclla tantiyaconga.»

Hechos 13:47

Llapan runacunata willapänäpämi Tayta Dios nimaran: «Gamcunataga churashcä llapan nasyun runacunapaj achquino canayquipämi. Chaynöpami mundu intërucho tiyajcuna salbasha cangapaj.»

Lucas 1:72

Chayno cashpanmi musyachimaranchi unay caj awilunchicunata cuyapashanta, conträtuta rurar aunishancunata mana gongashantapis.

Deuteronomio 4:31

cuyapäcoj cashpan manami cachaycushunquipächu ni ushacächishunquipäpischu. Unay caj famillyayquicunata aunishantapis manami gongangapächu.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Salmos 98:2

Tayta Diosga binsishantami willacusha. Allita ruraj cashantami musyachisha llapan nasyuncho tiyaj runacunata.

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.

Romanos 10:12

Chayno caycaptenga Israel runa cashapis mana Israel runa cashapis manami imananpischu. Llapanchïpapis jucnayllami Diosninchi. Mañacoj cajta payga pï-maytapis yanapanmi.

Lucas 3:6

Chaynöpami Tayta Dios cachamushan Salbacojtaga llapan runa ricanga.›»

Miqueas 7:20

Tayta Dios, cumliycuy ari Jacobta aunishayquita, Abrahamta cuyapänayquipaj aunishayquitapis. Chaynömi unay awilöcunata aunirayqui.»

Isaías 49:6

Paymi nimasha: «Manami sirbimajnë cashallayquiwanchu usharanga. Manami Jacobpita miraj cawaycar quëdaj Israelcunata cutichishallayquiwanchu usharanga. Chaypa ruquenga nogami camacächishaj nasyuncunapaj juc achquino canayquipaj. Chaynöpami camacächishaj mundu intërucho caycaj runacunaga gam-raycu salbasha cananpaj.»

Isaías 45:22

«May caru allpapa cuchuncho cajpis Nogaman shamuptiquega salbashayquimi. Nogallami Diosga cä. Nogapita mas juc diosga manami canchu.

Salmos 106:45

Tayta Diosga yarpäriran paycunawan conträtuta rurar parlacushanta. Chaymi yapay yanaparan. Chaynöga yanaparan fiyupa cuyacoj cashpanmi.

Salmos 67:7

¡Tayta Dios bindisyunta goycamäshun ari! ¡Cay munducho tiyajcunaga llapanpis payta alabaycuchun!

Romanos 10:18

Ichanga noga në: ¿Jesucristupa alli willacuyninta manachu wiyasha? Au, wiyashami. Tayta Diosninchïpa palabranchöpis caynömi niycan: «Busnenga cay pachaman intërumanmi wiyacasha. Rimashancunaga may-chaymanpis chayashami.»

Levítico 26:42

Chauraga nogapis yarpärishäpaj Jacobwan, Isaacwan, Abrahamwan conträtuta rurar parlacushäta. Chaynöllami nasyunninpäpis yarpärishäpaj.

Isaías 52:7

Alli willacuyta apamushpan jircacunapa shamojta ricarga fiyupami cushicunchi. Fiyupa cushicuypämi alli goyayllana cananpaj willacuptenga, salbashana cananpaj willacuycajta wiyashaga. Payga Sionta nin «Tayta Diosniquimi ray» nir.