Salmos 92:10 - Tayta Diosninchi Isquirbichishan

¹⁰ Callpätapis gammi yurichishcanqui törupa callpanno cananpaj. Gammi alli jamachimashpayqui umämanpis alli asyaj asëtita wiñapämashcanqui.

Salmos 92:10 Referans Kwoze

Salmos 23:5

Chiquimajcuna ricapaycämaptinmi mas alli micuyta garamanqui. Alli jamachimashpayquimi umämanpis asëtita wiñapämanqui. Jicha-jichananyajrämi bäsömanpis wiñapämashcanqui.

Salmos 89:17

Chayno goyanga munayniyoj cananpaj rispitasha cananpaj yanapaptiquimi. Gam cuyacoj cashpayqui yanapämaptiquimi nogacuna munayniyoj cashaj.

Salmos 45:7

Alli cajtaga cuyanquimi, mana alli cajtaga chiquinquimi. Chaynöpami Tayta Dios acracushurayqui. Waquin yanasayquicunapitami acracushurayqui. Gamtaga sumaj cushicachishurayqui.

2 Corintios 1:21

Tayta Diosmi Jesucristullaman sïguir yäracunanchïpaj yanapaycämanchi. Paymi acramashcanchïpis.

Salmos 75:10

Tayta Diosmi illgächenga fiyucuna alli-tucuycajta. Alli runatami ichanga mas munayniyojyächenga.

1 Juan 2:20

Gamcunamanga Jesucristumi Espíritu Santuta cachamusha. Chaymi tantiyanquina llutanta yachachishuptiquipis mana chasquinayquipaj.

Salmos 112:9

Pobricunata yanaparga achca achcami imatapis goycun. Pï-maypäpis allimi canga. Pï-maypitapis rispitashami goyanga.

1 Samuel 2:10

Tayta Diosga chiquejcunata illgächengami. Paycunataga syëlupita-pachami räyuwan ushachenga. Tayta Diosga llapan runatami jusganga. Acrashan raytanami munayniyojyächenga. Waquinpita mas munayniyoj cananpaj yanapanga.»

Salmos 89:24

Paytaga yanapaycäshämi. Aunishätapis cumlishämi. Yanapaptëmi mas munayniyoj ricaconga.

1 Samuel 2:1

Tayta Diosta alabar Ana niran: «Tayta Dios, yanapämashayquipita llapan shongöpami cushicö. Gammi shacyächimanqui. Llapanchöpis yanapämaptiquimi jamurpämajcunapis mana asipämanganachu. ¡Cushishami caycä!

Números 24:8

Egiptupita jorgamoj Tayta Diosmi paycunataga yanapan. Chay runacunapäga Tayta Diosmi callpayoj pogusha törunöpis caycan. Israelcunaga contran caj nasyuncunata ushangami. Tulluncunatapis paquengami. Lëchancunawan illaparmi wañuchenga.

Salmos 132:17

Chaychömi camacächishaj Davidpita mirar aywaj yapay ray cananpaj. Paypita mirajcunaga caychömi para-simri ray canga.

Números 23:22

Egiptupita jorgamoj Tayta Diosmi paycunataga yanapaycan. Payga pogusha törunöpis callpayojmi caycan.

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Lucas 1:69

Sirbejnin Davidpa castanpitami munayniyoj runata yurichenga salbamänanchïpaj.

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.

Salmos 18:15

Tayta Dios piñacur, sinchipa pücariptin lamar rurin alayri ricacäcuran. Munduta tucnarajcunapis alayri ricacaran.

Salmos 101:8

Waran-waranllantami illgächishaj cay nasyuncho caycaj fiyucunataga. Mana allita rurajcunataga Tayta Diospa siudäninpita llapantami jitarishaj.

Salmos 125:5

Mana wiyacojcunata ichanga fiyu runacunatawan iwal castigay. ¡Israelchöga alli goyay caycullächun!