Salmos 96:12 - Tayta Diosninchi Isquirbichishan

¹² Chacracunapis chaycho caycajcunapis cushicuchun. Munticho caj yöracunapis llapan cushicuypita gaparpächun.

Salmos 96:12 Referans Kwoze

Isaías 35:1

Chunyaj jircacunapis chaqui pachapis cushicuchun. Gala pampacuna cushicur berdiypa-berdir guewa wiñar waytachun.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 49:13

¡Syëlu, cushicuypita gaparay! Tayta Diosga acrashan runacunata shogashami. ¡Allpa, fiyupa cushicuy! Acrashan runacuna llaquicuycaptin Tayta Diosga cuyapashami. ¡Jircacuna, cushisha caycashayqui musyacänanpaj gaparpay!