Salmos 97:3 - Tayta Diosninchi Isquirbichishan

³ Paypa ñaupantaga nina rataycajmi aywan. Chay ninami payta chiquejcunataga rupar ushacurcun.

Salmos 97:3 Referans Kwoze

Salmos 50:3

Tayta Diosninchëga manami mana musyacayllachu shamonga. Paypa ñaupantaga shamonga ima-aycatapis rupar ushacurcoj ninami. Paypa intërun tumarejpana shamun fiyu wayra.

Salmos 18:8

Senganpita goshtay llojshiycaran, shiminpitana nina. Shiminpaga ajtuycämuran ratataycaj shanshata.

Hebreos 12:29

Man'chäga usharamashwanmi. Payga fiyupa rataycaj ninanömi.

2 Tesalonicenses 1:8

Tayta Diosta mana cäsur Jesucristupa alli willacuyninta mana chasquicojcunataga castigangami.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Daniel 7:10

«Paypa ñaupanpitaga nina rataycaj mayumi llojshiycaran. Waranganpa-waranganpa runacuna aduraycaran. Yupaytapis mana atipaypaj sirbircaycaran. Chayno caycaptin auquenga jusgananpäna jamaycuran. Librucunatapis quicharan.

Deuteronomio 32:22

Cananga nina ratarejnörämi fiyupa rabyacurcushcä. Rabyashäga chayanga pacha rurincamami. Allpatapis micuytapis manami wayuchishächu. Jircacunatapis rupachirmi ushashaj.

Habacuc 3:5

Paypa ñaupantami shamonga fiyupa manchariypaj gueshya. Paypa guepantanami chayamonga fiyupa rupay gueshya.

Apocalipsis 11:5

Pipis wañuchiyta munaptenga shiminpitami nina llojshimonga rupar usharinanpaj. Contrancunataga quiquincunatami wañuchenga.

Deuteronomio 5:4

Gamcunawanga Tayta Dios quiquinmi jircacho nina rataycajpita parlaran.

Deuteronomio 4:36

Syëlupitami piñacur willapäshurayqui. Cay pachacho ricarayqui nina rataycajta. Chay nina rataycämojpita parlamojtami wiyarayquipis.

Deuteronomio 4:11

Chaura gamcuna witirayqui punta chaquinman. Quiquin puntapitana janajcama nina jatariycaran. Yana goshtaypis jatariycaran.

Apocalipsis 20:15

Libro de bïdacho jutincuna mana apuntaraj cajcunataga nina rataycaj gochamanmi gaycuriran.

Salmos 18:9

Syëluta quicharirmi urämuran. ¡Chaquenga caycaran fiyupa yana pucutay janancho!

Ezequiel 1:4

norte caj-läpita fiyu wayra wayraycämojta. Pucutay chaupinpitana illguy achicyashannöraj nina llojshiycämuran. Chay nina chaupinchöna fiyupa chillapyaypa chillapyaycämuran.