Salmos 92:6 - Tayta Diosninchi Isquirbichishan

⁶ Chaymi mana tantiyacunchu llutan ruraj runacunaga.

Salmos 92:6 Referans Kwoze

Salmos 73:22

Pasaypa mana tantiyaj runami cashcä. ¡Ñaupayquichöga caycarä juc animalnömi!

Salmos 94:8

Mana tantiyacoj upa runacuna, ¿imanirtaj mana tantiyacunquichu? ¿Imaytaj tantiyacunquicuna?

Proverbios 1:22

«Mana tantiyacojcuna, ¿imaycamaraj llutancunallapaj yarparaycanqui? Pitapis mana cäsoj mösucuna, ¿imaycamaraj pï-maytapis asipar cushipanqui? Yarpayniynaj mösucuna, ¿imaycamaraj yachaj caytapis manacajman churarcaycanqui?

Salmos 49:10

Ricashanchïnöpis llapanmi wañun. Musyaj-yachajcunapis, upacunapis wañunmi. Llapan ima-aycanpis jucpänami quëdan.

1 Corintios 2:14

Espíritu Santuta mana chasquicojcunaga Tayta Diosninchïpa Espíritu Santun yachachishancunata manami chasquinchu. Paycunapäga chaycuna caycan manacajllami. Espíritu Santuwan cajlla tantiyanapaj captinmi paycuna mana tantiyayta atipanchu.

Jeremías 10:14

Runacunaga llapanpis upami, imatapis mana tantiyajmi. Ïduluncunaga ruraj runatapis pengacachinmi. Rurashan ïdulucunaga mana bälejmi, mana cawajmi.

Proverbios 24:7

Mana tantiyacoj upaga yachayta manami tarinchu. Chaymi autoridäpa ñaupancho ima rimaytapis mana camäpacunchu.

Lucas 12:20

Chayno yarpachacuycaptinshi Tayta Dios niran: ‹¡Yarpayniynaj upa runa! ¡Canan chacaymi wañunquipaj! Llapan ñacar churashayquega ¿pipäraj quëdanga?› nir.

Isaías 1:3

Yuntaga duyñunta rejsinmi. Bürrupis rejsinmi duyñun mayman garanantapis. Israelcunami ichanga acrashä caycarpis mana rejsimanchu ni tantiyacunpischu.»

Proverbios 30:2

Nogaga cä llapan runapitapis mas mana tantiyacoj upami. Manami runapa yarpayninnöchu nogapa yarpaynëga.

Salmos 32:9

Ama canquichu cawalluno bürruno mana tantiyacöga. Cawallutaga busalninwanrämi ichichinchi. Bürrutapis shengallawacurcur-rämi munashanchïpa apanchi. Chayno mana rurashaga manami wiyamanchïchu» nir.

Salmos 14:1

Mana tantiyacoj fiyu runacunaga «Dios manami canchu» nirmi yarpan. Pasaypa pirdicashanami. Melanaypajcunatami rurasha. ¡Paycunaga mayganpis mananami allitaga rurannachu!

Salmos 75:4

Alabacojcunatami në: «Ama alabacuychu.» Fiyucunatami në: «Ama alli-tucuychu.»

Salmos 104:24

Tayta Dios, llapanta rurashayquega aypallami. Llapantapis allimi rurashcanqui. Cay pachachöga gam rurashallayquimi juntasha caycan.

Salmos 139:14

Fiyupa almiraypäta ruramashayquipitami gamta alabä. Gam rurashayquicunaga almiraypämi. Chayno almiraypaj cashantaga rasunpami riguë.

Isaías 28:29

Chaytapis ruran munayniyoj Tayta Dios yarpayta goptinmi. Paypa yachachicuynenga almiraypämi. Pay yachaj cashanga manami imamanpis tincunchu.

Isaías 55:9

Imanömi syëlupis caycan allpapita mas janajcho, chaynömi yarpashäcunapis, ima rurashäcunapis gamcunapäga tantiyayta mana atipaypaj caycan.

Jeremías 32:19

Gam yarpashayquega mana atipaypämi. Llapan rurashayquicunapis fiyupa allimi. Gamga ricaycanquimi runacuna imata rurashantapis. Chaymi rurashanmanno cada-ünunta cutichinqui.