Salmos 96:10 - Tayta Diosninchi Isquirbichishan

¹⁰ Nasyuncunacho tiyajcunata «Tayta Diosmi Rayga» niy. Paymi cay mundutapis sumaj tacyachisha mana cuyunanpaj. Paymi llapan runacunatapis iwalninchïta mandamanchi.

Salmos 96:10 Referans Kwoze

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Salmos 67:4

Llapan nasyuncunachöpis cushicuypita gaparpächun, gam llapan runacunatapis alli mandashayquipita. ¡Gammi mandaycanqui cay pachacho caj llapan nasyuncunataga! Selah

Salmos 9:8

Cada ünuntami jusganga imano cashantapis. Llapantapis iwalmi jusgangapaj.

Hechos 17:31

Tayta Diosga maynami juc runata acrasha juc junaj llapan runacunata ima rurashanpitapis jusgananpaj. Acrashanta musyananchïpämi chay runataga wañushanpita cawarachimusha.»

Salmos 98:9

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis iwalmi arriglanga.

Apocalipsis 19:11

Chaypitanami ricarä janaj pachapa puncun quicharaycämojta. Yuraj cawallun muntasha caycajtapis ricarä. Muntaraycäga caran nishanta cumlejmi. Paymi pitapis mana chapaypa juchancunapita jusganga.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Apocalipsis 19:6

Chaypitaga chayasha mayu aywar gaparashanno, räyu junrurushanno, achca runacuna rimashanno wiyacaran. Cayno niycaran: «¡Tayta Diosninchi alabasha cachun! ¡Paymi munaynincho llapanta chararaycan!

Apocalipsis 11:15

Ganchis caj anjil trompëtata tucamuran. Chaura syëlucho sinchipa cayno nimushan wiyacämuran: «Llapan nasyuncunapis Tayta Diospa y cachamushan Cristupa maquinchönami caycan. Tayta Diosnami llapanpäpis munayniyoj car imaycamapis mandanga.»

Hebreos 1:3

Wamranmi musyachimanchi Tayta Dios imano munayniyoj cashantapis. Wamranta rejserga quiquin Tayta Diostapis rejsinchïmi. Llapan camashancunatapis munaynincho Wamran chararaptinmi canancamapis caycanraj. Wamranga llapan juchanchïcunata perdunamänanchïpämi cruscho wañurcur syëluman cutiran. Chaychönami cananga Tayta Diospa derëchu caj-läduncho jamaraycan.

Gálatas 1:16

Chaymi Jesucristuta nogapis chasquicunäpaj sumaj tantiyarcachimar cachamasha alli willacuyninta mana Israel runacunatapis willapänäpaj. Chayno nimaptin manami pimanpis tapucoj aywashcächu.

Malaquías 1:14

Maldisyunädumi canga allinnin caj uywanta nogata goycamänanpaj aunircur gueshyaj uywallantana pishtapämäga. Nogaga cä munayniyoj Raymi. Llapan nasyun runacunapis manchacamanmi.»

Daniel 2:44

Chay raycuna mandaycashan wichanmi Tayta Diosga juc rayta yurichengapaj. Chay ray mandashantaga manami pipis binsengapänachu. Ni may nasyuncho caj raycunapis manami binsengapänachu. Pay japallannami llapan mandajcuna mandashanta mandanga. Pay mandashanga para-simrimi canga.

Salmos 126:2

Chaymi cushicushpanchi Tayta Diosta alabaranchi. Tayta Diosta mana rispitajcunami ichanga niran: «¡Tayta Diosga almiraypämi paycunata yanapasha!»

Salmos 96:13

Shaycämoj Tayta Diospa ñaupancho cantay-llapa. Tayta Diosga llapan runacunata jusgananpämi shaycämun. Payga llapantapis allimi arriglanga.

Salmos 58:11

Chayrämi llapanpis nenga: «¡Tayta Diosta wiyacuymi alliga! ¡Cay pachacho canmi Dios llapanta jusgananpaj!» nir.

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 18:49

Chaymi llapan nasyuncuna wiyaycaptin alabashayqui. Cantaypapis alabashayquimi.

Colosenses 2:7

Juc yöra sumaj sapichasha caycajnöpis wasipa simintun sumaj perga tacyasha caycajnöpis llapan shonguyquipa Jesucristullamanna yäracuy. Yachacushayquinölla llapayquipis alli caway. Diosninchïta imay örapis agradësicur caway.

Salmos 59:13

Rabyacurcushpayqui chipyaj illgarachiy. Intëruchöpis musyacächun gam Tayta Dioslla Israel runacunachöga ray cashayqui ari. Selah

Mateo 3:2

Chaychömi willacuran: «Tayta Diospa maquincho cawananchi timpu chayamushanami. Chaymi juchayquicunapita arpinticuyna-llapa» nir.

Isaías 49:8

Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Salmos 46:6

Tayta Dios rimarcamuptenga intëru nasyun runacunami gaparpan, mandajnincunapis sicsicyan. Cay pachapis wac-läpa cay-läpami rachicäcun.

Salmos 7:9

Juchaynaj Tayta Dios, gamga musyaycanquimi runa imano yarpaycashantapis. ¡Fiyu runacunataga illgächiyna ari! ¡Juchaynaj runata ichanga yanapaycuy ari!

Salmos 9:9

Tayta Diosga imapita ñacaycajcunatapis chapanmi. Payga llaquicuycajcunata washanmi.

Isaías 52:7

Alli willacuyta apamushpan jircacunapa shamojta ricarga fiyupami cushicunchi. Fiyupa cushicuypämi alli goyayllana cananpaj willacuptenga, salbashana cananpaj willacuycajta wiyashaga. Payga Sionta nin «Tayta Diosniquimi ray» nir.